ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ︽ᠠᠷᠪᠠᠨ ᠠᠩᠬᠠᠷᠤᠯ︾ ᠪᠠ ︽ᠠᠷᠪᠠᠨ ᠪᠠᠷᠢᠮᠲᠠᠯᠠᠯ︾
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-12-10
        ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ︽ᠠᠷᠪᠠᠨ ᠠᠩᠬᠠᠷᠤᠯ︾ ᠪᠠ ︽ᠠᠷᠪᠠᠨ ᠪᠠᠷᠢᠮᠲᠠᠯᠠᠯ︾      1.ᠠᠷᠪᠠᠨ ᠠᠩᠬᠠᠷᠤᠯ       ᠠᠷᠪᠠᠨ ᠠᠩᠬᠠᠷᠤᠯ ᠭᠡᠲᠡᠭ ᠪᠣᠯ ᠠᠯᠢᠪᠠ ᠡᠪᠡᠳᠴᠢᠨ ᠤ ᠬᠦᠴᠦᠨ ᠢ ᠢᠯᠭᠠᠨ ᠲᠤᠲᠤᠯᠠᠵᠤ᠂ ᠶᠡᠷᠤᠨᠲᠡᠭ ᠤᠨ ᠬᠦᠴᠦ ᠴᠢᠲᠠᠯ ᠢ ᠲᠤᠬᠢᠷᠠᠭᠤᠯᠤᠨ ᠡᠮᠴᠢᠯᠡᠬᠦ ᠳᠡᠭᠡᠨ ᠡᠷᠬᠡᠪᠰᠢ ᠠᠩᠬᠷᠤᠯ ᠳᠠᠭᠠᠨ ᠠᠪᠴᠦ ᠮᠦᠷᠲᠡᠨ ᠪᠠᠷᠢᠮᠲᠠᠯᠠᠬᠤ ᠶᠤᠰᠤ ᠲᠠᠢ ᠴᠢᠬᠤᠯᠠ ᠡᠰᠢ ᠪᠠᠷᠢᠮᠵᠢᠶ᠎ᠡ ᠨᠤᠭᠤᠳ ᠪᠤᠯᠤᠨ᠎ᠠ᠃ ᠡᠪᠡᠳᠴᠢᠨ ᠤ ᠬᠦᠴᠦᠨ ᠢ ᠤᠯᠠᠮ ᠲᠤᠲᠤᠷᠬᠠᠢ ᠢᠯᠭᠠᠨ ᠲᠤᠲᠤᠯᠠᠭᠠᠳ ᠶᠡᠷᠤᠨᠲᠡᠭ ᠤᠨ ᠬᠦᠴᠦᠨ ᠴᠢᠲᠠᠯ ᠢ ᠲᠤᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠵᠦ ᠡᠮᠨᠡᠨ ᠵᠠᠰᠠᠬᠤ ᠶᠢᠨ ᠴᠢᠬᠤᠯᠠ ᠦᠨᠲᠦᠰᠦᠯᠡᠯ ᠪᠠ ᠡᠷᠭᠡᠪᠰᠢ ᠠᠩᠬᠠᠷᠤᠨ ᠮᠦᠷᠲᠡᠬᠦ ᠡᠰᠢ ᠪᠠᠷᠢᠮᠲᠠ ᠮᠥᠨ᠃ ᠠᠷᠪᠠᠨ ᠠᠩᠬᠠᠷᠤᠯ ᠪᠣᠯ ᠡᠪᠡᠳᠴᠢᠨ ᠤᠨᠤᠰᠢᠯᠠᠬᠤ ᠶᠢᠨ ᠦᠨᠲᠦᠰᠦᠨ ᠵᠠᠷᠴᠢᠮ ᠤᠳ ᠪᠤᠯᠤᠨ᠎ᠠ᠃   ① ᠡᠪᠡᠳᠴᠢᠨ ᠨᠢ ᠲᠤᠯᠤᠭᠠᠨ ᠲᠠᠮᠢᠷ ᠭᠤᠷᠪᠠᠨ ᠭᠬᠢᠷ ᠤᠨ ᠠᠯᠢᠨ ᠢ ᠬᠤᠤᠷᠯᠠᠭᠰᠠᠨ   ② ᠡᠪᠡᠳᠴᠢᠲᠡᠨ ᠤ ᠪᠡᠶ᠎ᠡ ᠶᠢᠨ ᠦᠪᠡᠷᠮᠢᠴᠡ ᠴᠢᠨᠠᠷ ᠨᠢ ᠲᠦᠷᠦᠯᠬᠢ ᠮᠥᠨ ᠴᠢᠨᠠᠷ ᠤᠨ ᠲᠠᠩ ᠬᠠᠪᠰᠤᠷᠤᠭᠰᠠᠨ ᠬᠤᠷᠠᠭᠰᠠᠨ ᠤ ᠠᠯᠢᠨ ᠨᠢ ᠲᠡᠶᠢᠯᠦᠩᠬᠦᠢ ᠪᠤᠯᠬᠤ   ③ ᠨᠠᠰᠤᠨ ᠤ ᠬᠡᠮᠵᠢᠶ᠎ᠡ ᠨᠢ ᠬᠡᠥᠬᠡᠳ ᠪᠠᠭᠠᠴᠤᠳ᠂ ᠢᠲᠡᠷ ᠵᠠᠯᠠᠭᠤ᠂ ᠦᠲᠡᠯᠦᠭᠰᠡᠳ ᠤᠨ ᠠᠯᠢᠨ ᠨᠢ ᠪᠤᠯᠬᠤ   ④ ᠡᠪᠡᠳᠴᠢᠨ ᠤ ᠤᠷᠤᠰᠢᠭᠰᠠᠨ ᠤᠷᠤᠨ ᠨᠢ ᠠᠷᠠᠰᠤ᠂ ᠮᠢᠬ᠎ᠠ᠂ ᠰᠤᠲᠠᠯ᠂ ᠶᠠᠰᠤ᠂ ᠴᠤᠯᠤ᠂ ᠰᠠᠪᠠ ᠵᠡᠷᠭᠡ ᠭᠠᠲᠠᠷ ᠲᠤᠲᠤᠷ ᠵᠠᠪᠰᠠᠷ ᠤᠨ ᠠᠯᠢᠨ ᠳᠤ ᠪᠠᠭᠤᠭᠰᠠᠨ   ⑤ ᠭᠠᠯ ᠤᠨ ᠢᠯᠴᠢ ᠨᠢ ᠬᠤᠷᠴᠠ᠂ ᠮᠤᠬᠤᠲᠠᠭ᠂ ᠲᠡᠭᠰᠢ᠂ ᠲᠡᠭᠰᠢ ᠦᠭᠡᠢ ᠶᠢᠨ ᠠᠯᠢᠨ ᠨᠢ ᠪᠤᠯᠬᠤ   ⑥ ᠲᠠᠮᠢᠷ ᠲᠡᠩᠭᠡᠭᠡ ᠨᠢ ᠲᠦᠷᠦᠯᠬᠢ ᠲᠠᠮᠢᠷ᠂ ᠴᠠᠭ ᠤᠯᠠᠷᠢᠯ ᠤᠨ ᠲᠠᠮᠢᠷ᠂ ᠵᠠᠰᠠᠵᠤ ᠲᠦᠯᠦᠵᠢᠭᠦᠯᠦᠭᠰᠡᠨ ᠲᠠᠮᠢᠷ ᠤᠨ ᠠᠯᠢᠨ ᠨᠢ ᠪᠤᠯᠬᠤ   ⑦ ᠢᠲᠡᠭᠡᠨ ᠤᠮᠲᠠᠭᠠᠨ᠂ ᠶᠠᠪᠤᠲᠠᠯ ᠮᠦᠷ ᠵᠡᠷᠭᠡ ᠠᠮᠢᠲᠤᠷᠠᠯ ᠤᠨ ᠲᠠᠳᠬᠠᠯ ᠨᠢ ᠶᠠᠮᠠᠷ ᠵᠤᠶᠢᠯ ᠳᠤ ᠶᠡᠭᠡ ᠪᠠᠭ᠎ᠠ ᠲᠤᠮᠲᠠ ᠠᠯᠢ ᠬᠡᠮᠵᠢᠶ᠎ᠡ ᠪᠠᠷ ᠲᠠᠲᠤᠭᠰᠠᠨ ᠪᠠᠶᠢᠬᠤ   ⑧ ᠡᠪᠡᠳᠴᠢᠯᠡᠭᠰᠡᠨ ᠴᠠᠭ ᠤᠯᠠᠷᠢᠯ ᠨᠢ ᠬᠠᠯᠠᠭᠤᠨ᠂ ᠬᠦᠢᠲᠡᠨ᠂ ᠬᠤᠷ᠎ᠠ ᠶᠢᠨ ᠴᠠᠭ ᠤᠨ ᠠᠯᠢᠨ ᠳᠤ ᠲᠤᠬᠢᠶᠠᠯᠲᠤᠭᠰᠠᠨ   ⑨ ᠤᠷᠤᠨ ᠰᠠᠭᠤᠴᠠ ᠨᠢ ᠬᠠᠭᠤᠷᠠᠢ ᠬᠠᠯᠠᠭᠤᠨ᠂ ᠨᠤᠶᠢᠲᠠᠨ ᠴᠢᠬᠢᠭᠲᠡᠢ᠂ ᠬᠠᠭᠤᠷᠠᠢ ᠨᠤᠶᠢᠲᠡᠨ ᠬᠠᠪᠰᠤᠷᠤᠭᠰᠠᠨ ᠤᠷᠤᠨ ᠰᠠᠭᠤᠴᠠ ᠶᠢᠨ ᠠᠯᠢᠨ ᠨᠢ ᠪᠤᠯᠬᠤ   ⑩ ᠡᠪᠡᠳᠴᠢᠨ ᠤ ᠮᠠᠬᠠᠪᠤᠳ ᠨᠢ ᠬᠡᠢ᠂ ᠰᠢᠷ᠎ᠠ᠂ ᠪᠠᠳᠭᠠᠨ᠂ ᠴᠢᠰᠤ᠂ ᠰᠢᠷ᠎ᠠ ᠤᠰᠤ᠂ ᠬᠤᠷᠤᠬᠠᠢ ᠵᠢᠷᠭᠤᠭ᠎ᠠ ᠶᠢᠨ ᠠᠯᠢ ᠪᠠᠷ ᠭᠤᠤᠯ ᠰᠢᠯᠲᠠᠭᠠᠯᠭᠰᠠᠨ ᠪᠠᠶᠢᠬᠤ᠃ ᠡᠨᠡ ᠪᠣᠯ ᠡᠪᠡᠳᠴᠢᠲᠡᠨ ᠤ ᠲᠠᠯ᠎ᠠ ᠠᠴᠠ ᠡᠪᠡᠳᠴᠢᠨ ᠤ ᠬᠦᠴᠦᠨ ᠳᠤ ᠦᠵᠡᠬᠦᠯᠬᠦ ᠨᠦᠯᠦᠭᠡ᠂ ᠤᠷᠴᠢᠨ ᠠᠬᠤᠢ ᠶᠢᠨ ᠡᠪᠡᠳᠴᠢᠨ ᠤ ᠬᠦᠴᠦᠨ ᠳᠤ ᠦᠵᠡᠬᠦᠯᠬᠦ ᠨᠦᠯᠦᠭᠡ ᠪᠤᠯᠤᠨ ᠡᠪᠡᠳᠴᠢᠨ ᠤ ᠰᠢᠯᠲᠠᠭᠠᠨ ᠤ ᠤᠷᠪᠠᠯᠲᠠ ᠬᠤᠪᠢᠷᠠᠯᠲᠠ ᠵᠡᠷᠭᠡ ᠲᠠᠯ᠎ᠠ ᠶᠢ ᠦᠨᠲᠦᠰᠦᠯᠡᠭᠰᠡᠨ ᠠᠷᠪᠠᠨ ᠵᠤᠶᠢᠯ ᠤᠨ ᠪᠠᠷᠢᠮᠵᠢᠶ᠎ᠠ ᠪᠤᠯᠤᠨ᠎ᠠ᠃ ᠡᠭᠦᠨ ᠳᠤ ① —⑦ ᠨᠢ ᠡᠪᠡᠳᠴᠢᠲᠡᠨ ᠤ ᠦᠪᠡᠷ ᠤᠨ ᠪᠡᠶᠡᠴᠢ ᠲᠠᠯ᠎ᠠ ᠠᠴᠠ ᠤᠤᠯ ᠡᠪᠡᠳᠴᠢᠨ ᠤ ᠬᠦᠴᠦᠨ ᠳᠤ ᠭᠠᠷᠭᠠᠵᠤ ᠪᠤᠯᠬᠤ ᠨᠦᠯᠦᠭᠡᠯᠡᠯ ᠤᠨ ᠬᠦᠴᠦᠨ ᠵᠤᠶᠢᠯ ᠢ ᠰᠢᠨᠵᠢᠯᠡᠬᠦ ᠳᠤ ᠦᠨᠲᠦᠰᠦᠯᠡᠬᠦ ᠡᠰᠢ ᠪᠠᠷᠢᠮᠲᠠ ᠪᠤᠯᠵᠤ᠂ ⑧⑨ ᠨᠢ ᠪᠠᠶᠢᠭᠠᠯᠢ ᠪᠠ ᠤᠷᠴᠢᠨ ᠠᠬᠤᠢ ᠶᠢᠨ ᠪᠤᠰᠤᠳᠴᠢ ᠲᠠᠯ᠎ᠠ ᠠᠴᠠ ᠤᠤᠯ ᠡᠪᠡᠳᠴᠢᠨ ᠤ ᠬᠦᠴᠦᠨ ᠳᠤ ᠭᠠᠷᠭᠠᠵᠤ ᠪᠤᠯᠬᠤ ᠨᠦᠯᠦᠭᠡᠯᠡᠯ ᠤᠨ ᠬᠦᠴᠦᠨ ᠵᠤᠶᠢᠯ ᠢ ᠰᠢᠨᠵᠢᠯᠡᠬᠦ ᠳᠤ ᠦᠨᠲᠦᠰᠦᠯᠡᠬᠦ ᠡᠰᠢ ᠪᠠᠷᠢᠮᠲᠠ ᠪᠤᠯᠵᠤ᠂ ⑩ ᠨᠢ ᠡᠲᠡᠭᠡᠷ ᠪᠠᠶᠡᠴᠢ ᠪᠠ ᠪᠤᠰᠤᠳᠴᠢ ᠬᠤᠶᠠᠷ ᠲᠠᠯ᠎ᠠ ᠶᠢᠨ ᠨᠦᠯᠦᠭᠡ ᠶᠢ ᠰᠢᠭᠤᠳ ᠬᠦᠯᠢᠶᠡᠭᠴᠢ — ᠡᠪᠡᠳᠴᠢᠨ ᠤ ᠮᠥᠨ ᠴᠢᠨᠠᠷ ᠤᠨ ᠬᠤᠪᠢᠷᠠᠯᠲᠠ ᠶᠢ ᠵᠢᠭᠠᠵᠤ ᠪᠠᠶᠢᠭ᠎ᠠ ᠶᠤᠮ᠃      ※ ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠡᠨ ᠦᠨᠲᠦᠰᠦ︾ ᠳᠤ᠄   ① ᠬᠤᠤᠷᠯᠠᠭᠲᠠᠬᠤᠨ — ᠪᠡᠶ᠎ᠡ ᠶᠢᠨ ᠲᠤᠯᠤᠭᠠᠨ ᠲᠠᠮᠢᠷ᠂ ᠭᠤᠷᠪᠠᠨ ᠭᠬᠢᠷ ᠪᠤᠯᠤᠨ᠎ᠠ᠃   ② ᠭᠠᠵᠠᠷ ᠤᠷᠤᠨ — ᠬᠠᠭᠤᠷᠠᠢ᠂ ᠨᠤᠶᠢᠲᠠᠨ ᠬᠢᠭᠡᠳ ᠬᠠᠭᠤᠷᠠᠢ ᠨᠤᠶᠢᠲᠠᠨ ᠬᠠᠪᠰᠤᠷᠤᠯᠲᠤᠭᠰᠠᠨ ᠤᠷᠤᠨ ᠭᠤᠷᠪᠠ ᠪᠤᠯᠤᠨ᠎ᠠ᠃   ③ ᠴᠠᠭ — ᠬᠠᠯᠠᠭᠤᠨ ᠬᠦᠢᠲᠡᠨ᠂ ᠬᠤᠷ᠎ᠠ ᠶᠢᠨ ᠴᠠᠭ ᠡᠶᠢᠮᠤ ᠭᠤᠷᠪᠠ ᠪᠤᠯᠤᠨ᠎ᠠ᠃   ④ ᠮᠥᠨ ᠴᠢᠨᠠᠷ — ᠳ᠋ᠠᠩ ᠨᠢ ᠭᠤᠷᠪᠠ᠂ ᠬᠠᠪᠰᠤᠷᠤᠭᠰᠠᠨ ᠨᠢ ᠭᠤᠷᠪᠠ᠂ ᠬᠤᠷᠠᠭᠰᠠᠨ ᠨᠢᠭᠡ᠂ ᠨᠡᠶᠢᠯᠡᠭᠡᠳ ᠲᠤᠯᠤᠭ᠎ᠠ ᠪᠤᠯᠤᠨ᠎ᠠ᠃   ⑤ ᠨᠠᠰᠤ — ᠨᠢᠯᠬᠠᠰ᠂ ᠢᠲᠡᠷ᠂ ᠬᠦᠭᠰᠢᠨ ᠭᠤᠷᠪᠠ ᠪᠤᠯᠤᠨ᠎ᠠ᠃   ⑥ ᠡᠪᠡᠳᠴᠢᠨ ᠤ ᠮᠠᠬᠠᠪᠤᠳ — ᠬᠡᠢ᠂ ᠰᠢᠷ᠎ᠠ᠂ ᠪᠠᠳᠭᠠᠨ ᠭᠤᠷᠪᠠ ᠪᠤᠯᠤᠨ᠎ᠠ᠃   ⑦ ᠤᠷᠤᠨ — ᠭᠠᠲᠠᠷ᠂ ᠲᠤᠲᠤᠷ᠂ ᠵᠠᠪᠰᠠᠷ ᠭᠤᠷᠪᠠ ᠪᠤᠯᠤᠨ᠎ᠠ᠃   ⑧ ᠭᠠᠯ ᠤᠨ ᠢᠯᠴᠢ — ᠶᠡᠭᠡ ᠪᠠᠭ᠎ᠠ ᠲᠡᠭᠰᠢ ᠪᠠ ᠲᠡᠭᠰᠢ ᠦᠭᠡᠢ ᠲᠦᠷᠪᠡ ᠪᠤᠯᠤᠨ᠎ᠠ᠃   ⑨ ᠲᠡᠩᠬᠡᠬᠡ ᠲᠠᠮᠢᠷ — ᠬᠠᠮᠲᠤ ᠲᠦᠷᠦᠭᠰᠡᠨ ᠲᠡᠩᠭᠡᠭᠡ᠂ ᠴᠠᠭ ᠤᠯᠠᠷᠢᠯ ᠤᠨ ᠲᠡᠩᠬᠡᠬᠡ᠂ ᠨᠠᠶᠢᠷᠠᠭᠤᠯᠵᠤ ᠵᠠᠰᠠᠭᠰᠠᠨ ᠲᠡᠩᠬᠡᠬᠡ ᠭᠤᠷᠪᠠ ᠪᠤᠯᠤᠨ᠎ᠠ᠃   ⑩ ᠲᠠᠳᠬᠠᠯ — ᠶᠡᠭᠡ ᠪᠠᠭ᠎ᠠ ᠲᠤᠮᠲᠠ ᠭᠤᠷᠪᠠ ᠪᠤᠯᠤᠨ᠎ᠠ᠃ ᠡᠲᠡᠭᠡᠷ ᠢ ᠠᠷᠪᠠᠨ ᠨᠤᠮ ᠭᠡᠨ᠎ᠡ᠃        2. ᠠᠷᠪᠠᠨ ᠪᠠᠷᠢᠮᠲᠠᠯᠠᠯ       ᠡᠪᠡᠳᠴᠢᠨ ᠤ ᠬᠠᠭᠤᠮᠠᠭᠠᠢ ᠦᠵᠡᠭᠲᠡᠯ ᠤᠨ ᠠᠲᠡᠭᠦᠷᠡᠯ ᠢ ᠠᠷᠢᠯᠭᠠᠵᠤ᠂ ᠡᠪᠡᠳᠴᠢᠨ ᠤ ᠮᠥᠨ ᠴᠢᠨᠠᠷ ᠢ ᠢᠯᠭᠠᠪᠤᠷᠢᠯᠠᠨ ᠲᠠᠨᠢᠬᠤ ᠳᠤ ᠵᠠᠪᠠᠯ ᠦᠨᠲᠦᠰᠦᠯᠡᠲᠡᠭ ᠠᠷᠪᠠᠨ ᠲᠠᠯ᠎ᠠ ᠶᠢᠨ ᠦᠨᠲᠦᠰᠦᠨ ᠮᠦᠷᠲᠡᠯᠭᠡ ᠪᠤᠯᠤᠨ᠎ᠠ᠂ ᠪᠠᠰᠠ ︽ᠤᠨᠤᠰᠢᠯᠠᠯ ‍ᠤᠨ‌ᠠᠷᠪᠠᠨ ᠶᠡᠭᠡ ᠪᠠᠷᠢᠮᠲᠠᠯᠠᠯ ᠤᠨ ᠰᠢᠨᠵᠢᠯᠡᠭᠡ  ︾᠂ ︽ᠠᠲᠡᠬᠦᠷᠡᠯ ᠢ ᠠᠷᠢᠯᠭᠠᠬᠤ ᠠᠷᠪᠠᠨ ᠶᠡᠭᠡ ᠪᠠᠷᠢᠮᠲᠠᠯᠠᠯ ᠤᠨ ᠰᠢᠨᠵᠢᠯᠡᠭᠡ  ︾ ᠭᠡᠲᠡᠭ᠃ ᠲᠤᠬᠠᠶᠢᠯᠠᠪᠠᠯ   ① ᠡᠪᠡᠳᠴᠢᠨ ᠢ ᠬᠦᠲᠡᠯᠭᠡᠭᠰᠡᠨ ᠨᠦᠬᠦᠴᠡᠯ — ᠢᠲᠡᠭᠡᠨ ᠤᠮᠲᠠᠭᠠᠨ ᠤ ᠨᠦᠬᠦᠴᠡᠯ᠂ ᠶᠠᠪᠤᠲᠠᠯ ᠮᠦᠷ ᠤᠨ ᠨᠦᠬᠦᠴᠡᠯ᠂ ᠴᠠᠭ ᠤᠯᠠᠷᠢᠯ ᠤᠨ ᠨᠦᠬᠦᠴᠡᠯ᠂ ᠡᠲᠡᠭᠡᠳ ᠨᠦᠬᠦᠴᠡᠯ   ② ᠭᠤᠤᠯ ᠰᠢᠨᠵᠢ — ᠡᠪᠡᠳᠴᠢᠲᠡᠨ ᠤ ᠤᠤᠯ ᠲᠤᠭᠠᠴᠢᠯᠲᠠ᠂ ᠰᠤᠲᠠᠯ᠂ ᠬᠡᠯᠡ᠂ ᠰᠢᠭᠡᠰᠦᠨ ᠤ ᠰᠢᠨᠵᠢ   ③ ᠡᠪᠡᠳᠴᠢᠨ ᠤ ᠤᠷᠤᠨ — ᠲᠠᠪᠤᠨ ᠴᠤᠯᠤ ᠵᠢᠷᠭᠤᠭᠠᠨ ᠰᠠᠪᠠ ᠪᠤᠶᠤ ᠪᠡᠶ᠎ᠡ ᠶᠢᠨ ᠲᠡᠭᠡᠷ᠎ᠡ᠂ ᠲᠤᠮᠲᠠ᠂ ᠲᠤᠤᠷ᠎ᠠ ᠬᠡᠰᠡᠭ᠂ ᠡᠰᠡᠭᠦᠯ᠎ᠡ ᠭᠠᠲᠠᠷ ᠲᠤᠲᠤᠷ ᠵᠠᠪᠰᠠᠷ   ④ ᠴᠠᠭ ᠤᠯᠠᠷᠢᠯ — ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠤᠨ ᠡᠬᠢ᠂ ᠡᠪᠦᠯ ᠤᠨ ᠠᠲᠠᠭ᠂ ᠲᠡᠭᠵᠢᠭᠡᠯ ᠤᠨ ᠴᠠᠭ   ⑤ ᠤᠷᠤᠨ ᠰᠠᠭᠤᠴᠠ — ᠬᠠᠭᠤᠷᠠᠢ ᠬᠠᠯᠠᠭᠤᠨ᠂ ᠨᠤᠶᠢᠲᠡᠨ ᠴᠢᠬᠢᠭᠲᠡᠢ᠂ ᠬᠠᠭᠤᠷᠠᠢ ᠨᠤᠶᠢᠲᠡᠨ ᠬᠠᠪᠰᠤᠷᠤᠭᠰᠠᠨ ᠤᠷᠤᠨ   ⑥ ᠡᠪᠡᠳᠴᠢᠲᠡᠨ ᠤ ᠦᠪᠡᠷᠮᠢᠴᠡ ᠴᠢᠨᠠᠷ — ᠬᠡᠢ ᠶᠢᠨ ᠦᠪᠡᠷᠮᠢᠴᠡ ᠴᠢᠨᠠᠷ ᠲᠡᠶᠢᠯᠦᠩᠭᠦᠢ᠂ ᠰᠢᠷ᠎ᠠ ᠶᠢᠨ ᠦᠪᠡᠷᠮᠢᠴᠡ ᠴᠢᠨᠠᠷ ᠲᠡᠶᠢᠯᠦᠩᠭᠦᠢ᠂ ᠪᠠᠳᠭᠠᠨ ᠤ ᠦᠪᠡᠷᠮᠢᠴᠡ ᠴᠢᠨᠠᠷ ᠲᠡᠶᠢᠯᠦᠩᠭᠦᠢ᠂ ᠬᠡᠢ ᠰᠢᠷ᠎ᠠ ᠬᠠᠪᠰᠤᠷᠤᠭᠰᠠᠨ ᠴᠢᠨᠠᠷᠲᠠᠨ᠂ ᠪᠠᠳᠭᠠᠨ ᠬᠡᠢ ᠬᠠᠪᠰᠤᠷᠤᠭᠰᠠᠨ ᠴᠢᠨᠠᠷᠲᠠᠨ᠂ ᠪᠠᠳᠭᠠᠨ ᠰᠢᠷ᠎ᠠ ᠬᠠᠪᠰᠤᠷᠤᠭᠰᠠᠨ ᠴᠢᠨᠠᠷᠲᠠᠨ᠂ ᠬᠤᠷᠠᠮᠠᠯ  ᠤᠨ ᠴᠢᠨᠠᠷᠲᠡᠨ ᠵᠡᠷᠭᠡ 7 ᠲᠦᠷᠦᠯ ᠵᠤᠶᠢᠯ   ⑦ ᠨᠠᠰᠤ — ᠨᠢᠯᠬᠠᠰ ᠪᠠᠭᠠᠴᠤᠳ᠂ ᠢᠲᠡᠷ ᠵᠠᠯᠠᠭᠤᠴᠤᠳ᠂ ᠦᠲᠡᠯᠦᠭᠰᠡᠳ   ⑧ ᠠᠮᠢᠲᠤᠷᠠᠯ ᠤᠨ ᠲᠠᠳᠬᠠᠯ — ᠢᠲᠡᠭᠡᠨ ᠤᠮᠲᠠᠭᠠᠨ ᠪᠠ ᠪᠡᠶ᠎ᠡ ᠬᠡᠯᠡ ᠰᠡᠳᠬᠢᠯ ᠤᠨ ᠶᠠᠪᠤᠲᠠᠯ ᠮᠦᠷ᠂ ᠠᠭᠤᠷ ᠠᠮᠢᠰᠬᠤᠯ᠂ ᠤᠷᠤᠨ ᠰᠠᠭᠤᠴᠠ   ⑨ ᠲᠠᠮᠢᠷ ᠲᠡᠩᠬᠡᠬᠡ — ᠬᠠᠮᠲᠤ ᠲᠦᠷᠦᠭᠰᠡᠨ ᠲᠠᠮᠢᠷ᠂ ᠴᠠᠭ ᠤᠯᠠᠷᠢᠯ ᠤᠨ ᠲᠠᠮᠢᠷ᠂ ᠵᠠᠰᠠᠵᠦ ᠤᠶᠢᠯᠡᠲᠦᠭᠰᠡᠨ ᠲᠠᠮᠢᠷ ᠃ ᠬᠠᠮᠲᠤ ᠲᠦᠷᠦᠭᠰᠡᠨ ᠲᠠᠮᠢᠷ ᠭᠡᠲᠡᠭ ᠪᠣᠯ ᠡᠴᠢᠭᠡ ᠡᠬᠡ ᠠᠴᠠ ᠲᠦᠷᠦᠯᠬᠢ ᠶᠢᠨ ᠲᠠᠭᠠᠵᠤ ᠲᠦᠷᠦᠭᠰᠡᠨ ᠲᠠᠮᠢᠷ ᠲᠡᠩᠭᠡᠭᠡ ᠶᠢ ᠵᠢᠭᠠᠵᠤ ᠪᠠᠶᠢᠨ᠎ᠠ᠂ ᠪᠠᠰᠠ ︽ᠲᠦᠷᠦᠯᠬᠢ ᠶᠢᠨ ᠲᠠᠮᠢᠷ︾ ᠭᠡᠲᠡᠭ᠃ ᠴᠠᠭ ᠤᠯᠠᠷᠢᠯ ᠤᠨ ᠲᠠᠮᠢᠷ ᠭᠡᠲᠡᠭ ᠪᠣᠯ ᠠᠬᠤᠢ ᠶᠢᠷᠲᠢᠨᠴᠦ ᠶᠢᠨ ᠪᠠᠶᠢᠭᠠᠯᠢ ᠶᠢᠨ ᠴᠠᠭ ᠤᠯᠠᠷᠢᠯ ᠤᠨ ᠤᠯᠠᠷᠢᠬᠤ ᠬᠤᠪᠢᠷᠠᠯᠲᠠ ᠶᠢ ᠲᠠᠭᠠᠯᠲᠤᠨ ᠬᠦᠮᠦᠰ  ᠤᠨ ᠪᠡᠶ᠎ᠡ ᠮᠠᠬᠠᠪᠤᠳ ᠤᠨ ᠲᠠᠮᠢᠷ ᠲᠡᠩᠭᠡᠭᠡ ᠳᠤ ᠲᠤᠰᠬᠠᠭᠲᠠᠭᠰᠠᠨ ᠨᠦᠯᠦᠭᠡ ᠶᠢ ᠵᠢᠭᠠᠵᠤ ᠪᠤᠢ᠃ ᠵᠠᠰᠠᠵᠦ ᠤᠶᠢᠯᠡᠲᠦᠭᠰᠡᠨ ᠲᠠᠮᠢᠷ ᠭᠡᠲᠡᠭ ᠪᠣᠯ ᠬᠦᠮᠦᠰ ᠡᠲᠦᠷ ᠲᠤᠲᠤᠮ ᠤᠨ ᠠᠮᠢᠲᠤᠷᠠᠯ ᠤᠨ ᠲᠤᠮᠲᠠ ᠪᠠᠨ ᠢᠲᠡᠭᠡᠨ ᠤᠮᠲᠠᠭᠠᠨ ᠪᠠ ᠶᠠᠪᠤᠲᠠᠯ ᠮᠦᠷ ᠡᠮ ᠵᠠᠰᠠᠯ ᠤᠨ ᠠᠷᠭ᠎ᠠ ᠪᠠᠷ ᠪᠡᠶ᠎ᠡ ᠪᠠᠨ ᠲᠦᠯᠦᠵᠢᠭᠦᠯᠦᠨ ᠰᠢᠮᠡᠵᠢᠭᠦᠯᠵᠦ ᠴᠢᠬᠢᠷᠠᠭᠵᠢᠭᠤᠯᠤᠭᠰᠠᠨ ᠲᠠᠮᠢᠷ ᠲᠡᠩᠭᠡᠭᠡ ᠶᠢ ᠵᠢᠭᠠᠨ᠎ᠠ᠃   ⑩ ᠡᠪᠡᠳᠴᠢᠨ ᠤ ᠲᠤᠰᠤᠯᠲᠠ — ᠲᠦᠷᠭᠡᠨ᠂ ᠠᠯᠭᠤᠷ᠂ ᠬᠦᠨᠲᠦ᠂ ᠬᠦᠩᠭᠡᠨ᠃        ᠶᠠᠮᠠᠷ ᠨᠢᠭᠡᠨ ᠡᠪᠡᠳᠴᠢᠨ ᠢ ᠤᠨᠤᠰᠢᠯᠠᠬᠤ ᠳᠤ᠂ ᠠᠷᠪᠠᠨ ᠠᠩᠬᠠᠷᠤᠯ ᠢᠶᠠᠷ ᠢᠯᠭᠠᠪᠤᠷᠢᠯᠠᠨ᠂ ᠠᠷᠪᠠᠨ ᠶᠡᠭᠡ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠦᠨᠲᠦᠰᠦᠯᠡᠯ ᠪᠤᠯᠭᠠᠨ ᠡᠪᠡᠳᠴᠢᠨ ᠤ ᠪᠤᠲᠠᠲᠤ ᠪᠠᠶᠢᠲᠠᠯ ᠳᠤ ᠪᠦᠬᠦ ᠲᠠᠯ᠎ᠠ ᠶᠢᠨ ᠬᠤᠪᠢᠰᠤᠩᠭᠤᠢ ᠵᠠᠲᠠᠯᠤᠯᠲᠠ ᠬᠢᠵᠦ᠂ ᠦᠨᠲᠦᠰᠦᠨ ᠵᠢᠷᠭᠤᠭᠠᠨ ᠡᠪᠡᠳᠴᠢᠨ ᠤ ᠠᠯᠢ ᠨᠢ ᠲᠡᠶᠢᠯᠦᠩᠬᠦᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠦ ᠪᠠᠶᠢᠭ᠎ᠠ  ᠶᠢ ᠠᠩᠬ᠎ᠠ ᠠᠯᠬᠤᠮ ᠵᠦᠢᠴᠢᠯᠡᠨ ᠮᠠᠭᠠᠳᠯᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠮᠥᠨ ᠴᠢᠨᠠᠷ ᠢ ᠨᠢ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠤᠶᠠᠷ  ᠲᠤ ᠬᠤᠷᠢᠶᠠᠩᠭᠤᠶᠢᠯᠠᠨ ᠰᠢᠨᠵᠢᠯᠡᠬᠦ ᠪᠤᠯᠤᠨ᠎ᠠ᠃
 
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠪᠦᠷᠭᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯ ᠡᠮ ᠨᠠᠶᠢᠷᠠᠯᠭ᠎ᠠ ᠶᠢᠨ ᠦᠨᠳᠦᠰᠦᠨ ᠤᠨᠤᠯ
ᠮᠤᠩᠭᠤᠯ ᠡᠮ ᠤᠨ ᠦᠨᠳᠦᠰᠦᠨ ᠤᠨᠤᠯ
ᠮᠤᠩᠭᠤᠯ ᠡᠮ ᠤᠨ ᠲᠤᠪᠴᠢ ᠨᠡᠷᠡᠰ
ᠡᠯᠢᠬᠡ ᠮᠠᠭᠤᠳᠠᠭᠰᠠᠨ ᠤ ᠠᠷᠪᠠᠨ ᠢᠯᠡᠷᠡᠯ
ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠷᠬᠦᠯᠵᠢ ᠬᠡᠷᠡᠭᠯᠡᠭᠲᠡᠲᠡᠭ ᠲᠤᠰᠬᠠᠢ ᠨᠠᠷ᠎ᠠ ᠦᠭᠡ ᠶᠢᠨ ᠲᠠᠶᠢᠯᠪᠤᠷᠢ ︵ᠲᠤᠤᠷᠠᠲᠦ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号
Baidu
map