| ᠮᠤᠩᠭᠤᠯ ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠦᠨᠳᠦᠰᠦᠨ ᠤᠨᠤᠯ | | ᠨᠢᠬᠡᠳᠦᠬᠡᠷ ᠪᠦᠯᠦᠭ ᠮᠤᠩᠭᠤᠯ ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠠᠩᠬᠢᠯᠠᠯ | ᠤᠯᠠᠮᠵᠢᠯᠠᠯᠳᠦ ᠠᠩᠬᠢᠯᠠᠯ᠄ ᠠᠮᠤᠷᠯᠢᠭᠤᠯᠤᠨ ᠦᠢᠯᠡᠳᠬᠦ ᠡᠮ ᠤᠨ ᠲᠤᠪᠴᠢ ᠶᠢ ᠲᠠᠩ᠂ ᠲᠠᠯᠬᠠ᠂ ᠦᠷᠢᠯ᠂ | ᠵᠢᠭᠤᠷᠠᠮᠠᠯ᠂ ᠲᠤᠰᠤᠨ ᠡᠮ᠂ ᠦᠨᠡᠰᠦᠨ ᠡᠮ᠂ ᠠᠷᠢᠬᠢᠨ ᠡᠮ᠂ ᠬᠠᠨᠳᠠ ᠡᠮ᠂ ᠡᠷᠳᠡᠨᠢ ᠶᠢᠨ ᠡᠮ ᠤᠨ ᠨᠠᠶᠢᠷᠠᠯᠭᠠ᠂ | ᠡᠪᠡᠰᠦᠨ ᠡᠮ ᠤᠨ ᠨᠠᠶᠢᠷᠠᠯᠭᠠ ᠵᠡᠷᠭᠡ ᠠᠷᠪᠠ︔ ᠠᠷᠢᠯᠭᠠᠨ ᠦᠢᠯᠡᠳᠡᠬᠦ ᠦᠢᠯᠨ ᠶᠢᠨ ᠲᠤᠪᠴᠢ ᠶᠢ ᠲᠤᠰᠤᠨ ᠵᠠᠰᠠᠯ᠂ | ᠲᠤᠭᠤᠯᠪᠤᠷᠢ᠂ ᠪᠦᠬᠡᠯᠵᠢᠬᠦᠯᠬᠡ᠂ ᠬᠠᠮᠠᠷ ᠤᠨ ᠡᠮ᠂ ᠵᠦᠬᠡᠯᠡᠨ ᠰᠢᠮᠡᠵᠢᠬᠦᠯᠬᠡ᠂ ᠨᠢᠷᠤᠬᠠ᠂ ᠰᠤᠳᠠᠯ ᠤᠨ | ᠲᠤᠭᠤᠯᠪᠤᠷᠢ ᠵᠡᠷᠬᠡ ᠲᠤᠯᠤᠭᠠ ᠵᠦᠢᠯ ᠲᠠᠢ ᠨᠡᠶᠢᠳᠡ ᠠᠷᠪᠠᠨ ᠲᠤᠯᠤᠭᠠᠨ ᠵᠦᠢᠯ ᠢᠶᠠᠷ ᠠᠩᠬᠢᠯᠠᠨᠠ᠃ | ᠤᠳᠤᠬᠠᠨ ᠤ ᠠᠩᠬᠢᠯᠠᠯ᠄ ᠴᠢᠳᠠᠯ ᠢ ᠮᠦᠷᠳᠡᠭᠰᠡᠨ ᠠᠩᠬᠢᠯᠠᠯ᠂ ᠬᠡᠯᠪᠡᠷᠢ ᠶᠢ ᠮᠦᠷᠳᠡᠭᠰᠡᠨ ᠠᠩᠬᠢᠯᠠᠯ᠂ ᠴᠠᠭᠠᠨ | ᠲᠤᠯᠤᠭᠠᠢ ᠶᠢᠨ ᠲᠠᠷᠠᠭᠠᠯᠠᠯ ᠢᠶᠠᠷ ᠵᠢᠭᠰᠠᠭᠠᠭᠰᠠᠨ ᠠᠩᠬᠢᠯᠠᠯ ᠵᠡᠷᠬᠡ ᠪᠤᠢ᠃ | ᠬᠤᠶᠠᠳᠤᠭᠠᠷ ᠪᠦᠯᠦᠭ ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠲᠤᠬᠠᠢ ᠦᠨᠳᠦᠰᠦᠨ ᠤᠨᠤᠯ | ᠨᠢᠬᠡᠳᠦᠬᠡᠷ ᠬᠡᠰᠡᠭ ᠡᠮ ᠨᠠᠶᠢᠷᠠᠭᠤᠯᠬᠤ ᠵᠠᠷᠴᠢᠮ | ᠡᠮ ᠨᠠᠶᠢᠷᠠᠭᠤᠯᠬᠤ ᠵᠠᠷᠴᠢᠮ᠄ ᠡᠮ ᠨᠠᠶᠢᠷᠠᠭᠤᠯᠬᠤ ᠳᠤ ᠲᠡᠬᠦᠨ ᠤ ᠬᠦᠯ ᠪᠤᠯᠤᠭᠰᠠᠨ ᠡᠮᠳᠦ ᠪᠤᠳᠠᠰ ᠤᠨ | ᠠᠮᠳᠠ᠂ ᠠᠮᠳᠠ ᠶᠢᠨ ᠰᠢᠩᠬᠡᠬᠡᠯᠳᠡ᠂ ᠴᠢᠳᠠᠯ ᠢ ᠬᠠᠷᠢᠯᠴᠠᠨ ᠲᠤᠬᠢᠷᠠᠭᠤᠯᠤᠨ ᠡᠶᠡᠳᠦᠬᠦᠯᠵᠦ ᠨᠠᠶᠢᠷᠠᠭᠤᠯᠬᠤ ᠶᠢ | ᠪᠠᠷᠢᠮᠳᠠᠯᠠᠨᠠ᠃ ᠢᠯᠠᠩᠭᠤᠶᠡ ᠴᠢᠨᠠᠷ ᠢᠶᠠᠷ ᠢᠶᠠᠨ ᠦᠯᠦ ᠵᠤᠬᠢᠯᠳᠤᠬᠤ ᠪᠠ ᠦᠢᠯᠡᠳᠦᠯ ᠢᠶᠠᠷ ᠢᠶᠠᠨ ᠦᠯᠦ ᠵᠤᠬᠢᠯᠳᠤᠬᠤ | ᠶᠢ ᠠᠩᠬᠠᠷᠠᠬᠤ ᠬᠡᠷᠡᠭᠳᠡᠢ᠃ | ᠴᠢᠨᠠᠷ ᠢᠶᠠᠷ ᠢᠶᠠᠨ ᠦᠯᠦ ᠵᠤᠬᠢᠯᠳᠤᠬᠤ᠄ ᠡᠩ ᠤᠨ ᠪᠠᠶᠢᠳᠠᠯ ᠲᠤᠤᠷᠠ ᠬᠦᠩᠬᠡᠨ ᠴᠢᠨᠠᠷ ᠲᠠᠢ ᠡᠮ ᠢ ᠬᠦᠨᠳᠦ | ᠴᠢᠨᠠᠷ ᠲᠠᠢ ᠡᠮ ᠲᠠᠢ ᠬᠠᠮᠳᠦ ᠨᠠᠶᠢᠷᠠᠭᠤᠯᠬᠤ᠂ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠡᠮ ᠢ ᠬᠦᠢᠳᠡᠨ ᠴᠢᠨᠠᠷ ᠲᠠᠢ ᠡᠮ ᠲᠠᠢ | ᠬᠠᠮᠳᠦ ᠨᠠᠶᠢᠷᠠᠭᠤᠯᠬᠤ ᠶᠢ ᠴᠢᠨᠠᠷ ᠢᠶᠠᠷ ᠢᠶᠠᠨ ᠦᠯᠦ ᠵᠤᠬᠢᠯᠳᠤᠬᠤ ᠬᠡᠨᠡ᠃ | ᠦᠢᠯᠡᠳᠦᠯ ᠢᠶᠠᠷ ᠢᠶᠠᠨ ᠦᠯᠦ ᠵᠤᠬᠢᠯᠳᠤᠬᠤ᠄ ᠲᠠᠷᠦᠢ ᠬᠡᠢ ᠶᠢᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠳᠤ ᠰᠢᠷᠦᠬᠦᠨ᠂ | ᠪᠦᠯᠢᠶᠡᠨ ᠡᠮ ᠢ ᠬᠠᠮᠳᠦ ᠨᠠᠶᠢᠷᠠᠭᠤᠯᠪᠠᠯ ᠲᠠᠷᠦᠢ ᠦᠢᠯᠡᠳᠦᠯ ᠨᠢ ᠵᠤᠬᠢᠯᠳᠬᠤ ᠦᠬᠡᠢ ᠪᠤᠯᠤᠨᠠ᠃ | ᠬᠤᠶᠠᠳᠤᠭᠠᠷ ᠬᠡᠰᠡᠭ ᠡᠮ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ | ᠡᠮ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ᠄ ᠶᠡᠷᠦᠳᠡᠬᠡᠨ ᠠᠮᠳᠠ᠂ ᠰᠢᠩᠬᠡᠬᠡᠯᠳᠡ᠂ ᠴᠢᠳᠠᠯ ᠢᠶᠠᠷ ᠨᠠᠶᠢᠷᠠᠭᠤᠯᠬᠤ ᠦᠨᠳᠦᠰᠦᠨ | ᠭᠤᠷᠪᠠᠨ ᠠᠷᠭᠠ ᠪᠠᠶᠢᠳᠠᠭ᠃ ᠶᠠᠮᠠᠷ ᠴᠤ ᠡᠮ ᠤᠨ ᠠᠮᠳᠠ᠂ ᠰᠢᠩᠬᠡᠬᠡᠯᠳᠡ᠂ ᠴᠢᠳᠠᠯ ᠭᠤᠷᠪᠠᠭᠤᠯᠨ ᠬᠡᠪ ᠶᠤᠰᠤᠭᠠᠷ | ᠵᠤᠬᠢᠯᠳᠤᠭᠰᠠᠨ ᠪᠠᠶᠢᠪᠠᠯ ᠲᠤᠬᠠᠶᠢᠯᠠᠭᠰᠠᠨ ᠡᠪᠡᠳᠴᠢᠨ ᠳᠡᠭᠡᠨ ᠬᠠᠮᠤᠭ ᠤᠨ ᠬᠦᠴᠦ ᠲᠠᠢ ᠪᠠᠶᠢᠳᠠᠭ᠃ | 1. ᠠᠮᠳᠠ ᠪᠠᠷ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ᠄ ᠡᠮᠳᠦ ᠪᠤᠳᠠᠰ ᠤᠨ ᠭᠤᠤᠯ ᠪᠤᠯᠬᠤ ᠠᠮᠳᠠ ᠪᠤᠯᠤᠨ ᠲᠡᠬᠦᠨ ᠳᠤ | ᠲᠠᠭᠠᠯᠳᠤᠭᠰᠠᠨ ᠨᠠᠶᠢᠮᠠᠨ ᠴᠢᠳᠠᠯ᠂ ᠠᠷᠪᠠᠨ ᠲᠤᠯᠤᠭᠠᠨ ᠡᠷᠳᠡᠮ ᠤᠳ ᠢ ᠬᠡᠢ᠂ ᠰᠢᠷᠠ᠂ ᠪᠠᠳᠭᠠᠨ ᠤ ᠠᠷᠪᠢᠳᠬᠤ᠂ | ᠬᠤᠷᠤᠭᠳᠠᠬᠤ᠂ ᠬᠢᠮᠤᠷᠠᠯᠳᠤᠬᠤ ᠡᠪᠡᠳᠴᠢᠨ ᠤ ᠬᠤᠪᠢᠷᠠᠯᠳᠠ ᠳᠤ ᠴᠢᠭᠯᠡᠬᠦᠯᠵᠦ᠂ ᠲᠡᠳᠡᠭᠡᠷ ᠢ ᠡᠷᠡᠬᠦᠯ ᠬᠡᠪ ᠲᠤᠨᠢ | ᠤᠷᠤᠭᠤᠯᠬᠤ ᠪᠠᠷ ᠡᠮᠳᠦ ᠪᠤᠳᠠᠰ ᠢᠶᠠᠨ ᠵᠤᠬᠢᠴᠠᠭᠤᠯᠤᠨ ᠨᠠᠶᠢᠷᠠᠭᠤᠯᠳᠠᠭ᠃ ᠠᠮᠳᠠ ᠪᠠᠷ ᠨᠠᠶᠢᠷᠠᠭᠤᠯᠬᠤ ᠳᠤ | ᠠᠮᠳᠠᠯᠠᠭᠳᠠᠭᠰᠠᠨ ᠠᠮᠳᠠ ᠨᠢ ᠶᠠᠮᠠᠷ ᠪᠠᠶᠢᠭᠰᠠᠨ ᠢᠶᠠᠷ ᠠᠮᠳᠠ ᠶᠢᠨ ᠨᠠᠶᠢᠷᠠᠯᠭᠠ ᠶᠢ ᠨᠠᠶᠢᠷᠠᠭᠤᠯᠵᠦ ᠪᠤᠯᠬᠤ ᠦᠬᠡᠢ᠃ | ᠡᠷᠬᠡᠪᠡᠰᠢ ᠠᠮᠳᠠ ᠪᠤᠯᠤᠨ ᠠᠮᠳᠠ ᠳᠤ ᠠᠭᠤᠯᠤᠭᠳᠠᠭᠰᠠᠨ ᠡᠷᠳᠡᠮ ᠢ ᠬᠠᠷᠢᠴᠠᠭᠤᠯᠵᠦ ᠦᠵᠡᠬᠦ ᠬᠡᠷᠡᠭᠳᠡᠢ᠃ ᠵᠢᠱᠢᠶᠡ | ᠨᠢ ᠠᠨᠠᠷ ᠵᠦᠷᠦᠷᠡ ᠪᠦᠷ ᠢᠰᠭᠦᠯᠡᠩ ᠠᠮᠳᠠ ᠲᠠᠢ ᠪᠤᠯᠪᠠᠴᠦ ᠡᠷᠳᠡᠮ ᠴᠢᠳᠠᠯ ᠨᠢ ᠬᠠᠷᠢᠨ ᠦᠬᠡᠷᠡ ᠪᠠᠶᠢᠵᠦ᠂ ᠠᠨᠠᠷ | ᠨᠢ ᠬᠡᠢ ᠳᠤ ᠲᠤᠰᠠᠲᠠᠢ ᠪᠠᠶᠢᠬᠤ ᠳᠤ ᠵᠦᠷᠦᠷᠡ ᠨᠢ ᠬᠠᠷᠢᠨ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠬᠤ ᠳᠤ ᠲᠤᠰᠠᠲᠠᠢ ᠪᠠᠶᠢᠳᠠᠭ᠃ | ᠠᠮᠳᠠ ᠪᠠᠷ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ ᠲᠠᠩ ᠡᠮ ᠲᠡᠭᠡᠷᠡ ᠲᠦᠬᠡᠮᠡᠯ ᠬᠡᠷᠡᠭᠯᠡᠭᠳᠡᠨᠡ᠃ | 2. ᠴᠢᠳᠠᠯ ᠢᠶᠠᠷ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ᠄ ᠡᠨᠡ ᠪᠤᠯ ᠤᠯᠠᠨ ᠵᠦᠢᠯ ᠤᠨ ᠡᠮᠳᠦ ᠪᠤᠳᠠᠰ ᠤᠨ ᠮᠦᠨ ᠴᠢᠨᠠᠷ | ᠤᠨ ᠴᠢᠳᠠᠯ ᠢ ᠨᠢ ᠮᠦᠷᠳᠡᠵᠦ᠂ ᠡᠯᠡ ᠵᠦᠢᠯ ᠤᠨ ᠡᠪᠡᠳᠴᠢᠨ ᠤ ᠬᠤᠪᠢᠷᠠᠯᠳᠠ ᠲᠠᠢ ᠤᠶᠠᠯᠳᠤᠭᠤᠯᠤᠨ | ᠵᠤᠬᠢᠯᠳᠤᠭᠤᠯᠵᠦ᠂ ᠨᠡᠶᠢᠯᠡᠬᠦᠯᠦᠨ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ ᠮᠦᠨ᠃ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ ᠬᠡᠳᠡᠭ ᠨᠢ ᠲᠠᠷᠤᠢ | ᠡᠮᠳᠦ ᠪᠤᠳᠠᠰ ᠨᠢᠬᠡᠪᠤᠷᠢ ᠶᠢᠨ ᠦᠪᠡᠷᠮᠢᠴᠡ ᠬᠦᠴᠦᠨ ᠵᠦᠢᠯ ᠠᠴᠠ ᠪᠤᠯᠤᠭᠰᠠᠨ ᠡᠪᠡᠳᠴᠢᠨ ᠡᠮᠬᠡᠭ ᠢ ᠠᠨᠠᠭᠠᠬᠤ | ᠲᠤᠬᠠᠶᠢᠳᠦ ᠴᠢᠳᠠᠯ ᠢ ᠵᠢᠭᠠᠨᠠ᠃ ᠤᠳᠤᠬᠠᠨ ᠳᠤ ᠡᠨᠡ ᠠᠷᠭᠠ ᠨᠢ ᠬᠠᠮᠤᠭ ᠦᠷᠬᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠬᠤ | ᠪᠦᠬᠡᠳ ᠡᠮ ᠨᠠᠶᠢᠷᠠᠭᠤᠯᠬᠤ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠠᠷᠭᠠ ᠪᠤᠯᠵᠦ ᠪᠠᠶᠢᠨᠠ᠃ | ᠦᠨᠳᠦᠰᠦᠨ ᠪᠠᠷᠢᠮᠳᠠᠯᠠᠯ᠄ ᠡᠮᠳᠦ ᠪᠤᠳᠠᠰ ᠤᠨ ᠮᠦᠨ ᠴᠢᠨᠠᠷ ᠤᠨ ᠴᠢᠳᠠᠯ ᠢ ᠮᠦᠷᠳᠡᠬᠦ ᠨᠢ ᠴᠢᠳᠠᠯ ᠢᠶᠠᠷ | ᠨᠠᠶᠢᠷᠠᠭᠤᠯᠬᠤ ᠠᠷᠭᠠ ᠶᠢᠨ ᠦᠨᠳᠦᠰᠦᠨ ᠪᠠᠷᠢᠮᠳᠠᠯᠠᠯ ᠪᠤᠯᠤᠨᠠ᠃ | 3. ᠰᠢᠩᠬᠡᠬᠡᠯᠳᠡ ᠪᠠᠷ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ᠄ ᠡᠨᠡ ᠪᠤᠯ ᠰᠢᠩᠬᠡᠬᠡᠯᠳᠡ ᠶᠢᠨ ᠭᠤᠷᠪᠠᠨ ᠬᠦᠴᠦᠨ ᠤ | ᠦᠢᠯᠡᠳᠦᠯ ᠢᠶᠠᠷ ᠡᠮᠳᠦ ᠪᠤᠳᠠᠰ ᠤᠨ ᠤᠤᠯ ᠤᠨ ᠠᠮᠳᠠ ᠨᠢ ᠬᠤᠪᠢᠷᠠᠬᠤ ᠶᠢᠨ ᠲᠠᠭᠠᠤ ᠡᠭᠦᠰᠦᠭᠰᠡᠨ ᠠᠮᠳᠠ ᠶᠢᠨ | ᠰᠢᠩᠬᠡᠬᠡᠯᠳᠡ ᠶᠢᠨ ᠴᠢᠳᠠᠯ ᠢ ᠮᠦᠷᠳᠡᠵᠦ ᠡᠮ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ ᠮᠦᠨ᠃ ᠡᠨᠡᠬᠦ ᠠᠷᠭᠠ ᠪᠠᠷ ᠨᠠᠶᠢᠷᠠᠭᠤᠯᠤᠭᠰᠠᠨ | ᠡᠮ ᠨᠠᠶᠢᠷᠠᠯᠭᠠ ᠶᠢ ᠭᠤᠤᠯᠳᠠᠭᠤ ᠬᠠᠪᠰᠤᠷᠤᠭᠰᠠᠨ ᠬᠤᠷᠠᠭᠰᠠᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠳᠤ ᠬᠡᠷᠡᠭᠯᠡᠨᠡ᠃ | ᠡᠬᠦᠨ ᠤ ᠠᠮᠳᠠ ᠶᠢᠨ ᠨᠠᠶᠢᠷᠠᠯᠭᠠ ᠠᠴᠠ ᠢᠯᠭᠠᠭᠳᠠᠬᠤ ᠤᠨᠴᠠᠯᠢᠭ ᠨᠢ ᠲᠠᠷᠤᠢ ᠠᠮᠳᠠ ᠶᠢᠨ ᠨᠠᠶᠢᠷᠠᠯᠭᠠ ᠪᠤᠯ | ᠡᠮ ᠳᠤ ᠤᠤᠯ ᠳᠠᠭᠠᠨ ᠶᠠᠮᠠᠷ ᠠᠮᠳᠠ ᠪᠠᠶᠢᠭᠰᠠᠨ ᠪᠤᠯ ᠲᠡᠷᠡ ᠠᠮᠳᠠ ᠶᠢ ᠨᠢ ᠮᠦᠷᠳᠡᠬᠦ ᠪᠤᠯᠬᠤᠷ ᠤᠤᠭᠤᠬᠤ ᠦᠶᠡ | ᠶᠢᠨ ᠠᠮᠳᠠ ᠶᠢ ᠴᠢᠬᠤᠯᠴᠢᠯᠠᠬᠤ ᠶᠤᠮ᠃ ᠬᠡᠳᠡᠯᠡ ᠰᠢᠩᠬᠡᠬᠡᠯᠳᠡ ᠶᠢᠨ ᠨᠠᠶᠢᠷᠠᠯᠭᠠ ᠪᠤᠯ ᠰᠢᠩᠬᠡᠬᠡᠯᠳᠡ ᠪᠠᠷ ᠢᠶᠠᠨ | ᠬᠤᠪᠢᠷᠠᠭᠰᠠᠨ ᠠᠮᠳᠠ ᠶᠢ ᠮᠦᠷᠳᠡᠬᠦ ᠶᠤᠮ᠃ | ᠠᠮᠳᠠᠯᠢᠭ ᠪᠠ ᠲᠠᠪᠤᠰᠤᠯᠢᠭ ᠨᠢ ᠠᠮᠳᠠᠯᠢᠭ ᠪᠠᠷ᠂ ᠢᠰᠬᠦᠯᠡᠩ ᠨᠢ ᠢᠰᠬᠦᠯᠡᠩ ᠪᠠᠷ᠂ ᠭᠠᠰᠢᠭᠤᠨ᠂ | ᠭᠤᠱᠤᠭᠤᠨ᠂ ᠡᠬᠡᠬᠦᠨ ᠨᠢ ᠭᠠᠰᠢᠭᠤᠨ ᠪᠤᠶᠤ ᠭᠤᠱᠣᠭᠤᠨ ᠤ ᠨᠢᠬᠡ ᠪᠠᠷ ᠨᠢ ᠲᠤᠰ ᠲᠤᠰ ᠰᠢᠩᠬᠡᠯᠳᠡ ᠶᠢᠨ ᠠᠮᠳᠠ | ᠪᠤᠯᠵᠦ ᠰᠢᠩᠬᠡᠨᠡ᠃ | ᠡᠳᠡᠬᠡᠷ ᠡᠭᠦᠰᠦᠭᠰᠡᠨ ᠰᠢᠩᠬᠡᠬᠡᠯᠳᠡ ᠶᠢᠨ ᠠᠮᠳᠠ ᠶᠢᠨ ᠦᠢᠯᠡᠳᠦᠯ ᠨᠢ ᠮᠦᠨ ᠠᠮᠳᠠ ᠶᠢᠨ ᠦᠢᠯᠡᠳᠦᠯ ᠲᠠᠢ | ᠶᠡᠷᠦᠩᠬᠡᠢ ᠳᠡᠭᠡᠨ ᠠᠳᠠᠯᠢᠬᠠᠨ ᠪᠤᠯᠪᠠᠴᠦ᠂ ᠰᠢᠩᠬᠡᠬᠡᠯᠳᠡ ᠠᠮᠳᠠ ᠨᠢ ᠤᠤᠯ ᠠᠮᠳᠠ ᠲᠠᠢ ᠠᠳᠠᠯᠢ ᠦᠬᠡᠢ ᠭᠠᠵᠠᠷ ᠪᠤᠢ | ᠃ ᠲᠤᠬᠠᠶᠢᠯᠠᠪᠠᠯ ᠠᠮᠳᠠᠯᠢᠭ ᠨᠢ ᠬᠡᠢ ᠰᠢᠷᠠ ᠶᠢ᠂ ᠢᠰᠬᠦᠯᠡᠩ ᠨᠢ ᠪᠠᠳᠭᠠᠨ ᠬᠡᠢ ᠶᠢ᠂ ᠭᠠᠰᠢᠭᠤᠨ ᠨᠢ ᠪᠠᠳᠭᠠᠨ | ᠰᠢᠷᠠ ᠶᠢ ᠠᠷᠢᠯᠭᠠᠬᠤ ᠮᠡᠳᠦ ᠪᠠᠷ ᠨᠢᠬᠡ ᠠᠮᠳᠠ ᠨᠢ ᠬᠤᠶᠠᠷ ᠬᠤᠶᠠᠷ ᠬᠡᠮ ᠢ ᠬᠠᠮᠳᠦᠳᠠ ᠠᠷᠢᠯᠭᠠᠵᠦ ᠴᠢᠳᠠᠳᠠᠭ ᠲᠤ | ᠤᠷᠤᠰᠢᠨᠠ᠃ ᠨᠡᠨ ᠨᠢ ᠲᠠᠷᠤᠢ ᠰᠢᠩᠬᠡᠬᠡᠯᠳᠡ ᠪᠠᠷ ᠨᠠᠶᠢᠷᠠᠭᠤᠯᠬᠤ ᠠᠷᠭᠠ ᠶᠢᠨ ᠬᠠᠨᠳᠤᠰᠢ ᠪᠤᠯᠤᠨ ᠤᠨᠴᠠᠯᠢᠭ ᠨᠢ | ᠶᠤᠮ᠃ | 4. ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠪᠦᠷᠢᠯᠳᠦᠬᠦᠨ ᠪᠤᠯᠤᠨ ᠬᠡᠮᠵᠢᠶᠡ᠄ ᠡᠮᠳᠦ ᠪᠤᠳᠠᠰ ᠢ ᠶᠠᠮᠠᠷ ᠵᠠᠷᠴᠢᠮ ᠢᠶᠠᠷ | ᠨᠠᠶᠢᠷᠠᠭᠤᠯᠤᠭᠰᠠᠨ ᠴᠤ ᠨᠠᠶᠢᠷᠠᠯᠭᠠ ᠨᠢᠬᠡᠪᠤᠷᠢ ᠳᠤ ᠶᠡᠷᠦᠩᠬᠡᠢ ᠳᠡᠭᠡᠨ ᠭᠤᠤᠯᠯᠠᠭᠴᠢ ᠡᠮ᠂ ᠬᠠᠪᠰᠤᠷᠬᠤ ᠡᠮ᠂ | ᠲᠤᠰᠠᠯᠠᠬᠤ ᠡᠮ᠂ ᠦᠢᠯᠡᠴᠢᠯᠡᠬᠦ ᠡᠮ ᠵᠡᠷᠬᠡ ᠪᠦᠷᠢᠯᠳᠦᠬᠦᠨ ᠨᠦᠭᠦᠳ ᠵᠤᠬᠢᠬᠤ ᠲᠤᠭᠠ ᠬᠡᠮᠵᠢᠶᠡ ᠪᠠᠷ ᠤᠷᠤᠯᠴᠠᠬᠤ | ᠬᠡᠷᠡᠭᠳᠡᠢ᠃ | ᠭᠤᠤᠯᠯᠠᠭᠴᠢ ᠡᠮ᠄ ᠲᠠᠷᠤᠢ ᠶᠠᠮᠠᠷ ᠡᠪᠡᠳᠴᠢᠨ ᠪᠤᠶᠤ ᠡᠪᠡᠳᠴᠢᠯᠡᠭᠰᠡᠨ ᠤᠷᠤᠨ ᠳᠤ ᠴᠢᠭᠯᠡᠬᠦᠯᠦᠭᠰᠡᠨ ᠡᠮᠨᠡᠨ | ᠵᠠᠰᠠᠬᠤ ᠴᠢᠬᠤᠯᠨ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ ᠬᠦᠯ ᠡᠮ ᠤᠳ ᠪᠤᠯᠤᠨᠠ᠃ | ᠬᠠᠪᠰᠤᠷᠬᠤ ᠡᠮ᠄ ᠭᠤᠤᠯᠯᠠᠭᠴᠢ ᠡᠮ ᠢ ᠬᠠᠪᠰᠤᠷᠤᠨ ᠭᠤᠤᠯ ᠡᠪᠡᠳᠴᠢᠨ ᠢ ᠡᠮᠨᠡᠨ ᠵᠠᠰᠠᠬᠤ ᠶᠢᠨ ᠬᠠᠮᠳᠦ | ᠪᠤᠰᠤᠳ ᠰᠢᠨᠵᠢ ᠨᠦᠭᠦᠳ ᠲᠤ ᠦᠢᠯᠡᠳᠦᠯ ᠦᠵᠡᠬᠦᠯᠦᠨ ᠭᠤᠤᠯᠯᠠᠭᠴᠢ ᠡᠮ ᠤᠨ ᠦᠢᠯᠡᠳᠦᠯ ᠢ ᠴᠢᠩᠭᠠᠳᠬᠠᠬᠤ ᠡᠮ | ᠪᠤᠯᠤᠨᠠ᠃ ᠡᠶᠢᠮᠦ ᠠᠴᠠ ᠭᠤᠤᠯᠯᠠᠭᠴᠢ ᠡᠮ ᠲᠠᠢ ᠪᠠᠨ ᠠᠳᠠᠯᠢ ᠬᠤᠪᠢ ᠪᠤᠶᠤ ᠨᠢᠬᠡ ᠬᠤᠪᠢ ᠲᠤᠳᠠᠭᠤ ᠬᠢᠬᠦ ᠳᠤ | ᠪᠤᠯᠤᠨᠠ᠃ | ᠲᠤᠰᠠᠯᠠᠬᠤ ᠡᠮ᠄ ᠭᠤᠤᠯᠯᠠᠭᠴᠢ ᠡᠮ ᠢ ᠬᠠᠪᠰᠤᠷᠤᠨ᠂ ᠲᠠᠭᠠᠯᠳᠤᠬᠤ ᠡᠪᠡᠳᠴᠢᠨ ᠢ ᠡᠮᠨᠡᠨ ᠵᠠᠰᠠᠬᠤ ᠡᠮ | ᠪᠤᠯᠤᠨᠠ᠃ ᠦᠢᠯᠡᠴᠢᠯᠡᠬᠦ ᠡᠮ᠄ ᠭᠤᠤᠯᠯᠠᠭᠴᠢ ᠡᠮ ᠪᠠ ᠬᠠᠪᠰᠤᠷᠬᠤ ᠡᠮ ᠳᠡᠭᠡᠨ ᠬᠦᠬᠡᠷᠬᠡ ᠪᠤᠯᠬᠤ ᠠᠴᠠ | ᠭᠠᠳᠠᠨᠠ ᠨᠠᠶᠢᠷᠠᠯᠭᠠ ᠲᠠᠢ ᠵᠢᠬᠢᠴᠠᠭᠤᠯᠬᠤ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ ᠡᠮ ᠪᠤᠯᠤᠨᠠ᠃ ᠡᠨᠡ ᠨᠢ ᠲᠤᠭᠰᠢᠨ ᠬᠤᠤᠷᠳᠦ | ᠡᠮ ᠤᠨ ᠬᠤᠤᠷᠠ ᠶᠢ ᠪᠠᠭᠠᠰᠬᠠᠬᠤ᠂ ᠬᠤᠷᠴᠠ ᠡᠮ ᠢ ᠵᠦᠬᠡᠯᠡᠷᠡᠬᠦᠯᠬᠦ ᠮᠡᠳᠦ ᠪᠠᠷ ᠵᠤᠬᠢᠴᠠᠭᠤᠯᠬᠤ ᠡᠮ ᠤᠳ ᠪᠤᠯᠤᠨᠠ | ᠃ ᠵᠢᠱᠢᠶᠡ ᠨᠢ ᠪᠤᠩ ᠠ ᠤᠷᠤᠭᠰᠠᠨ ᠨᠠᠶᠢᠷᠠᠯᠭᠠ ᠳᠤ ᠠᠷᠤᠷᠠ ᠶᠢ ᠬᠦᠯ ᠪᠤᠯᠭᠠᠬᠤ ᠮᠡᠳᠦ᠃ | ᠬᠦᠴᠦᠨ ᠪᠠᠭᠠ ᠲᠠᠢ ᠬᠦᠩᠬᠡᠨ ᠰᠢᠭ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠪᠠᠭᠠ ᠰᠢᠭ᠋ ᠡᠮ ᠨᠠᠶᠢᠷᠠᠯᠭᠠ ᠳᠤ᠄ | ᠭᠤᠤᠯᠯᠠᠭᠴᠢ ᠡᠮ ᠨᠢᠬᠡ ᠵᠦᠢᠯ᠂ ᠬᠠᠪᠰᠤᠷᠬᠤ ᠡᠮ ᠨᠢᠬᠡ ᠵᠦᠢᠯ᠂ ᠦᠢᠯᠡᠴᠢᠯᠡᠬᠦ ᠡᠮ ᠭᠤᠷᠪᠠᠨ ᠵᠦᠢᠯ ᠬᠢᠬᠦ ᠮᠡᠳᠦ | ᠪᠠᠷ ᠲᠤᠰ ᠲᠤᠰ ᠲᠤᠬᠢᠷᠠᠭᠤᠯᠤᠨ ᠬᠢᠵᠦ ᠨᠠᠶᠢᠷᠠᠭᠤᠯᠤᠨᠠ᠃ ᠵᠢᠱᠢᠶᠡ ᠨᠢ ᠭᠤᠶᠤ —7 ᠮᠡᠳᠦ᠃ | ᠲᠤᠮᠳᠠ ᠵᠡᠷᠬᠡ ᠶᠢᠨ ᠬᠦᠴᠦᠨ ᠲᠠᠢ ᠬᠦᠨᠳᠦ ᠰᠢᠭ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠲᠤᠮᠳᠠ ᠶᠢᠨ ᠨᠠᠶᠢᠷᠠᠯᠭᠠ ᠳᠤ᠄ | ᠭᠤᠤᠯᠯᠠᠭᠴᠢ ᠡᠮ ᠨᠢᠬᠡ ᠵᠦᠢᠯ᠂ ᠬᠠᠪᠰᠤᠷᠬᠤ ᠡᠮ ᠨᠢᠬᠡ ᠵᠦᠢᠯ᠂ ᠲᠤᠰᠠᠯᠠᠬᠤ ᠡᠮ ᠭᠤᠷᠪᠠᠨ ᠵᠦᠢᠯ᠂ ᠦᠢᠯᠡᠴᠢᠯᠡᠬᠦ | ᠡᠮ ᠲᠠᠪᠤᠨ ᠵᠦᠢᠯ ᠢ ᠬᠢᠵᠦ ᠲᠤᠰ ᠲᠤᠰ ᠲᠤᠬᠢᠷᠠᠭᠤᠯᠤᠨ ᠨᠠᠶᠢᠷᠠᠭᠤᠯᠤᠨᠠ᠃ ᠵᠢᠱᠢᠶᠡ ᠨᠢ ᠭᠠᠷᠨᠠᠭ — 10 ᠮᠡᠳᠦ᠃ | | ᠬᠦᠴᠦᠨ ᠶᠡᠬᠡᠳᠡᠢ ᠬᠦᠨᠳᠦ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠶᠡᠭᠡ ᠰᠢᠭ ᠡᠮ ᠨᠠᠶᠢᠷᠠᠯᠭᠠ ᠳᠤ᠄ ᠭᠤᠤᠯᠯᠠᠭᠴᠢ ᠡᠮ | ᠬᠤᠶᠠᠷ ᠵᠦᠢᠯ᠂ ᠬᠠᠪᠰᠤᠷᠬᠤ ᠡᠮ ᠬᠤᠶᠠᠷ ᠵᠦᠢᠯ᠂ ᠲᠤᠰᠠᠯᠠᠬᠤ ᠡᠮ ᠲᠠᠪᠤᠨ ᠵᠦᠢᠯ᠂ ᠦᠢᠯᠡᠴᠢᠯᠡᠬᠦᠯᠬᠦ ᠡᠮ | ᠶᠢᠰᠦᠨ ᠵᠦᠢᠯ ᠢ ᠬᠢᠵᠦ ᠨᠠᠶᠢᠷᠠᠭᠤᠯᠤᠨᠠ᠃ ᠵᠢᠱᠢᠶᠡ ᠨᠢ ᠬᠢᠸᠠᠩ — 18 ᠮᠡᠳᠦ᠃ | ᠶᠡᠷᠦᠩᠬᠡᠢ ᠳᠡᠭᠡᠨ ᠭᠤᠤᠯᠯᠠᠭᠴᠢ ᠡᠮ ᠢ ᠲᠠᠪᠤᠨ ᠬᠤᠪᠢ ᠬᠢᠭᠰᠡᠨ ᠪᠤᠯ ᠬᠠᠪᠰᠤᠷᠬᠤ ᠡᠮ ᠢ ᠲᠦᠷᠪᠡᠨ ᠬᠤᠪᠢ᠂ | ᠲᠤᠰᠠᠯᠠᠬᠤ ᠡᠮ ᠭᠤᠷᠪᠠᠨ ᠬᠤᠪᠢ᠂ ᠦᠢᠯᠡᠴᠢᠯᠡᠬᠦ ᠡᠮ ᠢ ᠲᠤᠰᠪᠤᠷᠢ ᠨᠢᠵᠡᠬᠡᠳ ᠬᠤᠪᠢ ᠬᠢᠵᠦ ᠨᠠᠶᠢᠷᠠᠭᠤᠯᠤᠨᠠ᠃ | | ᠡᠮ ᠨᠠᠶᠢᠷᠠᠯᠭᠠ ᠳᠤ ᠬᠦᠯ ᠪᠤᠯᠬᠤ ᠡᠮ ᠨᠢᠬᠡᠪᠦᠷᠢ ᠶᠢᠨ ᠬᠡᠮᠵᠢᠶᠡ ᠶᠢ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠪᠠᠯ ᠮᠦᠨ | ᠲᠡᠷᠡ ᠶᠤᠰᠤᠭᠠᠷ ᠬᠢᠬᠦ︔ ᠡᠮ ᠨᠠᠶᠢᠷᠠᠯᠭᠠ ᠳᠤ ᠬᠦᠯ ᠪᠤᠯᠬᠤ ᠡᠮ ᠤᠨ ᠨᠡᠷᠡᠰ ᠢ ᠵᠢᠭᠰᠠᠭᠠᠭᠰᠠᠨ ᠪᠤᠯᠪᠠᠴᠦ ᠲᠤᠰ | ᠲᠤᠰ ᠲᠤᠨᠢ ᠤᠷᠤᠬᠤ ᠬᠡᠮᠵᠢᠶᠡ ᠶᠢ ᠬᠡᠯᠡᠭᠰᠡᠨ ᠦᠬᠡᠢ ᠪᠠᠶᠢᠪᠠᠯ ︽ᠤᠪᠠᠳᠢᠰ ᠤᠨ ᠦᠨᠳᠦᠰᠦ︾ ᠪᠤᠯᠤᠨ ︽ | ᠰᠢᠨᠵᠢᠯᠡᠯ ᠵᠠᠰᠠᠯ ᠤᠨ ᠦᠨᠳᠦᠰᠦᠨ︾ ᠤ ᠡᠮ ᠨᠠᠶᠢᠷᠠᠯᠭᠠ ᠨᠤᠭᠤᠳ ᠢ ᠭᠤᠤᠯᠯᠠᠭᠴᠢ ᠡᠮ ᠢ ᠪᠤᠰᠤᠳ ᠠᠴᠠ ᠪᠠᠭ᠋ᠠᠨ | ᠢᠯᠡᠬᠦᠦ ᠬᠤᠶᠠᠷ ᠲᠠᠬᠢᠨ ᠬᠡᠮᠵᠢᠶᠡ ᠪᠠᠷ ᠬᠢᠵᠦ᠂ ᠲᠠᠭᠠᠯᠳᠤᠭᠴᠢ ᠡᠮ ᠤᠳ ᠢ ᠴᠦᠮ ᠨᠢᠬᠡ ᠬᠤᠪᠢ ᠪᠠᠷ ᠰᠠᠴᠠᠭᠤ | ᠬᠢᠪᠡᠯ ᠪᠤᠯᠴᠢᠬᠠᠨᠠ᠃ | ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠨᠡᠮᠡᠷᠢ᠄ ᠨᠡᠮᠡᠷᠢ ᠡᠮ ᠬᠡᠳᠡᠭ ᠨᠢ ᠡᠮᠴᠢᠯᠡᠬᠡᠨ ᠲᠡᠭᠡᠷᠡ ᠡᠪᠡᠳᠴᠢᠨ ᠤ ᠰᠢᠨᠵᠢ ᠪᠤᠶᠤ | ᠡᠪᠡᠳᠴᠢᠯᠡᠭᠰᠡᠨ ᠤᠷᠤᠨ ᠳᠤᠨᠢ ᠴᠢᠭᠯᠡᠬᠦᠯᠦᠨ ᠲᠤᠰᠬᠠᠢ ᠦᠢᠯᠡᠳᠦᠯ ᠲᠠᠢ ᠨᠢᠬᠡ ᠪᠤᠶᠤ ᠬᠤᠶᠠᠷ ᠬᠦᠯ ᠡᠮᠳᠦ ᠪᠤᠳᠠᠰ ᠢ | ᠰᠤᠩᠭᠤᠨ᠂ ᠲᠤᠬᠠᠶᠢᠳᠦ ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠲᠡᠭᠡᠷᠡ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠨᠡᠮᠡᠷᠢᠯᠡᠵᠦ ᠬᠡᠷᠡᠭᠯᠡᠳᠡᠭ ᠪᠤᠳᠠᠰ | ᠮᠦᠨ᠃ | ᠭᠤᠷᠪᠠᠳᠤᠭᠠᠷ ᠬᠡᠰᠡᠭ ᠡᠮ ᠨᠠᠶᠢᠷᠠᠭᠤᠯᠬᠤ ᠶᠢ ᠬᠡᠷᠡᠭᠯᠡᠬᠦ ᠮᠡᠳᠡᠯᠬᠡ | ᠡᠮ ᠤᠨ ᠵᠤᠷ᠄ ᠡᠨᠡ ᠪᠤᠯ ᠡᠮᠴᠢᠯᠡᠭᠡ ᠪᠠ ᠡᠮ ᠨᠠᠶᠢᠷᠠᠭᠤᠯᠬᠤ ᠳᠤ ᠬᠡᠷᠡᠭᠯᠡᠬᠦ ᠴᠢᠬᠤᠯᠨ ᠦᠨᠳᠦᠰᠦ ᠪᠠᠷᠢᠮᠳᠠᠯᠠᠯ | ᠪᠤᠯᠬᠤ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠮᠦᠨ᠃ ᠡᠪᠡᠳᠴᠢᠳᠠᠨ ᠳᠤ ᠪᠢᠴᠢᠵᠦ ᠦᠭᠭᠦᠭᠰᠡᠨ ᠵᠤᠷ ᠪᠠ ᠡᠮ ᠨᠠᠶᠢᠷᠠᠭᠤᠯᠬᠤ ᠳᠤ | ᠪᠢᠴᠢᠵᠦ ᠦᠭᠭᠦᠭᠰᠡᠨ ᠵᠤᠷ ᠬᠡᠵᠦ ᠬᠤᠶᠠᠷ ᠠᠭᠤᠯᠭᠠ ᠶᠢ ᠪᠠᠭᠳᠠᠭᠠᠨᠠ᠃ ᠡᠮ ᠤᠨ ᠲᠤᠯᠢ ᠪᠤᠯᠤᠨ ᠡᠮ ᠤᠨ | ᠪᠠᠷᠢᠮᠵᠢᠶᠠ ᠳᠤ ᠪᠢᠴᠢᠭᠰᠡᠨ ᠵᠤᠷ ᠪᠤᠯ ᠲᠠᠷᠤᠢ ᠡᠮ ᠨᠠᠶᠢᠷᠠᠭᠤᠯᠬᠤ ᠳᠤ ᠬᠡᠷᠡᠭᠯᠡᠬᠦ ᠵᠤᠷ ᠮᠦᠨ᠃ | ᠶᠡᠷᠦ ᠶᠢᠨ ᠡᠮ ᠤᠨ ᠵᠤᠷ ᠤᠨ ᠬᠠᠭᠤᠳᠠᠰᠦ ᠶᠢ ᠨᠢᠬᠡ ᠵᠢᠯ ᠬᠠᠳᠠᠭᠠᠯᠠᠵᠦ᠂ ᠲᠤᠭᠰᠢᠨ ᠬᠤᠤᠷᠲᠠᠢ ᠡᠮᠳᠦ | ᠪᠤᠳᠠᠰ ᠬᠡᠷᠡᠭᠯᠡᠭᠰᠡᠨ ᠵᠤᠷ ᠤᠨ ᠬᠠᠭᠤᠳᠠᠰᠦ ᠶᠢ ᠬᠤᠶᠠᠷ ᠵᠢᠯ ᠬᠠᠳᠠᠭᠠᠯᠠᠨᠠ᠃ | ᠡᠮ ᠤᠨ ᠵᠤᠷ ᠤᠨ ᠪᠦᠳᠦᠴᠠ᠄ ᠪᠦᠷᠢᠨ ᠪᠦᠳᠦᠨ ᠮᠤᠩᠭᠤᠯ ᠡᠮ ᠤᠨ ᠵᠤᠷ ᠢ ᠡᠬᠢ᠂ ᠲᠤᠮᠳᠠ᠂ ᠰᠡᠬᠦᠯ | ᠬᠡᠵᠦ ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠨᠠ᠃ | ᠡᠬᠢᠨ ᠤ ᠬᠡᠰᠡᠭ ᠲᠤ ᠡᠪᠡᠳᠴᠢᠳᠠᠨ ᠤ ᠨᠡᠷᠡ᠂ ᠨᠠᠰᠦ ᠴᠢᠨᠠᠷ ᠤᠨ ᠢᠯᠭᠠᠯ᠂ ᠤᠷᠤᠨ ᠰᠠᠭᠤᠴᠠ ᠪᠠ | ᠪᠠᠶᠢᠭᠤᠯᠤᠯᠭᠠ᠂ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠᠨ ᠤ ᠪᠦᠷᠢᠨ ᠨᠡᠷᠡ᠂ ᠡᠪᠡᠳᠴᠢᠳᠡᠨ ᠤ ᠤᠷᠤᠨ ᠰᠠᠭᠤᠴᠠ ᠪᠤᠶᠤ ᠤᠷᠤ | ᠶᠢᠨ ᠨᠤᠮᠧᠷ᠂ ᠤᠨ᠂ ᠰᠠᠷᠠ᠂ ᠡᠳᠦᠷ᠂ ᠡᠬᠦᠳᠡᠨ ᠡᠮᠨᠡᠯᠬᠡ ᠶᠢᠨ ᠨᠤᠮᠧᠷ ᠵᠡᠷᠬᠡ ᠶᠢ ᠪᠢᠴᠢᠨᠡ᠃ | ᠲᠤᠮᠳᠠ ᠬᠡᠰᠡᠭ ᠲᠤ ᠤᠤᠭᠤᠬᠤ ᠴᠠᠭ᠂ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ᠂ ᠬᠡᠷᠡᠭᠯᠡᠬᠦ ᠬᠤᠭᠤᠴᠠᠭᠠ᠂ ᠬᠡᠷᠡᠭᠯᠡᠬᠦ ᠠᠷᠭᠠ ᠶᠢ | ᠲᠤᠳᠤᠷᠬᠠᠢ ᠪᠢᠴᠢᠨᠡ᠃ ᠬᠡᠬᠦ ᠳᠡᠭᠡᠨ ᠭᠤᠤᠯ ᠡᠮ ᠢᠶᠠᠨ ᠤᠷᠢᠳᠠᠪᠠᠷ ᠪᠢᠴᠢᠵᠦ᠂ ᠤᠤᠭᠤᠬᠤ ᠴᠠᠭ ᠢ ᠲᠡᠬᠦᠨ ᠤ | ᠲᠡᠭᠡᠷᠡ ᠵᠠᠬᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠡᠷᠳᠡ᠂ ᠦᠳᠡ᠂ ᠤᠷᠤᠢ ᠬᠡᠬᠦ ᠮᠡᠳᠦ ᠪᠠᠷ ᠲᠠᠷᠠᠭᠠᠯᠠᠨ ᠪᠢᠴᠢᠵᠦ᠂ ᠡᠮ ᠤᠨ | ᠬᠡᠮᠵᠢᠶᠡ ᠶᠢ ᠡᠮ ᠤᠨ ᠨᠡᠷᠡ ᠶᠢᠨ ᠲᠤᠤᠷᠠ ᠬᠦᠨᠳᠡᠯᠡᠨ ᠵᠢᠰᠢᠬᠦᠦ ᠵᠢᠷᠤᠭᠠᠰᠦ ᠳᠠᠳᠠᠵᠦ᠂ ᠨᠢᠬᠡ ᠤᠳᠠᠭᠠᠨ ᠤ ᠬᠡᠮᠵᠢᠶᠡ | ᠶᠢ ᠪᠢᠴᠢᠬᠡᠳ᠂ ᠬᠡᠳᠦᠢ ᠬᠤᠭᠤᠴᠠᠭᠠ ᠤᠤᠭᠤᠪᠠᠯ ᠲᠡᠳᠦᠢ ᠪᠠᠷ ᠦᠷᠡᠵᠢᠬᠦᠯᠦᠭᠰᠡᠨ ᠲᠤᠭᠠ ᠶᠢ ᠪᠢᠴᠢᠬᠦ ᠶᠢᠨ ᠬᠠᠮᠳᠦ | ᠬᠡᠷᠡᠭᠯᠡᠬᠦ ᠠᠷᠭᠠ ᠶᠢ ᠪᠢᠴᠢᠨᠡ᠃ ᠬᠠᠪᠰᠤᠷᠠᠬᠤ ᠡᠮ ᠶᠢ ᠦᠭᠬᠦ ᠳᠡᠭᠡᠨ ᠠᠯᠢ ᠭᠤᠤᠯ ᠡᠮ ᠲᠠᠢ ᠪᠠᠨ | ᠬᠠᠪᠰᠤᠷᠤᠭᠤᠯᠬᠤ ᠪᠤᠯ ᠲᠡᠬᠦᠨ ᠤ ᠠᠷᠦ ᠳᠤ ᠵᠡᠷᠬᠡᠴᠡᠭᠡ ᠪᠠᠶᠢᠷᠢᠨ ᠳᠤ ᠪᠢᠴᠢᠵᠦ᠂ ᠬᠤᠶᠠᠭᠤᠯᠨ ᠪᠠᠨ ᠪᠦᠷ ᠦᠷᠢᠯ | ᠪᠤᠯ ᠲᠤᠰ ᠲᠤᠰ ᠤᠨ ᠬᠢᠨᠢ ᠲᠤᠤᠷᠠ ᠤᠳᠠᠭᠠ ᠪᠦᠷᠢ ᠬᠡᠳᠦᠨ ᠦᠷᠢᠯ ᠢᠶᠠᠷ ᠦᠭᠬᠦ ᠪᠠᠨ ᠪᠢᠴᠢᠵᠦ ᠲᠡᠬᠢᠨ ᠲᠤᠤᠷᠠ | ᠨᠢ ᠵᠢᠰᠢᠬᠦᠦ ᠬᠦᠨᠳᠡᠯᠡᠨ ᠵᠢᠷᠤᠭᠠᠰᠦ ᠳᠠᠳᠠᠵᠦ ᠬᠡᠳᠦᠢ ᠬᠤᠭᠤᠴᠠᠭᠠ ᠤᠤᠭᠤᠬᠤ ᠶᠢ ᠲᠤᠳᠤᠷᠬᠠᠶᠢᠯᠠᠨᠠ᠃ ᠬᠡᠷᠪᠡ | ᠨᠢᠬᠡ ᠨᠢ ᠲᠠᠯᠠᠬᠠ᠂ ᠨᠦᠬᠦᠬᠡ ᠨᠢ ᠦᠷᠢᠯ ᠪᠤᠯ ᠬᠦᠨᠳᠡᠯᠡᠨ ᠵᠢᠷᠦᠭᠠᠰᠦᠨ ᠤ ᠲᠤᠤᠷᠠ ᠬᠡᠳᠦ ᠶᠢ ᠦᠷᠡᠵᠢᠬᠦᠯᠬᠦ ᠬᠡᠳᠦ | ᠬᠡᠳᠦ ᠬᠡᠵᠦ ᠪᠢᠴᠢᠨᠡ᠃ ᠬᠤᠶᠠᠭᠤᠯᠨ ᠪᠠᠨ ᠲᠠᠯᠬᠠ ᠪᠤᠯ ᠬᠦᠨᠳᠡᠯᠡᠨ ᠵᠢᠷᠦᠭᠠᠰᠦᠨ ᠤ ᠲᠤᠤᠷᠠ ᠰᠢᠭᠤᠳ ᠬᠡᠳᠦᠢ | ᠬᠡᠮᠵᠢᠶᠡ ᠪᠠᠷ ᠬᠡᠳᠦᠢ ᠬᠤᠭᠤᠴᠠᠭᠠ ᠭᠡᠷᠡᠭᠯᠡᠬᠦ ᠪᠠᠨ ᠪᠢᠴᠢᠨᠡ᠃ ᠬᠦᠯᠬᠡ ᠶᠢ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠬᠦᠯᠬᠡ ᠲᠠᠢ ᠦᠭᠬᠦ | ᠭᠤᠤᠯ ᠡᠮ ᠤᠨ ᠠᠷᠦ ᠳᠤᠨᠢ ᠤᠯᠠᠭᠠᠨ ᠮᠦᠷ ᠠᠴᠠ ᠬᠦᠯᠬᠡ ᠬᠡᠵᠦ ᠪᠢᠴᠢᠬᠡᠳ ᠲᠤᠤᠷᠠ ᠲᠠᠯᠠ ᠳᠤᠨᠢ ᠶᠠᠮᠠᠷ ᠡᠮ ᠢ | ᠬᠡᠳᠦᠢ ᠬᠡᠮᠵᠢᠶᠡ ᠪᠠᠷ ᠬᠢᠷᠬᠢᠨ ᠬᠡᠷᠡᠭᠯᠡᠬᠦ ᠪᠠᠨ ᠲᠤᠳᠤᠷᠬᠠᠶᠢᠯᠡᠨ ᠪᠢᠴᠢᠨᠡ᠃ ᠨᠡᠮᠡᠷᠢ ᠡᠮ ᠬᠡᠷᠡᠭᠯᠡᠪᠡᠯ ᠨᠡᠷᠡ ᠶᠢ ᠨᠢ | ᠭᠤᠤᠯ ᠡᠮ ᠤᠨ ᠠᠷᠦ ᠲᠠᠯᠠ ᠳᠤ ᠵᠡᠷᠬᠡᠴᠡᠭᠦᠯᠦᠨ ᠪᠢᠴᠢᠵᠦ᠂ ᠲᠤᠤᠷᠠ ᠲᠠᠯᠠ ᠳᠤᠨᠢ ᠤᠳᠠᠭᠠ ᠪᠦᠷᠢ ᠬᠡᠳᠦᠢ | ᠬᠡᠮᠵᠢᠶᠡ ᠪᠠᠷ ᠨᠡᠮᠡᠷᠢᠯᠡᠬᠦ ᠪᠠᠨ ᠲᠤᠳᠤᠷᠬᠠᠶᠢᠯᠠᠨ ᠪᠢᠴᠢᠨᠡ᠃ ᠬᠤᠶᠠᠷ ᠵᠦᠢᠯ ᠤᠨ ᠨᠠᠶᠢᠷᠠᠯᠭᠠ ᠶᠢ ᠨᠢᠬᠡ ᠠᠳᠠᠯᠢ ᠴᠠᠭ | ᠲᠤ ᠡᠭᠡᠯᠵᠢᠯᠡᠬᠦᠯᠦᠨ ᠬᠡᠷᠡᠭᠯᠡᠪᠡᠯ ᠬᠤᠶᠠᠭᠤᠯᠨ ᠶᠢᠨ ᠨᠡᠷᠡ ᠶᠢ ᠵᠡᠷᠭᠡᠴᠡᠬᠦᠯᠦᠨ ᠪᠢᠴᠢᠬᠡᠳ ᠲᠤᠤᠷᠠ ᠨᠢ ᠡᠭᠡᠯᠵᠢᠯᠡᠬᠦ | ᠬᠡᠵᠦ ᠲᠤᠳᠤᠷᠬᠠᠢ ᠪᠢᠴᠢᠨᠡ᠃ | ᠰᠡᠬᠦᠯ ᠤᠨ ᠬᠡᠰᠡᠭ ᠲᠤ ᠵᠤᠷ ᠪᠢᠴᠢᠭᠰᠡᠨ ᠡᠮᠴᠢ ᠨᠡᠷᠡ ᠪᠠᠨ ᠪᠢᠴᠢᠬᠦ ᠪᠤᠶᠤ ᠦᠪᠡᠷ ᠤᠨ ᠲᠠᠮᠠᠭᠠ ᠪᠠᠨ | ᠲᠠᠷᠤᠨᠠ᠃ ᠡᠮ ᠪᠠᠷᠢᠭᠴᠢ ᠪᠠᠰᠠ ᠡᠪᠡᠳᠴᠢᠳᠡᠨ ᠳᠤ ᠡᠮ ᠢᠶᠠᠨ ᠵᠦᠪ ᠤᠨᠤᠪᠴᠢᠳᠠᠢ ᠪᠤᠭᠤᠵᠦ ᠭᠠᠷᠳᠠᠭᠤᠯᠤᠭᠰᠠᠨ | ᠤ ᠲᠠᠷᠠᠭᠠ ᠮᠦᠨ ᠵᠤᠷ ᠤᠨ ᠬᠠᠭᠤᠳᠠᠰᠦᠨ ᠳᠡᠭᠡᠷᠡ ᠨᠡᠷᠡ ᠪᠠᠨ ᠪᠢᠴᠢᠵᠦ ᠬᠠᠳᠠᠭᠠᠯᠠᠨᠠ᠃ | ᠡᠮ ᠨᠠᠶᠢᠷᠠᠯᠭᠠ ᠶᠢ ᠬᠡᠷᠡᠭᠯᠡᠬᠦ ᠶᠤᠰᠤ᠄ | ᠡᠮ ᠤᠤᠭᠤᠯᠭᠠᠬᠤ ᠶᠤᠰᠤᠨ ᠳᠤ ᠦᠯᠦᠨ ᠪᠠᠷ᠂ ᠬᠤᠭᠤᠯᠠᠨ ᠤ ᠡᠮᠦᠨᠡ᠂ ᠬᠤᠭᠤᠯᠠᠨ ᠤ ᠲᠤᠮᠳᠠ᠂ | ᠬᠤᠭᠤᠯᠠᠨ ᠤ ᠰᠡᠬᠦᠯ᠂ ᠬᠤᠭᠤᠯᠨ ᠲᠠᠢ ᠡᠬᠡᠯᠵᠢᠯᠡᠬᠦᠯᠬᠦ᠂ ᠬᠤᠭᠤᠯᠠᠨ ᠤ ᠵᠠᠪᠰᠠᠷ᠂ ᠲᠤᠭᠳᠠᠮᠠᠯ ᠴᠠᠭ ᠦᠬᠡᠢ ᠪᠠᠷ | ᠲᠠᠬᠢᠨ ᠲᠠᠬᠢᠨ ᠤᠤᠭᠤᠯᠠᠭᠠᠬᠤ᠂ ᠬᠤᠭᠤᠯᠠᠨ ᠳᠤᠨᠢ ᠡᠮ ᠢᠶᠠᠨ ᠬᠢᠵᠦ ᠢᠳᠡᠬᠦᠯᠬᠦ᠂ ᠬᠤᠭᠤᠯᠨ ᠶᠢ ᠬᠠᠪᠴᠢᠬᠤ᠂ | ᠰᠦᠨᠢ ᠤᠤᠭᠤᠯᠭᠠᠬᠤ ᠵᠡᠷᠬᠡ ᠤᠯᠠᠮᠵᠢᠯᠠᠯᠳᠦ ᠠᠷᠪᠠᠨ ᠶᠤᠰᠤ ᠪᠤᠢ᠃ | ᠪᠠᠰᠠᠡᠮ ᠰᠢᠪᠠᠭ᠋ᠤ᠂ ᠡᠮ ᠲᠦᠷᠬᠢᠬᠦ᠂ ᠡᠮ ᠢᠶᠠᠷ ᠤᠬᠢᠶᠠᠬᠤ᠂ ᠡᠮ ᠦᠯᠢᠶᠡᠬᠦ᠂ ᠰᠢᠯᠤᠭᠤᠨ ᠬᠡᠳᠡᠰᠦ ᠪᠠᠷ | ᠡᠮ ᠲᠠᠯᠪᠢᠬᠤ᠂ ᠡᠮ ᠲᠤᠰᠤᠯᠭᠠᠬᠤ᠂ ᠡᠮ ᠢᠶᠠᠷ ᠵᠠᠶᠢᠯᠠᠬᠤ᠂ ᠡᠮ ᠲᠠᠳᠠᠭᠤᠯᠬᠤ᠂ ᠡᠮ ᠢᠶᠠᠷ ᠤᠳᠤᠬᠤ᠂ | ᠲᠡᠪᠳᠦᠬᠡᠯᠬᠡ᠂ ᠵᠢᠩ ᠲᠠᠯᠪᠢᠬᠤ᠂ ᠡᠮ ᠦᠷᠦᠬᠦ᠂ ᠤᠯᠠᠷᠢᠯ ᠯᠤᠭᠠ ᠲᠤᠬᠢᠷᠠᠭᠤᠯᠤᠨ᠂ ᠴᠠᠭ ᠢ ᠲᠤᠬᠢᠷᠠᠭᠤᠯᠤᠨ | ᠬᠡᠷᠡᠭᠯᠡᠬᠦ᠂ ᠡᠮ ᠨᠠᠶᠢᠷᠠᠯᠭᠠ ᠶᠢ ᠡᠬᠡᠯᠵᠢᠯᠡᠬᠦᠯᠦᠨ ᠬᠠᠪᠰᠤᠷᠤᠭᠤᠯᠨ ᠬᠡᠷᠡᠭᠯᠡᠬᠦ ᠬᠡᠷᠡᠭᠯᠡᠬᠦ ᠵᠡᠷᠭᠡ ᠤᠯᠠᠨ ᠠᠷᠭᠠ ᠪᠤᠢ᠃ | | ᠠᠷᠪᠠᠳᠦ ᠪᠠᠷ ᠳᠠᠪᠰᠢᠬᠤ ᠲᠤᠮᠳᠠᠳᠦ ᠶᠢᠨ ᠬᠡᠮᠵᠢᠬᠦᠷ ᠤᠨ ᠰᠢᠰᠲ᠋ᠧᠮ ᠤᠨ ᠯᠠᠩ᠂ ᠴᠢᠨ᠂ ᠫᠦᠨ ᠬᠢᠬᠡᠳ | ᠲᠡᠯᠡᠬᠡᠢ ᠨᠡᠶᠢᠳᠡ ᠶᠢᠨ ᠬᠡᠮᠵᠢᠭᠦᠷ ᠤᠨ ᠭᠷᠠᠮ ᠤᠨ ᠬᠠᠷᠢᠴᠠᠭᠠ᠄ 1 ᠯᠠᠩ = 50 ᠭᠷᠠᠮ᠂ 1 ᠴᠢᠨ = 5 ᠭᠷᠠᠮ᠂ 1 | ᠫᠦᠨ = 0.5 ᠭᠷᠠᠮ᠂ 1 ᠯᠢ =0.05 ᠭᠷᠠᠮ | ᠠᠷᠪᠠᠨ ᠵᠢᠷᠭᠤᠭᠠᠳᠦ ᠪᠠᠷ ᠳᠠᠪᠰᠢᠬᠤ ᠲᠤᠮᠳᠠᠳᠦ ᠶᠢᠨ ᠬᠡᠮᠵᠢᠬᠦᠷ ᠤᠨ ᠰᠢᠰᠲ᠋ᠧᠮ ᠤᠨ ᠯᠠᠩ᠂ ᠴᠢᠨ᠂ ᠫᠦᠨ | ᠬᠢᠬᠡᠳ ᠲᠡᠯᠡᠬᠡᠢ ᠨᠡᠶᠢᠳᠡ ᠶᠢᠨ ᠬᠡᠮᠵᠢᠭᠦᠷ ᠤᠨ ᠭᠷᠠᠮ ᠤᠨ ᠬᠠᠷᠢᠴᠠᠭᠠ᠄ 1 ᠯᠠᠩ = 31.25 ᠭᠷᠠᠮ᠂ 1 ᠴᠢᠨ | =3.125 ᠭᠷᠠᠮ᠂ 1 ᠫᠦᠨ = 0.3125 ᠭᠷᠠᠮ᠂ 1 ᠯᠢ = 0.03125 ᠭᠷᠠᠮ | ᠡᠮ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ᠄ ᠨᠠᠰᠦᠨ ᠳᠤ ᠬᠦᠷᠦᠭᠰᠡᠳ ᠲᠤ ᠡᠩ ᠤᠨ ᠡᠮ ᠢ ᠲᠠᠩ ᠪᠤᠯ 3 —5 ᠭᠷᠠᠮ᠂ | ᠲᠠᠯᠬᠠ ᠪᠤᠯ 1.5 — 3 ᠭᠷᠠᠮ᠂ ᠦᠷᠢᠯ ᠪᠤᠯ 11 — 15 ᠦᠷᠢᠯ ᠬᠡᠷᠡᠭᠯᠡᠨᠡ᠃ ᠬᠤᠤᠷᠠ ᠲᠠᠢ ᠡᠮ ᠪᠤᠯ | ᠬᠤᠤᠷᠠ ᠨᠢ ᠪᠠᠭᠠ ᠰᠢᠭ᠋ ᠪᠤᠯ0.15625 —0.3125 ᠭᠷᠠᠮ ᠬᠡᠷᠡᠭᠯᠡᠵᠦ᠂ ᠬᠤᠤᠷᠠ ᠨᠢ ᠶᠡᠭᠡ ᠪᠤᠯ1 —2 | ᠬᠠᠤ ᠪᠠᠷ ᠬᠡᠷᠡᠭᠯᠡᠨᠡ᠃ ᠬᠡᠦᠬᠡᠳ ᠲᠤ ᠪᠤᠯ 1 — 5 ᠨᠠᠰᠦᠨ ᠤ ᠬᠡᠦᠬᠡᠳ ᠲᠤ ᠨᠠᠰᠦᠨ ᠤ ᠬᠦᠷᠦᠭᠰᠡᠳ ᠲᠤ | ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠶᠢᠨ ᠲᠦᠷᠪᠡᠨ ᠤ ᠨᠢᠬᠡ ᠬᠤᠪᠢ ᠬᠡᠷᠡᠭᠯᠡᠨᠡ᠃ 6 — 15 ᠨᠠᠰᠦᠨ ᠤ ᠬᠡᠦᠬᠡᠳ ᠪᠤᠯ ᠨᠠᠰᠦᠨ ᠤ | ᠬᠦᠷᠦᠭᠰᠡᠳ ᠲᠤ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠶᠢᠨ ᠬᠤᠶᠠᠷᠠᠨ ᠤ ᠨᠢᠬᠡ ᠬᠤᠪᠢ ᠪᠠᠷ ᠬᠡᠷᠡᠭᠯᠡᠨᠡ᠃ 16 ᠨᠠᠰᠦᠨ ᠠᠴᠠ | ᠲᠡᠭᠡᠭᠰᠢ ᠪᠤᠯ ᠨᠠᠰᠦᠨ ᠤ ᠬᠦᠷᠦᠭᠰᠡᠳ ᠲᠤ ᠬᠡᠷᠡᠭᠯᠡᠬᠦ ᠬᠡᠮᠵᠢᠶᠡ ᠲᠠᠢ ᠠᠳᠠᠯᠢ ᠬᠡᠷᠡᠭᠯᠡᠨᠡ᠃ | ᠡᠮ ᠨᠠᠶᠢᠷᠠᠯᠭᠠ ᠶᠢᠨ ᠴᠡᠬᠡᠷᠯᠡᠯ᠄ ᠡᠪᠡᠳᠴᠢᠨ ᠢ ᠮᠦᠷᠳᠡᠭᠰᠡᠨ ᠴᠡᠭᠡᠷᠯᠡᠯ᠂ ᠡᠪᠡᠳᠴᠢᠳᠡᠨ ᠢ ᠮᠦᠷᠳᠡᠭᠰᠡᠨ | ᠴᠡᠬᠡᠷᠯᠡᠯ᠂ ᠢᠳᠡᠬᠡᠨ ᠤᠮᠳᠠᠭᠠᠨ ᠤ ᠴᠡᠬᠡᠷᠯᠡᠯ ᠵᠡᠷᠬᠡ ᠪᠤᠢ᠃ | | |