ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠤᠩᠭᠤᠯ ᠡᠮ ᠤᠨ ᠦᠨᠳᠦᠰᠦᠨ ᠤᠨᠤᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-12-10
         ᠮᠤᠩᠭᠤᠯ ᠡᠮ ᠤᠨ ᠦᠨᠳᠦᠰᠦᠨ ᠤᠨᠤᠯ              ᠨ᠊ᠵᠬᠡᠳᠦᠭᠡᠷ ᠪᠦᠯᠦᠭ ᠡᠮ ᠤᠨ ᠠᠮᠳᠠ          ᠠᠮᠳᠠ ᠶᠢᠨ ᠢᠯᠭᠠᠯ        ᠳ᠋ᠠᠩ ᠠᠮᠳᠠ᠄ ᠠᠮᠳᠠᠯᠢᠭ᠂ ᠢᠰᠬᠦᠯᠡᠩ᠂ ᠭᠤᠱᠤᠭᠤᠨ᠂ ᠳᠠᠪᠤᠰᠤᠯᠢᠭ᠂ ᠭᠠᠰᠢᠭᠤᠨ᠂ ᠡᠬᠡᠬᠦᠨ ᠵᠡᠷᠬᠡ 6 ᠵᠦᠢᠯ ᠪᠤᠢ᠃        ᠬᠠᠪᠰᠤᠷᠤᠭᠰᠠᠨ ᠠᠮᠳᠠ᠄ ᠬᠤᠶᠠᠷ ᠠᠮᠳᠠ ᠬᠠᠪᠰᠤᠷᠤᠭᠰᠠᠨ 15 ᠵᠦᠢᠯ᠂ ᠭᠤᠷᠪᠠᠨ ᠠᠮᠳᠠ ᠬᠠᠪᠰᠤᠷᠤᠭᠰᠠᠨ 20 ᠵᠦᠢᠯ᠂ ᠲᠦᠷᠪᠡᠨ ᠠᠮᠳᠠ ᠬᠠᠪᠰᠤᠷᠤᠭᠰᠠᠨ 15 ᠵᠦᠢᠯ᠂ ᠲᠠᠪᠤᠨ ᠠᠮᠳᠠ ᠬᠠᠪᠰᠤᠷᠤᠭᠰᠠᠨ 6 ᠵᠦᠢᠯ᠂ ᠵᠢᠷᠭᠤᠭᠠᠨ ᠠᠮᠳᠠ ᠬᠠᠪᠰᠤᠷᠤᠭᠰᠠᠨ 1 ᠵᠦᠢᠯ ᠪᠤᠢ᠃ ᠡᠳᠡᠭᠡᠷ ᠢ ᠴᠢᠨᠠᠭᠰᠢ ᠨᠠᠷᠢᠨ ᠢᠯᠭᠠᠪᠠᠯ 46656 ᠵᠦᠢᠯ  ᠤᠨ ᠬᠠᠪᠰᠤᠷᠤᠭᠰᠠᠨ ᠠᠮᠳᠠ ᠪᠤᠯᠳᠠᠭ ᠬᠡᠵᠦ ᠡᠷᠳᠡᠨ ᠤ ᠰᠤᠳᠤᠷ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃        ᠠᠮᠳᠠ ᠶᠢᠨ ᠡᠬᠦᠰᠦᠯ     ᠡᠮᠳᠦ ᠪᠤᠳᠠᠰ ᠲᠤ ᠠᠮᠳᠠ ᠶᠢᠨ ᠲᠦᠰᠢᠭ ᠪᠤᠯᠤᠭᠰᠠᠨ ᠰᠢᠷᠦᠢ ᠤᠰᠤ ᠭᠠᠯ ᠬᠡᠢ ᠤᠭᠳᠠᠷᠭᠤᠢ ᠵᠡᠷᠬᠡ ᠲᠠᠪᠤᠨ ᠮᠠᠭᠪᠤᠳ ᠬᠤᠷᠠᠮᠠᠨᠵᠢᠨ ᠰᠠᠶ᠋ᠢ ᠠᠮᠳᠠ ᠪᠦᠷᠢᠯᠳᠦᠳᠡᠭ᠃ ᠬᠡᠬᠦ ᠳᠡᠭᠡᠨ ᠲᠠᠪᠤᠨ ᠮᠠᠭᠪᠤᠳ  ᠠᠴᠠ ᠤᠭᠳᠠᠷᠭᠤᠢ ᠮᠠᠭᠪᠤᠳ ᠭᠤᠤᠯᠯᠠᠳᠠᠭ ᠦᠬᠡᠢ᠂ ᠨᠦᠬᠦᠬᠡ ᠲᠦᠷᠪᠡᠨ ᠮᠠᠭᠪᠤᠳ ᠠᠴᠠ ᠢᠵᠢᠯ ᠪᠤᠰᠤ ᠬᠤᠶᠠᠷ ᠮᠠᠭᠪᠤᠳ ᠬᠤᠤᠰᠯᠠᠨ ᠨᠡᠶᠢᠯᠡᠵᠦ ᠭᠤᠤᠯᠯᠠᠪᠠᠯ ᠢᠬᠡ ᠵᠦᠢᠯ ᠤᠨ ᠠᠮᠳᠠ ᠡᠬᠦᠰᠳᠡᠭ᠃        ᠠᠮᠳᠠᠯᠢᠭ ᠠᠮᠳᠠ — ᠤᠰᠤ ᠰᠢᠷᠦᠢ︔ ᠢᠰᠬᠦᠯᠡᠩ ᠠᠮᠳᠠ — ᠭᠠᠯ ᠰᠢᠷᠦᠢ︔ ᠲᠠᠪᠤᠰᠤᠯᠢᠭ ᠠᠮᠳᠠ — ᠤᠰᠤ ᠭᠠᠯ︔ ᠭᠠᠰᠢᠭᠤᠨ ᠠᠮᠳᠠ — ᠤᠰᠤ ᠬᠡᠢ︔ ᠭᠤᠱᠤᠭᠤᠨ ᠠᠮᠳᠠ — ᠭᠠᠯ ᠬᠡᠢ︔ ᠡᠬᠡᠬᠦᠨ ᠠᠮᠳᠠ — ᠰᠢᠷᠦᠢ ᠬᠡᠢ᠃        ᠠᠮᠳᠠ ᠶᠢᠨ ᠦᠢᠯᠡᠳᠦᠯ     ᠠᠮᠳᠠ ᠶᠢᠨ ᠦᠢᠯᠡᠳᠦᠯ ᠬᠡᠳᠡᠭ ᠪᠤᠯ ᠬᠡᠢ ᠰᠢᠷ᠎ᠠ ᠪᠠᠳᠭᠠᠨ ᠢ ᠲᠠᠷᠤᠬᠤ ᠪᠠ ᠡᠭᠦᠰᠬᠡᠬᠦ ᠲᠠᠯ᠎ᠠ ᠶᠢ ᠬᠡᠯᠡᠵᠦ ᠪᠠᠶᠢᠨ᠎ᠠ᠃      ᠬᠡᠢ ᠶᠢ ᠲᠠᠷᠤᠬᠤ ᠠᠮᠳᠠ᠄ ᠠᠮᠳᠠᠯᠢᠭ᠂ ᠢᠰᠬᠦᠯᠡᠩ᠂ ᠳᠠᠪᠤᠰᠤᠯᠢᠭ᠂ ᠭᠤᠱᠤᠭᠤᠨ      ᠰᠢᠷ᠎ᠠ ᠶᠢ ᠲᠠᠷᠤᠬᠤ ᠠᠮᠳᠠ᠄ ᠠᠮᠳᠠᠯᠢᠭ᠂ ᠭᠠᠰᠢᠭᠤᠨ᠂ ᠡᠬᠡᠬᠦᠨ      ᠪᠠᠳᠭᠠᠨ ᠢ ᠳᠠᠷᠤᠬᠤ ᠠᠮᠳᠠ᠄ ᠢᠰᠬᠦᠯᠡᠩ᠂ ᠳᠠᠪᠤᠰᠤᠯᠢᠭ᠂ ᠭᠤᠱᠤᠭᠤᠨ      ᠬᠡᠢ ᠶᠢ ᠡᠬᠦᠰᠬᠡᠬᠦ ᠠᠮᠳᠠ᠄ ᠭᠠᠰᠢᠭᠤᠨ᠂ ᠡᠬᠡᠬᠦᠨ      ᠰᠢᠷ᠎ᠠ ᠶᠢ ᠡᠬᠦᠰᠬᠡᠬᠦ ᠠᠮᠳᠠ᠄ ᠢᠰᠬᠦᠯᠡᠩ᠂ ᠳᠠᠪᠤᠰᠤᠯᠢᠭ᠂ ᠭᠤᠱᠤᠭᠤᠨ        ᠪᠠᠳᠭᠠᠨ ᠢ ᠡᠬᠦᠰᠬᠡᠬᠦ ᠠᠮᠳᠠ᠄ ᠠᠮᠳᠠᠯᠢᠭ᠂ ᠭᠠᠰᠢᠭᠤᠨ᠂ ᠡᠬᠡᠬᠦᠨ        ᠬᠡᠳᠦᠢ ᠲᠡᠶᠢᠮᠦ ᠪᠤᠯᠪᠠᠴᠦ ᠠᠮᠳᠦ ᠪᠤᠳᠠᠰ ᠲᠤ ᠠᠮᠳᠠ ᠶᠢᠨ ᠴᠢᠳᠠᠯ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ ᠬᠡᠵᠦ ᠪᠠᠶᠢᠳᠠᠭ ᠪᠤᠯᠬᠤᠷ᠂ ᠡᠮᠳᠦ ᠪᠤᠳᠠᠰ ᠪᠦᠬᠦᠨ ᠵᠠᠪᠠᠯ ᠲᠡᠬᠡᠷᠡᠬᠢ ᠮᠡᠳᠦ ᠪᠠᠶᠢᠬᠤ ᠠᠯᠪᠠ ᠦᠬᠡᠢ᠃ ᠵᠢᠱᠢᠶᠡᠯᠡᠪᠡᠯ ᠠᠮᠳᠠᠯᠢᠭ ᠠᠮᠳᠠ ᠲᠠᠢ ᠡᠮ ᠤᠯᠠᠩᠬᠢ ᠨᠢ ᠬᠡᠢ ᠰᠢᠷ᠎ᠠ ᠶᠢ ᠳᠠᠷᠤᠵᠦ᠂ ᠪᠠᠳᠭᠠᠨ ᠢ ᠡᠬᠦᠰᠬᠡᠬᠦ ᠪᠤᠯᠪᠠᠴᠦ᠂ ᠪᠤᠬ᠎ᠠ ᠬᠦᠷᠦᠬᠡᠰᠦᠨ ᠮᠢᠬ᠎ᠠ᠂ ᠬᠤᠨᠢᠨ ᠮᠢᠬ᠎ᠠ᠂ ᠪᠠᠯ ᠵᠡᠷᠬᠡ ᠨᠢ ᠠᠮᠳᠠᠯᠢᠭ ᠠᠮᠳᠠ ᠲᠠᠢ ᠪᠤᠯᠪᠠᠴᠦ᠂ ᠲᠡᠬᠦᠨ ᠤ ᠦᠪᠡᠷᠮᠢᠴᠡ ᠴᠢᠳᠠᠯ ᠪᠠᠷ ᠢᠶᠠᠨ ᠬᠠᠷᠢᠨ ᠪᠠᠳᠭᠠᠨ ᠡᠪᠡᠳᠴᠢᠨ ᠳᠤ ᠲᠤᠰᠠᠳᠠᠢ ᠬᠡᠬᠦ ᠵᠡᠷᠬᠡ᠃                             ᠬᠤᠶᠠᠳᠤᠭᠠᠷ ᠪᠦᠯᠦᠭ ᠡᠮ ᠤᠨ ᠴᠢᠳᠠᠯ      ᠡᠮ ᠤᠨ ᠴᠢᠳᠠᠯ ᠳᠤ ᠠᠮᠳᠠ ᠶᠢᠨ ᠴᠢᠳᠠᠯ ᠪᠠ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ ᠪᠠᠭᠳᠠᠨ᠎ᠠ᠃        ᠡᠮ ᠤᠨ ᠠᠮᠳᠠ ᠶᠢᠨ ᠴᠢᠳᠠᠯ        ᠡᠨᠡ ᠨᠢ ᠬᠡᠢ᠂ ᠰᠢᠷ᠎ᠠ᠂ ᠪᠠᠳᠭᠠᠨ ᠢ ᠨᠡᠮᠡᠭᠳᠡᠬᠦᠯᠵᠦ ᠬᠠᠰᠤᠭᠳᠠᠭᠤᠯᠬᠤ ᠭᠤᠤᠯ ᠪᠤᠯᠬᠤ ᠪᠡᠯᠬᠡ ᠴᠢᠨᠠᠷ ᠤᠨ ᠪᠦᠷᠢᠯᠳᠦᠬᠦᠨ ᠢ ᠳᠠᠷᠤᠬᠤ ᠳᠤ ᠪᠡᠶ᠎ᠡ ᠪᠠᠨ ᠲᠠᠭᠠᠭᠠᠵᠦ ᠲᠠᠪᠠᠮᠠᠭᠠᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ ᠴᠢᠳᠠᠬᠤ ᠠᠮᠳᠠ ᠶᠢᠨ ᠡᠷᠬᠡ ᠪᠠᠷ ᠢᠯᠡᠷᠡᠳᠡᠭ ᠴᠢᠳᠠᠯ ᠢ ᠬᠡᠯᠡᠨ᠎ᠡ᠃ ᠡᠮ ᠤᠨ ᠠᠮᠳᠠ ᠶᠢᠨ ᠴᠢᠳᠠᠯ ᠪᠤᠯ ᠡᠮ ᠤᠨ ᠡᠷᠳᠡᠮ ᠤᠳ ᠤᠨ ᠲᠤᠳᠤᠷ᠎ᠠ ᠠᠴᠠ ᠰᠤᠳᠤ ᠶᠢ ᠨᠢ ᠰᠤᠩᠭᠤᠭᠰᠠᠨ ᠶᠣᠮ᠃ ᠴᠢᠳᠠᠯ ᠬᠡᠵᠦ ᠨᠡᠷᠡᠯᠡᠭᠳᠡᠭᠰᠡᠨ ᠤ ᠤᠴᠢᠷ ᠬᠡᠪᠡᠯ ᠡᠨᠡᠬᠦ ᠨᠠᠶᠢᠮᠨ ᠪᠤᠯ ᠪᠤᠰᠤᠳ ᠡᠮ ᠤᠨ ᠡᠷᠳᠡᠮ ᠲᠠᠢ ᠠᠳᠠᠯᠢ ᠦᠬᠡᠢ ᠪᠠᠷ ᠪᠡᠶ᠎ᠡ ᠪᠠᠨ ᠲᠠᠭᠠᠭᠠᠵᠦ ᠲᠠᠪᠠᠮᠠᠭᠠᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ ᠴᠢᠳᠠᠬᠤ ᠲᠤᠯᠨ ᠡᠶᠢᠨ ᠬᠦ ᠨᠡᠷᠡᠶᠢᠳᠦᠭᠰᠡᠨ ᠶᠤᠮ᠃        ᠢᠯᠭᠠᠯ᠄ ᠬᠦᠨᠳᠦ᠂ ᠲᠤᠰᠤᠯᠢᠭ᠂ ᠬᠦᠢᠳᠡᠨ᠂ ᠮᠤᠬᠤᠳᠠᠭ᠂ ᠬᠦᠩᠬᠡᠨ᠂ ᠰᠢᠷᠦᠬᠦᠨ᠂ ᠬᠠᠯᠠᠭᠤᠨ᠂ ᠬᠤᠷᠴᠠ ᠵᠡᠷᠬᠡ ᠨᠠᠶᠢᠮᠨ ᠪᠤᠢ ᠪᠦᠬᠡᠳ ᠪᠠᠰᠠ ᠨᠠᠶᠢᠮᠠᠨ ᠴᠢᠨᠠᠷ ᠬᠡᠳᠡᠭ᠃        ᠦᠢᠯᠡᠳᠦᠯ᠄ ᠬᠦᠨᠳᠦ ᠲᠤᠰᠤᠯᠢᠭ ᠨᠢ ᠬᠡᠢ ᠶᠢ ᠳᠠᠷᠤᠬᠤ︔ ᠬᠦᠢᠳᠡᠨ ᠮᠤᠬᠤᠳᠠᠭ ᠨᠢ ᠰᠢᠷ᠎ᠠ ᠶᠢ ᠳᠠᠷᠤᠬᠤ︔ ᠬᠦᠩᠬᠡᠨ᠂ ᠰᠢᠷᠦᠬᠦᠨ᠂ ᠬᠠᠯᠠᠭᠤᠨ᠂ ᠬᠤᠷᠴᠠ ᠨᠢ ᠪᠠᠳᠭᠠᠨ ᠢ ᠳᠠᠷᠤᠬᠤ ᠪᠤᠯᠤᠨ᠎ᠠ᠃ ᠬᠦᠩᠬᠡᠨ᠂ ᠰᠢᠷᠦᠬᠦᠨ᠂ ᠬᠦᠢᠳᠡᠨ ᠨᠢ ᠬᠡᠢ ᠶᠢ ᠡᠬᠦᠰᠬᠡᠬᠦ︔ ᠬᠠᠯᠠᠭᠤᠨ᠂ ᠬᠤᠷᠴᠠ᠂ ᠲᠤᠰᠤᠯᠢᠭ ᠨᠢ ᠰᠢᠷ᠎ᠠ ᠶᠢ ᠡᠬᠦᠰᠬᠡᠬᠦ︔ ᠬᠦᠢᠳᠡᠨ᠂ ᠮᠤᠬᠤᠳᠠᠭ ᠨᠢ ᠪᠠᠳᠭᠠᠨ ᠢ ᠡᠬᠦᠰᠬᠡᠬᠦ ᠪᠤᠯᠤᠨ᠎ᠠ᠃      ᠵᠢᠷᠭᠤᠭᠠᠨ ᠠᠮᠳᠠ ᠳᠤ ᠨᠠᠶᠢᠮᠠᠨ ᠴᠢᠳᠠᠯ ᠤᠨ ᠠᠭᠤᠯᠤᠭᠳᠠᠬᠤ ᠬᠡᠮᠵᠢᠶ᠎ᠡ ᠶᠢ ᠦᠵᠡᠬᠦᠯᠪᠡᠯ᠄        ᠠᠮᠳᠠᠯᠢᠭ ᠠᠮᠳᠠ— ᠬᠦᠨᠳᠦ 10 ᠬᠤᠪᠢ᠂ ᠲᠤᠰᠤᠯᠢᠭ 4 ᠬᠤᠪᠢ᠂ ᠬᠦᠢᠳᠡᠨ 5 ᠬᠤᠪᠢ᠂ ᠮᠤᠬᠤᠳᠠᠭ 7 ᠬᠤᠪᠢ      ᠢᠰᠬᠦᠯᠡᠩ ᠠᠮᠳᠠ— ᠬᠠᠯᠠᠭᠤᠨ 7 ᠬᠤᠪᠢ᠂ ᠲᠤᠰᠤᠯᠢᠭ 4 ᠬᠤᠪᠢ᠂ ᠬᠦᠨᠳᠦ 3 ᠬᠤᠪᠢ᠂ ᠬᠤᠷᠴᠠ 2 ᠬᠤᠪᠢ᠂ ᠰᠢᠷᠦᠬᠦᠨ 1 ᠬᠤᠪᠢ        ᠲᠠᠪᠤᠰᠤᠯᠢᠭ ᠠᠮᠳᠠ— ᠰᠢᠷᠦᠬᠦᠨ 4 ᠬᠤᠪᠢ᠂ ᠲᠤᠰᠤᠯᠢᠭ 4 ᠬᠤᠪᠢ᠂ ᠬᠤᠷᠴᠠ 3 ᠬᠤᠪᠢ᠂ ᠬᠠᠯᠠᠭᠤᠨ 2 ᠬᠤᠪᠢ᠂ ᠬᠦᠨᠳᠦ 1 ᠬᠤᠪᠢ        ᠭᠠᠰᠢᠭᠤᠨ ᠠᠮᠳᠠ— ᠬᠦᠢᠳᠡᠨ 7 ᠬᠤᠪᠢ᠂ ᠮᠣᠬᠤᠳᠠᠭ 3 ᠬᠤᠪᠢ᠂ ᠰᠢᠷᠦᠬᠦᠨ 3 ᠬᠤᠪᠢ᠂ ᠬᠦᠩᠬᠡᠨ 2 ᠬᠤᠪᠢ      ᠭᠤᠱᠣᠭᠤᠨ ᠠᠮᠳᠠ— ᠬᠦᠩᠬᠡᠨ 9 ᠬᠤᠪᠢ᠂ ᠰᠢᠷᠦᠬᠦᠨ 7 ᠬᠤᠪᠢ᠂ ᠬᠤᠷᠴᠠ 6 ᠬᠤᠪᠢ᠂ ᠬᠠᠯᠠᠭᠤᠨ 5 ᠬᠤᠪᠢ        ᠡᠬᠡᠬᠦᠨ ᠠᠮᠳᠠ— ᠮᠤᠬᠤᠳᠠᠭ 4 ᠬᠤᠪᠢ᠂ ᠬᠦᠩᠬᠡᠨ 2 ᠬᠤᠪᠢ        ᠡᠮ ᠤᠨ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ        ᠡᠮ ᠤᠨ ︽ᠮᠦᠨ ᠴᠢᠨᠠᠷ︾ ᠭᠡᠳᠡᠭ ᠨᠢ ᠲᠡᠭᠦᠨ ᠤ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ ᠪᠠᠶᠢᠭ᠎ᠠ ᠢᠯᠡᠷᠡᠯ ᠪᠤᠯᠤᠨ ᠤᠤᠯ ᠠᠴᠠ ᠪᠠᠨ ᠲᠡᠬᠦᠨ ᠳᠤ ᠤᠷᠤᠰᠢᠵᠦ ᠪᠠᠶᠢᠭᠰᠠᠨ ᠲᠤᠳᠤᠭᠠᠳᠦ ᠴᠢᠨᠠᠷ ᠢ ᠬᠡᠯᠡᠳᠡᠭ᠃ ᠮᠥᠨ ᠴᠢᠨᠠᠷ ᠤᠨ ᠴᠢᠳᠠᠯ ᠪᠤᠯ ᠲᠡᠬᠦᠨ ᠤ ᠠᠮᠳᠠ ᠶᠢᠨ ᠡᠷᠬᠡ ᠪᠠᠷ ᠢᠯᠡᠷᠡᠳᠡᠭ ᠪᠢᠰᠢ᠂ ᠬᠠᠷᠢᠨ ᠮᠦᠨ ᠴᠢᠨᠠᠷ ᠠᠴᠠ ᠪᠠᠨ ᠪᠤᠯᠤᠭᠰᠠᠨ ᠦᠪᠡᠷᠮᠢᠴᠡ ᠴᠢᠳᠠᠯ ᠢ ᠬᠡᠯᠡᠨ᠎ᠡ᠃ ᠵᠢᠱᠢᠶ᠎ᠡ ᠨᠢ ᠵᠦᠷᠦᠷ᠎ᠡ ᠪᠤᠯ ᠢᠰᠬᠦᠯᠡᠩ ᠠᠮᠳᠠ ᠲᠠᠢ ᠪᠤᠯᠪᠠᠴᠦ ᠴᠢᠰᠦᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠤ᠂ ᠵᠤᠩᠱᠢ ᠪᠤᠯ ᠭᠤᠱᠣᠭᠤᠨ ᠠᠮᠳᠠ ᠲᠠᠢ ᠪᠤᠯᠪᠠᠴᠦ ᠪᠠᠳᠭᠠᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠤ ᠵᠡᠷᠬᠡ ᠨᠢ ᠲᠡᠬᠦᠨ ᠤ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃           ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠡᠮ ᠤᠨ ᠬᠦᠴᠦ      ᠡᠮ ᠤᠨ ᠬᠦᠴᠦ ᠭᠡᠳᠡᠭ ᠪᠤᠯ ᠴᠢᠳᠠᠯ ᠤᠨ ᠰᠢᠮ᠎ᠡ ᠪᠤᠯᠤᠭᠰᠠᠨ ᠢᠳᠡ ᠠᠴᠠ ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠬᠦᠴᠦ  ᠶᠢ ᠬᠡᠯᠡᠨ᠎ᠡ᠃ ᠮᠦᠨ ᠴᠤ ᠬᠠᠯᠠᠭᠤᠨ ᠪᠠ ᠬᠦᠢᠳᠡᠨ ᠡᠮ ᠳᠤ ᠤᠨᠴᠠ ᠬᠦᠴᠦᠨ ᠪᠦᠷᠢᠳᠬᠦ ᠶᠢ ᠬᠡᠯᠡᠨ᠎ᠡ᠃      ᠬᠠᠯᠠᠭᠤᠨ ᠤ ᠬᠦᠴᠦ ᠲᠠᠢ ᠡᠮ᠄ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠡᠮᠳᠦ ᠤᠷᠭᠤᠮᠠᠯ ᠨᠢ ᠬᠠᠯᠠᠭᠤᠨ ᠤᠷᠤᠨ ᠪᠠ ᠨᠡᠷᠡᠨ ᠡᠭᠡᠪᠦᠷ ᠮᠡᠳᠦ ᠶᠢᠨ ᠤᠷᠭᠤᠪᠠᠰᠦ ᠵᠤᠬᠢᠬᠤ ᠭᠠᠵᠠᠷ ᠲᠠᠭᠠᠨ ᠤᠷᠭᠤᠵᠦ᠂ ᠨᠠᠷᠠᠨ ᠤ ᠬᠦᠴᠦᠨ ᠲᠡᠭᠦᠯᠳᠡᠷ ᠲᠤᠰᠤᠭᠰᠠᠨ ᠪᠠᠶᠢᠪᠠᠯ᠂ ᠠᠷᠭ᠎ᠠ ᠶᠢᠨ ᠬᠦᠴᠦᠨ ᠲᠡᠭᠦᠯᠳᠡᠷ ᠪᠤᠯᠬᠤ ᠪᠦᠬᠡᠳ ᠲᠡᠬᠦᠵᠦ ᠠᠪᠤᠭᠰᠠᠨ ᠬᠤᠶᠢᠨ᠎ᠠ ᠭᠠᠯ ᠨᠠᠷᠠᠨ ᠳᠤ ᠶᠤᠰᠤᠴᠢᠯᠠᠨ ᠬᠠᠳᠠᠭᠠᠪᠠᠯ ᠬᠠᠯᠠᠭᠤᠨ ᠤ ᠬᠦᠴᠦ ᠪᠦᠷᠢᠳᠦᠨ᠎ᠡ᠃ ᠶᠡᠷᠦᠩᠬᠡᠢ ᠳᠡᠭᠡᠨ ᠢᠳᠡᠭᠡᠨ ᠢ ᠲᠦᠷᠬᠡᠨ ᠰᠢᠩᠬᠡᠬᠡᠵᠦ᠂ ᠬᠡᠢ ᠶᠢ ᠲᠠᠷᠤᠬᠤ᠂ ᠪᠠᠳᠭᠠᠨ ᠢ ᠠᠷᠢᠯᠭᠠᠬᠤ ᠴᠢᠳᠠᠯ ᠲᠠᠢ᠃ ᠬᠡᠳᠦᠷᠬᠡᠢ ᠬᠡᠷᠡᠭᠯᠡᠪᠡᠯ ᠲᠤᠯᠤᠭᠠᠢ ᠡᠷᠬᠢᠬᠦ ᠂ ᠡᠪᠡᠳᠬᠦ᠂ ᠠᠯᠵᠢᠶᠠᠬᠤ᠂ ᠵᠦᠳᠡᠷᠡᠬᠦ᠂ ᠬᠦᠯᠦᠷᠡᠬᠦ᠂ ᠬᠠᠯᠠᠭᠤᠷᠠᠬᠤ᠂ ᠤᠮᠳᠠᠭᠠᠰᠬᠤ ᠵᠡᠷᠬᠡ ᠪᠠᠶᠢᠳᠠᠯ ᠭᠠᠷᠤᠨ᠎ᠠ᠃      ᠬᠦᠢᠳᠡᠨ ᠤ ᠬᠦᠴᠦ ᠲᠠᠢ ᠡᠮ᠄ ᠬᠦᠢᠳᠡᠨ ᠴᠢᠨᠠᠷ ᠲᠠᠢ ᠡᠮᠳᠦ ᠤᠷᠭᠤᠮᠠᠯ ᠨᠢ ᠰᠡᠷᠢᠬᠦᠨ ᠤᠷᠤᠨ ᠪᠠ ᠰᠡᠷᠢᠬᠦᠨ ᠰᠡᠬᠦᠳᠡᠷ ᠮᠡᠳᠦ ᠶᠢᠨ ᠤᠷᠭᠤᠪᠠᠰᠦ ᠵᠤᠬᠢᠬᠤ ᠭᠠᠵᠠᠷ ᠲᠠᠭᠠᠨ ᠤᠷᠭᠤᠵᠦ᠂  ᠰᠠᠷᠠᠨ ᠤ ᠬᠦᠴᠦᠨ ᠲᠡᠭᠦᠯᠳᠡᠷ ᠲᠤᠰᠤᠭᠰᠠᠨ ᠪᠠᠶᠢᠪᠠᠯ᠂ ᠪᠢᠯᠢᠭ ᠤᠨ ᠬᠦᠴᠦᠨ ᠲᠡᠬᠦᠯᠳᠡᠷ ᠪᠤᠯᠬᠤ ᠪᠦᠬᠡᠳ ᠲᠡᠬᠦᠵᠦ ᠠᠪᠤᠭᠰᠠᠨ ᠬᠤᠶᠢᠨ᠎ᠠ ᠰᠡᠷᠢᠬᠦᠨ ᠰᠡᠬᠦᠳᠡᠷ ᠭᠠᠵᠠᠷ ᠬᠠᠳᠠᠭᠠᠭᠰᠠᠨ ᠪᠠᠶᠢᠪᠠᠯ ᠬᠦᠢᠳᠡᠨ ᠤ ᠬᠦᠴᠦ ᠪᠦᠷᠢᠳᠦᠨ᠎ᠡ᠃ ᠶᠡᠷᠦᠩᠬᠡᠢ ᠳᠡᠭᠡᠨ ᠲᠠᠶᠢᠳᠬᠤᠷᠠᠭᠤᠯᠬᠤ᠂ ᠰᠢᠮᠡᠵᠢᠬᠦᠯᠬᠦ᠂ ᠰᠦᠷ ᠬᠦᠴᠦᠨ ᠢ ᠨᠡᠮᠡᠭᠳᠡᠭᠦᠯᠬᠦ᠂ ᠴᠢᠰᠦ ᠶᠢ ᠲᠤᠩᠭᠠᠯᠠᠭᠰᠢᠭᠤᠯᠬᠤ᠂ ᠮᠠᠭᠤ ᠴᠢᠰᠦ ᠪᠤᠯᠤᠨ ᠰᠢᠷ᠎ᠠ ᠶᠢᠨ ᠡᠪᠡᠳᠴᠢᠨ ᠤ ᠬᠡᠮ ᠵᠡᠷᠬᠡ ᠶᠢ ᠠᠷᠢᠯᠭᠠᠬᠤ ᠴᠢᠳᠠᠯ ᠲᠠᠢ᠃ ᠬᠡᠪᠡᠴᠦ ᠬᠡᠳᠦᠷᠬᠡᠢ ᠬᠡᠷᠡᠭᠯᠡᠪᠡᠯ ᠪᠡᠶ᠎ᠡ ᠬᠦᠰᠢᠬᠦ᠂ ᠴᠠᠷᠴᠠᠬᠤ᠂ ᠬᠤᠳᠤᠭᠤᠳᠤᠨ ᠰᠢᠩᠬᠡᠬᠡᠯᠳᠡ ᠮᠠᠭᠤᠳᠠᠬᠤ ᠮᠡᠳᠦ ᠶᠢᠨ ᠬᠡᠮ ᠡᠬᠦᠰᠬᠡᠨ᠎ᠡ᠃             ᠲᠦᠷᠪᠡᠳᠦᠬᠡᠷ ᠪᠦᠯᠦᠭ ᠡᠮ ᠤᠨ ᠡᠷᠳᠡᠮ        ᠡᠮ ᠤᠨ ᠡᠷᠳᠡᠮ ᠬᠡᠳᠡᠭ ᠨᠢ ᠬᠡᠢ᠂ ᠰᠢᠷ᠎ᠠ᠂ ᠪᠠᠳᠭᠠᠨ ᠤ ᠪᠡᠯᠬᠡ ᠴᠢᠨᠠᠷ ᠤᠨ ᠬᠤᠷᠢᠨ ᠵᠦᠢᠯ ᠤᠨ ᠪᠦᠷᠢᠯᠳᠦᠬᠦᠨ ᠢ ᠲᠠᠷᠤᠬᠤ ᠳᠤ ᠰᠢᠭᠤᠳ ᠴᠢᠭᠯᠡᠭᠳᠡᠭᠰᠡᠨ ᠶᠡᠷᠦᠨᠳᠡᠭ ᠤᠳ ᠢ ᠬᠡᠯᠡᠨ᠎ᠡ᠃ ᠡᠮ ᠤᠨ ᠡᠷᠳᠡᠮ ᠤᠳ ᠨᠢ ᠡᠮ ᠤᠨ ᠠᠮᠳᠠ ᠶᠢᠨ ᠡᠷᠳᠡᠮ ᠪᠤᠯᠬᠤ ᠪᠦᠬᠡᠳ ᠡᠮ ᠤᠨ ᠠᠮᠳᠠ ᠶᠢᠨ ᠡᠷᠳᠡᠮ ᠨᠢ ᠮᠠᠭᠪᠤᠳ ᠤᠳ ᠠᠴᠠ ᠡᠬᠦᠰᠦᠭᠰᠡᠨ ᠶᠤᠮ᠃        ᠠᠷᠪᠠᠨ ᠲᠤᠯᠤᠭᠠᠨ ᠡᠷᠳᠡᠮ᠄ ᠵᠦᠬᠡᠯᠡᠨ᠂ ᠬᠦᠨᠳᠦ᠂ ᠲᠤᠰᠤᠯᠢᠭ᠂ ᠪᠦᠯᠢᠶᠡᠨ᠂ ᠪᠠᠳᠤᠯᠢᠭ᠂ ᠰᠡᠷᠢᠬᠦᠨ ︵ᠨᠦᠮᠵᠦᠭ ᠦᠬᠡᠢ）᠂ ᠮᠤᠬᠤᠳᠠᠭ᠂ ᠬᠦᠢᠳᠡᠨ᠂ ᠡᠶᠡᠯᠳᠡᠭ᠂ ᠰᠢᠩᠬᠡᠨ᠂ ᠬᠠᠭᠤᠷᠠᠢ᠂ ᠨᠦᠮᠵᠦᠭ ᠦᠬᠡᠢ᠂ ᠬᠠᠯᠠᠭᠤᠨ᠂ ᠬᠦᠩᠬᠡᠨ᠂ ᠬᠤᠷᠴᠠ᠂ ᠰᠢᠷᠦᠬᠦᠨ᠂ ᠬᠦᠯᠪᠡᠷᠢᠩᠬᠦᠢ᠃        ᠵᠢᠷᠭᠤᠭᠠᠨ ᠠᠮᠳᠠ ᠳᠤ ᠠᠭᠤᠯᠤᠭᠳᠠᠬᠤ ᠡᠷᠳᠡᠮ ᠤᠳ ᠤᠨ ᠬᠠᠷᠢᠴᠠᠯ ᠢ ᠦᠵᠡᠬᠦᠯᠪᠡᠯ᠄      ᠠᠮᠳᠠᠯᠢᠭ ᠠᠮᠳᠠ᠄ ᠬᠦᠨᠳᠦ 10᠂ ᠮᠤᠬᠤᠳᠠᠭ 7᠂ ᠬᠦᠢᠳᠡᠨ 5᠂ ᠰᠢᠩᠬᠡᠨ 5᠂ ᠪᠠᠳᠤᠯᠢᠭ 5᠂ ᠲᠤᠰᠤᠯᠢᠭ 4᠂ ᠵᠦᠬᠡᠯᠡᠨ 3᠂ ᠡᠶᠡᠯᠳᠡᠭ 1        ᠢᠰᠬᠦᠯᠡᠩ ᠠᠮᠳᠠ᠄ ᠬᠠᠯᠠᠭᠤᠨ 7᠂ ᠬᠠᠭᠤᠷᠠᠢ 6᠂ ᠲᠤᠰᠤᠯᠢᠭ 4᠂ ᠪᠠᠳᠤᠯᠢᠭ 4᠂ ᠬᠦᠨᠳᠦ 3᠂ ᠬᠤᠷᠴᠠ 2᠂ ᠰᠢᠷᠦᠬᠦᠨ 1         ᠲᠠᠪᠤᠰᠤᠯᠢᠭ ᠠᠮᠳᠠ᠄ ᠲᠤᠰᠤᠯᠢᠭ 4᠂ ᠰᠢᠷᠦᠬᠦᠨ 4᠂ ᠬᠤᠷᠴᠠ 3᠂ ᠬᠠᠯᠠᠭᠤᠨ 2᠂ ᠬᠦᠨᠳᠦ 1᠂ ᠰᠢᠩᠬᠡᠨ 1᠂ ᠡᠶᠡᠯᠳᠡᠭ 1᠂ ᠬᠦᠯᠪᠡᠷᠢᠬᠦᠨ 1       ᠭᠠᠰᠢᠭᠤᠨ ᠠᠮᠳᠠ᠄ ᠬᠦᠢᠳᠡᠨ 7᠂ ᠰᠢᠩᠬᠡᠨ 5᠂ ᠬᠦᠯᠪᠡᠷᠢᠬᠦᠨ 5᠂ ᠮᠤᠬᠤᠳᠠᠭ 3᠂ ᠰᠢᠷᠦᠬᠦᠨ 3᠂ ᠬᠦᠩᠬᠡᠨ 2᠂ ᠡᠶᠡᠯᠳᠡᠭ 1         ᠭᠤᠱᠤᠭᠤᠨ ᠠᠮᠳᠠ᠄ ᠬᠦᠩᠬᠡᠨ 9᠂ ᠰᠢᠷᠦᠬᠦᠨ 7᠂ ᠬᠠᠭᠤᠷᠠᠢ 6᠂ ᠬᠦᠯᠪᠡᠷᠢᠬᠦᠨ 6᠂ ᠬᠤᠷᠴᠠ 6᠂ ᠬᠠᠯᠠᠭᠤᠨ 5         ᠡᠬᠡᠬᠦᠨ᠄ ᠰᠡᠷᠢᠬᠦᠨ 4᠂ ᠮᠤᠬᠤᠳᠠᠭ 4᠂ ᠬᠠᠭᠤᠷᠠᠢ 2         ᠠᠩᠬᠠᠷᠠᠬᠤ ᠨᠢ᠄ ᠰᠡᠷᠢᠬᠦᠨ ᠤ 2 ᠬᠤᠪᠢ ᠨᠢ ᠬᠦᠢᠳᠡᠨ ᠤ 1 ᠬᠤᠪᠢ ᠲᠠᠢ ᠲᠡᠩᠴᠡᠬᠦ ᠪᠦᠬᠡᠳ ᠪᠦᠯᠢᠶᠡᠨ  ᠤ 1 ᠬᠤᠪᠢ ᠲᠠᠢ ᠰᠠᠴᠠᠭᠤ ᠪᠤᠯᠤᠨ᠎ᠠ᠃ ᠲᠡᠭᠦᠨᠴᠢᠯᠡᠨ ᠪᠦᠯᠢᠶᠡᠨ ᠤ 2 ᠬᠤᠪᠢ ᠨᠢ ᠬᠠᠯᠠᠭᠤᠨ ᠤ 1 ᠬᠤᠪᠢ ᠲᠠᠢ ᠲᠡᠩᠴᠡᠬᠦ ᠪᠤᠯᠤᠨ᠎ᠠ᠃              ᠲᠠᠪᠤᠳᠤᠭᠠᠷ ᠪᠦᠯᠦᠭ ᠡᠮ ᠤᠨ ᠰᠢᠩᠬᠡᠬᠡᠯᠳᠡ        ᠰᠢᠩᠬᠡᠬᠡᠭᠴᠢ᠂ ᠰᠢᠩᠬᠡᠭᠴᠢ ᠬᠤᠶᠠᠷ ᠤᠨ ᠤᠴᠠᠷᠠᠯ ᠪᠠᠷ ᠡᠮ ᠤᠨ ᠤᠤᠯ ᠤᠨ ᠠᠮᠳᠠ ᠬᠤᠪᠢᠷᠠᠭᠰᠠᠨ ᠪᠤᠶᠤ ᠡᠰᠡᠬᠦ ᠶᠢᠨ ᠳ᠋ᠦᠩ ᠢ ᠡᠮ ᠤᠨ ᠰᠢᠩᠬᠡᠬᠡᠯᠳᠡ ᠬᠡᠨ᠎ᠡ᠃ ᠡᠮ ᠪᠠ ᠢᠳᠡᠬᠡᠨ ᠤᠮᠳᠠᠭᠠᠨ ᠢ ᠰᠢᠩᠬᠡᠭᠴᠢ ᠬᠡᠵᠦ᠂ ᠬᠤᠳᠤᠭᠤᠳᠤᠨ ᠤ ᠭᠤᠷᠪᠠᠨ ᠢᠯᠴᠢ ᠶᠢ ᠰᠢᠩᠬᠡᠬᠡᠭᠴᠢ ᠬᠡᠨ᠎ᠡ᠃ ᠬᠤᠳᠤᠭᠤᠳᠤᠨ ᠠᠴᠠ ᠡᠬᠦᠰᠦᠭᠰᠡᠨ ᠭᠤᠷᠪᠠᠨ ᠢᠯᠴᠢ ᠶᠢ ᠲᠠᠭᠠᠭᠰᠠᠨ ᠰᠢᠩᠬᠡᠬᠡᠯᠳᠡ᠂ ᠵᠢᠷᠭᠤᠭᠠᠨ ᠠᠮᠳᠠ ᠶᠢ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠢᠩᠬᠡᠬᠡᠯᠳᠡ᠂ ᠡᠮ ᠤᠨ ᠦᠪᠡᠷᠮᠢᠴᠡ ᠬᠦᠴᠦᠨ ᠠᠴᠠ ᠪᠤᠯᠤᠭᠰᠠᠨ ᠰᠢᠩᠬᠡᠬᠡᠯᠳᠡ ᠬᠡᠵᠦ ᠭᠤᠷᠪᠠ ᠪᠤᠢ᠃      ᠬᠤᠳᠤᠭᠤᠳᠤᠨ ᠠᠴᠠ ᠡᠬᠦᠰᠦᠭᠰᠡᠨ ᠭᠤᠷᠪᠠᠨ ᠢᠯᠴᠢ ᠶᠢ ᠲᠠᠭᠠᠭᠰᠠᠨ ᠰᠢᠩᠬᠡᠬᠡᠯᠳᠡ᠄ ᠠᠮᠳᠠᠯᠢᠭ ᠲᠠᠪᠤᠰᠤᠯᠢᠭ  ᠨᠢ ᠠᠮᠳᠠᠯᠢᠭ ᠢᠶᠠᠷ᠂ ᠢᠰᠬᠦᠯᠡᠩ ᠨᠢ ᠢᠰᠬᠦᠯᠡᠩ ᠢᠶᠠᠷ᠂ ᠭᠠᠰᠢᠭᠤᠨ᠂ ᠭᠤᠱᠤᠭᠤᠨ᠂ ᠡᠬᠡᠬᠦᠨ ᠨᠢ ᠭᠠᠰᠢᠭᠤᠨ ᠢᠶᠠᠷ ᠰᠢᠩᠬᠡᠨ᠎ᠡ᠃        ᠵᠢᠷᠭᠤᠭᠠᠨ ᠠᠮᠳᠠ ᠶᠢ ᠭᠤᠤᠯ ᠪᠤᠯᠭᠠᠭᠰᠠᠨ ᠰᠢᠩᠬᠡᠬᠡᠯᠳᠡ᠄ ᠠᠮᠳᠠᠯᠢᠭ ᠨᠢ ᠠᠮᠳᠠᠯᠢᠭ ᠲᠡᠳᠦᠢ᠂ ᠢᠰᠬᠦᠯᠡᠩ  ᠨᠢ ᠢᠰᠬᠦᠯᠡᠩ ᠲᠡᠳᠦᠢ᠂ ᠭᠠᠰᠢᠭᠤᠨ ᠨᠢ ᠭᠠᠰᠢᠭᠤᠨ ᠢᠶᠠᠷ᠂ ᠲᠠᠪᠤᠰᠤᠯᠢᠭ ᠨᠢ ᠭᠤᠱᠤᠭᠤᠨ ᠲᠡᠳᠦᠢ᠂ ᠭᠤᠱᠣᠭᠤᠨ  ᠨᠢ ᠭᠤᠱᠤᠭᠤᠨ ᠢᠶᠠᠷ᠂ ᠡᠬᠡᠬᠦᠨ ᠨᠢ ᠭᠤᠱᠤᠭᠤᠨ ᠢᠶᠠᠷ ᠰᠢᠩᠬᠡᠨ᠎ᠡ᠃      ᠡᠮ ᠤᠨ ᠦᠪᠡᠷᠮᠢᠴᠡ ᠬᠦᠴᠦᠨ ᠠᠴᠠ ᠪᠤᠯᠤᠭᠰᠠᠨ ᠰᠢᠩᠬᠡᠬᠡᠯᠳᠡ᠄ ᠡᠮ ᠤᠨ ᠦᠪᠡᠷᠮᠢᠴᠡ ᠴᠢᠳᠠᠯ ᠡᠷᠳᠡᠮ  ᠤᠨ ᠡᠷᠬᠡᠪᠡᠷ ᠬᠤᠪᠢᠷᠠᠭᠰᠠᠨ ᠠᠮᠳᠠ ᠨᠢ ᠭᠤᠷᠪᠠᠨ ᠢᠯᠴᠢ ᠶᠢ ᠲᠠᠭᠠᠭᠰᠠᠨ ᠰᠢᠩᠬᠡᠬᠡᠯᠳᠡ ᠶᠢᠨ ᠵᠢᠮ᠎ᠡ ᠶᠤᠰᠤᠨ ᠠᠴᠠ ᠠᠩᠬᠢᠳᠡ ᠦᠬᠡᠷ᠎ᠡ ᠪᠤᠯᠤᠭᠰᠠᠨ ᠢ ᠬᠡᠯᠡᠨ᠎ᠡ᠃        ᠰᠢᠩᠬᠡᠬᠡᠯᠳᠡ ᠶᠢᠨ ᠦᠢᠯᠡᠳᠦᠯ᠄ ᠠᠮᠳᠠᠯᠢᠭ ᠰᠢᠩᠬᠡᠬᠡᠯᠳᠡ ᠪᠠᠷ ᠬᠡᠢ᠂ ᠰᠢᠷ᠎ᠠ ᠶᠢ ᠠᠷᠢᠯᠭᠠᠳᠠᠭ᠃ ᠢᠰᠬᠦᠯᠡᠩ ᠰᠢᠩᠬᠡᠬᠡᠯᠳᠡ ᠪᠠᠷ ᠪᠠᠳᠭᠠᠨ ᠬᠡᠢ ᠶᠢ ᠠᠷᠢᠯᠭᠠᠳᠠᠭ᠃ ᠭᠠᠰᠢᠭᠤᠨ ᠰᠢᠩᠬᠡᠬᠡᠯᠳᠡ ᠪᠠᠷ ᠰᠢᠷ᠎ᠠ ᠶᠢ ᠠᠷᠢᠯᠭᠠᠳᠠᠭ᠃ ᠭᠤᠱᠤᠭᠤᠨ ᠰᠢᠩᠬᠡᠬᠡᠯᠳᠡ ᠪᠠᠷ ᠪᠠᠳᠭᠠᠨ᠂ ᠬᠡᠢ ᠶᠢ ᠠᠷᠢᠯᠭᠠᠳᠠᠭ᠃ ᠲᠡᠬᠦᠨᠴᠢᠯᠡᠨ ᠠᠮᠳᠠᠯᠢᠭ ᠰᠢᠩᠬᠡᠬᠡᠯᠳᠡ ᠪᠠᠷ ᠪᠠᠳᠭᠠᠨ ᠢ ᠡᠬᠦᠰᠬᠡᠵᠦ᠂ ᠢᠰᠬᠦᠯᠡᠩ ᠰᠢᠩᠬᠡᠬᠡᠯᠳᠡ ᠪᠠᠷ ᠰᠢᠷ᠎ᠠ ᠶᠢ ᠡᠬᠦᠰᠬᠡᠵᠦ᠂ ᠭᠠᠰᠢᠭᠤᠨ ᠰᠢᠩᠬᠡᠬᠡᠯᠳᠡ ᠪᠠᠷ ᠬᠡᠢ᠂ ᠪᠠᠳᠭᠠᠨ ᠢ ᠡᠬᠦᠰᠬᠡᠵᠦ᠂ ᠭᠤᠱᠤᠭᠤᠨ ᠰᠢᠩᠬᠡᠬᠡᠯᠳᠡ ᠪᠠᠷ ᠰᠢᠷ᠎ᠠ  ᠶᠢ ᠡᠬᠦᠰᠬᠡᠳᠡᠭ ᠪᠠᠶᠢᠨ᠎ᠠ᠃ ᠬᠡᠬᠦ ᠳᠡᠭᠡᠨ ᠡᠨᠡ ᠨᠢ ᠡᠮ ᠤᠨ ᠦᠪᠡᠷᠮᠢᠴᠡ ᠬᠦᠴᠦᠨ ᠠᠴᠠ ᠪᠤᠯᠤᠭᠰᠠᠨ ᠰᠢᠩᠬᠡᠬᠡᠯᠳᠡ  ᠶᠢᠨ ᠵᠢᠮ᠎ᠡ ᠶᠤᠰᠤ ᠶᠢ ᠮᠦᠷᠳᠡᠪᠡᠯ ᠲᠡᠬᠡᠷᠡᠬᠢ ᠮᠡᠳᠦ ᠪᠠᠶᠢᠬᠤ ᠶᠢᠨ ᠠᠯᠪᠠ ᠦᠭᠡᠢ᠃              ᠵᠢᠷᠭᠤᠳᠤᠭᠠᠷ ᠪᠦᠯᠦᠭ  ᠡᠮᠳᠦ ᠪᠤᠳᠠᠰ ᠢ ᠲᠡᠬᠦᠬᠦ᠂ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠬᠠᠳᠠᠭᠠᠯᠠᠬᠤ᠂ ᠨᠤᠮᠤᠬᠠᠳᠬᠠᠬᠤ ᠲᠤᠬᠠᠢ        ᠡᠮᠳᠦ ᠤᠷᠭᠤᠮᠠᠯ ᠢ ᠲᠡᠬᠦᠬᠦ᠄      1. ᠪᠦᠬᠦᠯᠢ ᠡᠪᠡᠰᠦ ᠶᠢ ᠪᠤᠯ ᠤᠯᠠᠩᠬᠢ ᠨᠢ ᠤᠷᠭᠤᠮᠠᠯ ᠤᠨ ᠤᠷᠭᠤᠯᠳᠠ ᠨᠢ ᠪᠦᠷᠢᠨ ᠳᠡᠬᠦᠯᠳᠡᠷ ᠪᠤᠯᠵᠦ ᠦᠰᠦᠨ ᠬᠦᠢᠴᠡᠭᠰᠡᠨ ᠦᠶ᠎ᠡ ᠳᠤ ᠪᠤᠶᠤ ᠴᠡᠴᠡᠭᠯᠡᠬᠦ ᠦᠶ᠎ᠡ ᠳᠤ ᠠᠪᠤᠨ᠎ᠠ᠃ ᠦᠨᠳᠦᠰᠦᠨ ᠠᠴᠠ ᠲᠡᠭᠡᠭᠰᠢ ᠬᠠᠳᠤᠵᠦ ᠠᠪᠤᠭᠰᠠᠨ ᠬᠡᠰᠡᠭ ᠢ ᠬᠦᠷᠦᠰᠦᠨ ᠲᠡᠭᠡᠷᠡᠬᠢ ᠬᠡᠰᠡᠭ ᠬᠡᠨ᠎ᠡ᠃ ᠦᠨᠳᠦᠰᠦ ᠪᠠᠷ ᠨᠢ ᠠᠪᠤᠭᠰᠠᠨ ᠢ ᠪᠤᠯ ᠪᠦᠬᠦᠯᠢ ᠡᠪᠡᠰᠦ ᠬᠡᠨ᠎ᠡ᠃        2. ᠨᠠᠪᠴᠢ ᠶᠢ ᠶᠡᠷᠦᠳᠡᠬᠡᠡ ᠴᠡᠴᠡᠭ ᠤᠨ ᠴᠤᠮᠤᠷᠯᠢᠭ ᠨᠢ ᠲᠡᠯᠭᠡᠷᠡᠬᠦ ᠬᠡᠵᠦ ᠪᠠᠶᠢᠭ᠎ᠠ ᠪᠤᠶᠤ ᠶᠠᠭ ᠳᠡᠯᠭᠡᠷᠡᠭᠰᠡᠨ ᠦᠶ᠎ᠡ ᠳᠤ ᠲᠡᠬᠦᠨ᠎ᠡ᠃        3. ᠴᠡᠴᠡᠭ ᠢ ᠪᠤᠯ ᠶᠠᠭ ᠳᠡᠯᠭᠡᠷᠡᠵᠦ ᠪᠠᠶᠢᠬᠤ ᠦᠶ᠎ᠡ ᠳᠤ ᠲᠡᠬᠦᠵᠦ ᠠᠪᠤᠨ᠎ᠠ᠃      4. ᠵᠢᠮᠢᠰ ᠢ ᠪᠤᠯ ᠶᠡᠷᠦᠳᠡᠬᠡᠨ ᠬᠦᠢᠴᠡᠳ ᠪᠤᠯᠪᠠᠰᠤᠷᠠᠭᠠᠳᠦᠢ ᠪᠠᠷ ᠨᠢ ᠲᠡᠬᠦᠵᠦ ᠬᠡᠷᠡᠭᠯᠡᠳᠡᠭ ᠬᠠᠷ᠎ᠠ ᠬᠦᠢᠯᠡᠰᠦ ᠂ ᠶᠠᠰᠤᠯᠢᠭ ᠵᠦᠷᠵᠢ ᠶᠢᠨ ᠲᠤᠭᠳᠤᠢ ᠮᠡᠳᠦ ᠶᠢᠨ ᠴᠦᠬᠡᠨ ᠲᠤᠭᠠᠨ ᠤ ᠡᠮ ᠤᠨ ᠮᠠᠲ᠋ᠧᠷᠢᠶᠠᠯ ᠢ ᠭᠠᠷᠭᠠᠪᠠᠯ ᠤᠯᠠᠩᠬᠢ  ᠶᠢ ᠨᠢ ᠶᠡᠷᠦ ᠪᠤᠯᠪᠠᠰᠤᠷᠠᠭᠰᠠᠨ ᠦᠶ᠎ᠡ ᠳᠤ ᠲᠡᠭᠦᠨ᠎ᠡ᠃        5. ᠦᠷ᠎ᠡ ᠶᠢᠨ ᠵᠦᠢᠯ ᠤᠨ ᠡᠮ ᠢ ᠪᠤᠯ ᠬᠡᠷᠪᠡ ᠢᠵᠢᠯ ᠪᠠᠭ ᠵᠢᠮᠢᠰ ᠤᠨ ᠵᠢᠮᠢᠰ ᠪᠤᠯᠪᠠᠰᠤᠷᠠᠬᠤ ᠬᠤᠭᠤᠴᠠᠭ᠎ᠠ  ᠨᠢ ᠤᠶᠢᠷᠠᠯᠴᠠᠭ᠎ᠠ ᠰᠢᠭ᠋ ᠪᠠᠶᠢᠪᠠᠯ᠂ ᠲᠠᠷᠤᠢ ᠪᠠᠭ ᠵᠢᠮᠢᠰ ᠢ ᠨᠢ ᠲᠦᠷᠦᠬᠦᠦ ᠪᠠᠷ ᠬᠠᠳᠤᠵᠦ ᠠᠪᠤᠭᠠᠳ ᠰᠡᠯᠬᠢ ᠨᠡᠪᠳᠡᠷᠡᠬᠦ ᠭᠠᠵᠠᠷ ᠲᠤ ᠲᠡᠭᠦᠵᠢᠯᠡᠨ ᠬᠠᠳᠠᠭᠠᠵᠦ᠂ ᠵᠢᠮᠢᠰ ᠢ ᠨᠢ ᠮᠤᠯᠳᠤᠯᠤᠨ ᠠᠪᠤᠨ᠎ᠠ᠃ ᠬᠡᠷᠪᠡ ᠢᠵᠢᠯ ᠪᠠᠭ ᠵᠢᠮᠢᠰ  ᠤᠨ ᠵᠢᠮᠢᠰ ᠤᠳ ᠲᠡᠰ ᠲᠠᠷᠠᠭ᠎ᠠ ᠲᠠᠢ ᠬᠤᠶᠢᠨ᠎ᠠ ᠬᠤᠶᠢᠨ᠎ᠠ ᠠᠴᠠ ᠪᠠᠨ ᠪᠤᠯᠪᠠᠰᠤᠷᠠᠳᠠᠭ ᠪᠠᠶᠢᠪᠠᠯ ᠪᠤᠯᠪᠠᠰᠤᠷᠠᠭᠰᠠᠨ ᠢ ᠤᠷᠢᠳᠠᠪᠠᠷ ᠲᠡᠬᠦᠵᠦ᠂ ᠪᠤᠯᠪᠠᠰᠤᠷᠠᠭᠠᠳᠤᠢ ᠶᠢ ᠨᠢ ᠬᠦᠯᠢᠶᠡᠵᠦ ᠪᠠᠶᠢᠭᠠᠳ ᠪᠤᠯᠪᠠᠰᠤᠷᠠᠭᠤᠯᠤᠮᠠᠨᠵᠢᠨ ᠰᠠᠶ᠋ᠢ ᠲᠡᠭᠦᠵᠦ᠂ ᠬᠠᠳᠠᠭᠠᠭᠰᠠᠨ ᠤ ᠰᠡᠬᠦᠯᠡᠷ ᠦᠷ᠎ᠡ ᠶᠢ ᠨᠢ ᠮᠤᠯᠳᠤᠯᠤᠨ ᠠᠪᠤᠨ᠎ᠠ᠃      6. ᠦᠨᠳᠦᠰᠦ᠂ ᠦᠨᠳᠦᠰᠦᠯᠢᠭ ᠡᠰᠢ ᠶᠢ ᠪᠤᠯ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠤᠷᠭᠤᠮᠠᠯ ᠤᠨ ᠬᠦᠷᠦᠰᠦᠨ ᠲᠡᠭᠡᠷᠡᠬᠢ ᠬᠡᠰᠡᠭ ᠨᠢ ᠬᠤᠪᠠᠭ᠋ᠠᠶᠢᠷᠠᠭᠰᠠᠨ ᠠᠴᠠ ᠬᠤᠶᠢᠳᠦᠨ ᠬᠠᠪᠤᠷ ᠲᠠᠬᠢᠵᠦ ᠰᠤᠶᠤᠭᠠᠯᠠᠬᠤ ᠬᠦᠷᠳᠡᠯᠡᠬᠢ ᠬᠤᠭᠤᠷᠤᠨᠳᠦ ᠲᠡᠬᠦᠨ᠎ᠡ᠃      7. ᠮᠤᠳᠤᠨ ᠲᠤᠷᠤᠰᠦ ᠪᠤᠯᠤᠨ ᠦᠨᠳᠦᠰᠦᠨ ᠤ ᠲᠤᠷᠤᠰᠦ ᠶᠢ ᠬᠠᠪᠤᠷ ᠤᠨ ᠰᠡᠬᠦᠯ᠂ ᠵᠤᠨ ᠤ ᠡᠬᠢᠨ ᠳᠤ ᠤᠷᠭᠤᠮᠠᠯ ᠤᠨ ᠲᠤᠷᠤᠰᠦᠨ ᠳᠤᠨᠢ ᠰᠢᠮ᠎ᠡ ᠰᠢᠬᠦᠰᠦ ᠨᠡᠯᠢᠶᠡᠳ ᠡᠯᠪᠡᠭ ᠮᠦᠷᠳᠡᠬᠡᠨ ᠲᠤᠷᠤᠰᠦ ᠨᠢ ᠬᠢᠯᠪᠠᠷᠬᠠᠨ ᠱᠠᠭᠠᠯᠠᠠᠭᠳᠠᠬᠤ ᠲᠤᠯᠨ ᠡᠨᠡ ᠦᠶ᠎ᠡ ᠳᠤ ᠮᠤᠳᠤᠨ ᠲᠤᠷᠤᠰᠦ ᠶᠢ ᠲᠡᠬᠦᠪᠡᠯ ᠡᠮ ᠤᠨ ᠴᠢᠨᠠᠷ ᠰᠠᠶᠢᠨ ᠪᠠᠶᠢᠳᠠᠭ᠃      8. ᠡᠰᠢ ᠶᠢ ᠪᠤᠯ ᠡᠮᠳᠦ ᠤᠷᠭᠤᠮᠠᠯ ᠤᠨ ᠦᠰᠦᠯᠳᠡ ᠤᠷᠭᠤᠯᠳᠠ ᠨᠢ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠬᠡᠢ ᠪᠤᠯᠬᠤᠷ ᠪᠠᠶᠢᠳᠠᠯ ᠢ ᠨᠢ ᠠᠵᠢᠵᠦ ᠪᠠᠶᠢᠭᠠᠳ ᠲᠡᠬᠦᠨ᠎ᠡ᠃        ᠠᠮᠢᠳᠠᠨ ᠠᠴᠠ ᠭᠠᠷᠬᠤ ᠡᠮ ᠢ ᠠᠪᠬᠤ᠄ ᠠᠷᠢᠶᠠᠳᠠᠨ ᠬᠦᠷᠦᠬᠡᠰᠦ᠂ ᠮᠠᠯ ᠲᠡᠵᠢᠬᠡᠪᠤᠷᠢ᠂ ᠮᠡᠷᠡᠭᠴᠢ ᠪᠤᠯᠤᠨ ᠰᠢᠪᠠᠭᠤᠨ ᠤ ᠵᠦᠢᠯ ᠢ ᠴᠦᠮ ᠲᠦᠷᠪᠡᠨ ᠤᠯᠠᠷᠢᠯ ᠲᠤ ᠪᠠᠷᠢᠵᠦ ᠡᠮ ᠳᠤ ᠬᠡᠷᠡᠭᠯᠡᠬᠦ ᠬᠡᠰᠡᠭ ᠢ ᠨᠢ ᠠᠪᠴᠦ ᠪᠤᠯᠬᠤ ᠪᠤᠯᠪᠠᠴᠦ ᠶᠡᠷᠦᠳᠡᠬᠡᠨ ᠨᠠᠮᠤᠷ ᠡᠪᠤᠯ ᠤᠨ ᠰᠡᠷᠢᠬᠦᠨ ᠤᠯᠠᠷᠢᠯ ᠳᠤ ᠠᠪᠤᠭᠰᠠᠨ ᠨᠢ ᠰᠠᠶᠢᠨ᠂ ᠪᠠᠭᠠᠰᠦᠨ ᠤ ᠵᠦᠢᠯ ᠤᠨ ᠡᠮ ᠢ ᠬᠤᠷ᠎ᠠ ᠪᠠ ᠰᠠᠯᠬᠢᠨ ᠳᠤ ᠤᠳᠠᠳᠠᠯ᠎ᠠ ᠨᠤᠷᠴᠦ ᠦᠯᠢᠶᠡᠭᠳᠡᠭᠰᠡᠨ ᠪᠤᠶᠤ ᠬᠡᠮᠳᠦᠵᠦ ᠦᠵᠢᠷᠡᠭᠰᠡᠨ ᠦᠬᠡᠢ ᠶᠢ ᠨᠢ ᠠᠪᠤᠨ᠎ᠠ᠃         ᠡᠷᠦᠳᠡᠰᠦ ᠶᠢᠨ ᠵᠦᠢᠯ ᠤᠨ ᠡᠮ ᠢ ᠠᠪᠬᠤ᠄ ᠶᠡᠷᠦᠳᠡᠬᠡᠨ ᠰᠢᠷᠤᠢ ᠴᠢᠯᠠᠭᠤᠨ ᠤ ᠵᠦᠢᠯ ᠤᠨ ᠡᠮᠳᠦ ᠪᠤᠳᠠᠰ ᠢ ᠠᠯᠢ ᠤᠯᠠᠷᠢᠯ ᠳᠤ ᠠᠪᠬᠤ ᠳᠤ ᠴᠦᠮ ᠪᠤᠯᠤᠨ᠎ᠠ᠃ ᠬᠡᠪᠡᠴᠦ ᠨᠠᠷᠠ ᠰᠡᠯᠬᠢᠨ ᠳᠤ ᠬᠡᠳᠦᠷᠬᠡᠢ ᠦᠯᠢᠶᠡᠭᠳᠡᠵᠦ ᠡᠬᠡᠭᠳᠡᠭᠰᠡᠨ ᠢᠯᠨ ᠪᠠᠶᠢᠭ᠎ᠠ ᠶᠢ ᠨᠢ ᠠᠪᠬᠤ ᠦᠬᠡᠢ᠃        ᠡᠮᠳᠦ ᠪᠤᠳᠠᠰ ᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠷᠭ᠎ᠠ᠄ 1. ᠰᠢᠯᠢᠳᠡᠭᠵᠢᠬᠦᠯᠬᠦ ︵ᠰᠠᠬᠠᠯ ᠢ ᠨᠢ ᠠᠷᠢᠯᠭᠠᠬᠤ᠂ ᠭᠤᠤᠯ ᠢ ᠠᠷᠢᠯᠭᠠᠬᠤ᠂ ᠨᠠᠪᠴᠢᠨ ᠤ ᠪᠠᠷᠢᠭᠤᠯ ᠢ ᠬᠠᠶᠠᠬᠤ᠂ ᠲᠤᠭᠳᠤᠢ ᠶᠢ ᠠᠷᠢᠯᠭᠠᠬᠤ᠂ ᠦᠷ᠎ᠡ ᠪᠤᠯᠤᠨ ᠵᠢᠮᠢᠰ ᠤᠨ ᠬᠠᠯᠢᠰᠦ  ᠶᠢ ᠠᠷᠢᠯᠭᠠᠬᠤ᠂ ᠶᠠᠰᠦ ᠶᠢ ᠠᠷᠢᠯᠭᠠᠬᠤ᠂ ᠬᠠᠯᠢᠰᠦ ᠶᠢ ᠠᠷᠢᠯᠭᠠᠬᠤ）2. ᠤᠬᠢᠶᠠᠬᠤ  3. ᠬᠡᠷᠴᠢᠬᠦ   4 ᠬᠠᠳᠠᠭᠠᠬᠤ᠃      ᠡᠮᠳᠦ ᠪᠤᠳᠠᠰ ᠢ ᠬᠠᠳᠠᠭᠠᠯᠠᠬᠤ ᠶᠢᠨ ᠲᠤᠮᠳᠠ ᠪᠠᠶᠢᠩᠭᠤ ᠭᠠᠷᠳᠠᠭ ᠴᠢᠨᠠᠷ ᠬᠤᠪᠢᠰᠬᠤ ᠶᠢᠨ ᠦᠵᠡᠭᠳᠡᠯ᠄ 1. ᠢᠯᠵᠡᠷᠡᠬᠦ  2. ᠬᠤᠷᠤᠬᠠᠶᠢᠳᠠᠬᠤ 3. ᠦᠩᠬᠡ ᠠᠯᠳᠠᠭᠳᠠᠬᠤ 4. ᠲᠤᠰᠤ ᠭᠠᠷᠬᠤ  5. ᠪᠤᠰᠤᠳ ᠵᠦᠢᠯ        ᠡᠮᠳᠦ ᠪᠤᠳᠠᠰ ᠢ ᠨᠤᠮᠠᠳᠬᠠᠬᠤ᠄          ᠨᠤᠮᠤᠬᠠᠳᠬᠠᠤ ᠵᠤᠷᠢᠯᠭ᠎ᠠ᠄ 1. ᠡᠮᠳᠦ ᠪᠤᠳᠠᠰ ᠤᠨ ᠬᠤᠤᠷ᠎ᠠ᠂ ᠬᠤᠷᠴᠠ ᠰᠢᠷᠦᠬᠦᠨ ᠴᠢᠨᠠᠷ ᠪᠤᠯᠤᠨ ᠮᠠᠭᠤ ᠦᠢᠯᠡᠳᠦᠯ ᠢ ᠨᠢ ᠠᠷᠢᠯᠭᠠᠬᠤ ᠪᠤᠶᠤ ᠪᠠᠭᠤᠷᠠᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠨᠤᠮᠤᠬᠠᠳᠬᠠᠨ᠎ᠠ᠃ 2. ᠡᠮ ᠤᠨ ᠴᠢᠨᠠᠷ ᠢ ᠨᠢ ᠦᠬᠡᠷᠡᠴᠢᠯᠡᠵᠦ᠂ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠳᠤᠨᠢ ᠲᠤᠬᠢᠷᠠᠭᠤᠯᠬᠤ ᠶᠢᠨ ᠲᠦᠯᠦᠬᠡ ᠨᠤᠮᠤᠬᠠᠳᠬᠠᠨ᠎ᠠ᠃ 3. ᠡᠮᠳᠦ ᠪᠤᠳᠠᠰ ᠢ ᠨᠠᠶᠢᠷᠠᠭᠤᠯᠬᠤ ᠪᠠ ᠬᠠᠳᠠᠭᠠᠯᠠᠬᠤ ᠳᠤ ᠲᠦᠬᠦᠮ ᠤᠨ ᠲᠦᠯᠦᠬᠡ ᠨᠤᠮᠤᠬᠠᠳᠬᠠᠨ᠎ᠠ᠃ 4. ᠡᠮᠳᠦ ᠪᠤᠳᠠᠰ ᠤᠨ ᠬᠤᠯᠢᠮᠠᠭ ᠶᠠᠭᠤᠮ᠎ᠠ ᠪᠠ ᠡᠮ ᠳᠤ ᠬᠡᠷᠡᠭᠯᠡᠬᠦ ᠦᠬᠡᠢ ᠬᠡᠰᠡᠭ ᠢ ᠨᠢ ᠠᠷᠢᠯᠭᠠᠵᠦ ᠨᠠᠷᠢᠯᠢᠭ ᠴᠡᠪᠡᠷ ᠪᠤᠯᠭᠠᠪᠠᠯ ᠰᠠᠶ᠋ᠢ ᠬᠡᠷᠡᠭᠯᠡᠬᠦ ᠬᠡᠮᠵᠢᠶ᠎ᠡ ᠤᠨᠤᠪᠴᠢᠳᠠᠢ ᠪᠤᠯᠵᠦ ᠴᠢᠳᠠᠬᠤ ᠪᠤᠶᠤ ᠤᠤᠭᠤᠬᠤ ᠳᠤ ᠲᠦᠬᠦᠮ ᠪᠤᠯᠤᠨ᠎ᠠ᠃      ᠨᠤᠮᠤᠬᠠᠳᠬᠠᠤ ᠠᠷᠭ᠎ᠠ᠄ 1.ᠠᠷᠢᠯᠭᠠᠨ ᠵᠠᠰᠠᠬᠤ  ︵ᠴᠡᠪᠡᠷᠯᠡᠬᠦ᠂ ᠬᠡᠮᠬᠡᠯᠡᠬᠦ︶2. ᠤᠰᠤ ᠪᠠᠷ ᠨᠤᠮᠤᠬᠠᠳᠬᠠᠬᠤ ︵ᠤᠬᠢᠶᠠᠬᠤ᠂ ᠲᠡᠪᠳᠦᠬᠡᠬᠦ᠂ ᠴᠢᠬᠢᠭᠳᠦᠬᠦᠯᠬᠦ᠂ ᠵᠠᠶᠢᠯᠠᠬᠤ᠂ ᠲᠤᠩᠭᠠᠬᠤ）3. ᠭᠠᠯ ᠢᠶᠠᠷ ᠨᠤᠮᠤᠬᠠᠳᠬᠠᠬᠤ ︵ᠬᠠᠭᠤᠷᠬᠤ ﹇ᠰᠢᠷᠠᠯᠠᠳᠠᠯ᠎ᠠ ᠬᠠᠭᠤᠷᠬᠤ᠂ ᠬᠡᠦᠷᠰᠢᠳᠡᠯ᠎ᠡ ᠬᠠᠭᠤᠷᠬᠤ᠂ ᠨᠡᠬᠦᠷᠡᠰᠦ ᠪᠤᠯᠳᠠᠯ᠎ᠠ ᠬᠠᠭᠤᠷᠬᠤ᠂ ᠡᠯᠡᠰᠦ ᠲᠠᠢ ᠬᠠᠭᠤᠷᠬᠤ᠂ ᠠᠷᠪᠠᠢ ᠲᠠᠢ ᠬᠠᠭᠤᠷᠬᠤ﹈᠂᠂ ᠤᠯᠠᠶᠢᠳᠬᠠᠬᠤ ﹇ᠰᠢᠭᠤᠳ ᠰᠢᠳᠠᠭᠠᠬᠤ᠂ ᠪᠢᠳᠡᠬᠦᠦ ᠰᠢᠳᠠᠭᠠᠬᠤ᠂ ᠤᠯᠠᠶᠢᠳᠬᠠᠨ ᠰᠦᠢᠷᠡᠬᠦᠯᠬᠦ﹈᠂ ᠨᠤᠷᠮᠠᠯᠠᠬᠤ᠂ ᠬᠠᠶᠢᠯᠤᠭᠤᠯᠬᠤ︶ 4. ᠭᠠᠯ ᠤᠰᠤ ᠶᠢᠨ ᠬᠠᠪᠰᠤᠷᠤᠮᠵᠢ ᠪᠠᠷ ᠨᠤᠮᠤᠬᠠᠳᠬᠠᠬᠤ ︵ᠵᠢᠩᠨᠡᠬᠦ᠂ ᠴᠢᠨᠠᠬᠤ︶᠃  
  
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠪᠦᠷᠭᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠩᠭᠤᠯ ᠡᠮ ᠨᠠᠶᠢᠷᠠᠯᠭ᠎ᠠ ᠶᠢᠨ ᠦᠨᠳᠦᠰᠦᠨ ᠤᠨᠤᠯ
ᠮᠤᠩᠭᠤᠯ ᠡᠮ ᠤᠨ ᠲᠤᠪᠴᠢ ᠨᠡᠷᠡᠰ
ᠡᠯᠢᠬᠡ ᠮᠠᠭᠤᠳᠠᠭᠰᠠᠨ ᠤ ᠠᠷᠪᠠᠨ ᠢᠯᠡᠷᠡᠯ
ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ︽ᠠᠷᠪᠠᠨ ᠠᠩᠬᠠᠷᠤᠯ︾ ᠪᠠ ︽ᠠᠷᠪᠠᠨ ᠪᠠᠷᠢᠮᠲᠠᠯᠠᠯ︾
ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠷᠬᠦᠯᠵᠢ ᠬᠡᠷᠡᠭᠯᠡᠭᠲᠡᠲᠡᠭ ᠲᠤᠰᠬᠠᠢ ᠨᠠᠷ᠎ᠠ ᠦᠭᠡ ᠶᠢᠨ ᠲᠠᠶᠢᠯᠪᠤᠷᠢ ︵ᠲᠤᠤᠷᠠᠲᠦ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号
Baidu
map