| ᠬᠡᠥᠬᠡᠳ ᠪᠠᠭᠠᠴᠤᠳ ᠬᠤᠳᠠᠯ ᠬᠡᠯᠡᠳᠡᠭ ᠤᠨ ᠰᠢᠯᠲᠠᠭᠠᠨ ᠨᠢ ᠶᠡᠷᠥᠳᠡᠭᠡᠨ ᠡᠶᠢᠮᠥᠷᠬᠦ ᠬᠡᠳᠥᠨ ᠵᠥᠢᠯ ᠤᠨ | ᠪᠠᠶᠢᠳᠠᠭ᠃ | ᠨᠢᠭᠡ᠂ ᠭᠡᠷ ᠤᠨ ᠠᠬᠠᠮᠠᠳ ︽ᠰᠢᠬᠠᠮᠳᠠᠭᠤᠯᠤᠭᠰᠠᠨ︾᠃ ᠬᠡᠥᠬᠡᠳ ᠠᠯᠳᠠᠭᠠ ᠭᠠᠷᠭᠠᠭᠰᠠᠨ ᠥᠶᠡᠰ ᠥᠷᠭᠦᠯᠵᠢ | ᠬᠤᠳᠠᠯ ᠬᠡᠯᠡᠬᠦ ᠪᠠᠷ ᠳᠠᠮᠵᠢᠨ ᠥᠪᠡᠷ ᠤᠨ ᠤᠰᠤᠯ ᠪᠤᠷᠤᠭᠤ ᠪᠠᠨ ᠬᠠᠯᠬᠠᠯᠠᠵᠤ ᠬᠠᠷᠢᠶᠠᠭᠳᠠᠵᠤ ᠰᠢᠭᠦᠮᠵᠢᠯᠡᠭᠳᠡᠬᠦ ᠠᠴᠠ | ᠵᠠᠶᠢᠯᠠᠰᠬᠢᠳᠠᠭ᠃ ᠵᠠᠷᠢᠮ ᠭᠡᠷ ᠤᠨ ᠠᠬᠠᠮᠠᠳ ᠶᠡᠷᠥ ᠠᠴᠠ ᠪᠤᠷᠤᠭᠤᠰᠢᠶᠠᠨ ᠰᠢᠭᠦᠮᠵᠢᠯᠡᠬᠦ ᠪᠤᠶᠤ ᠪᠤᠯᠤ ᠰᠢᠳᠠᠮ ᠢᠶᠠᠷ | ᠬᠡᠥᠬᠡᠳ ᠤᠨ ᠢᠶᠠᠨ ᠪᠤᠷᠤᠭᠤ ᠠᠵᠢᠯᠯᠠᠭᠠ ᠶᠢ ᠰᠢᠳᠬᠡᠳᠡᠭ᠃ ᠡᠶᠢᠮᠥᠷᠬᠦ ᠰᠤᠷᠭᠠᠨ ᠬᠥᠮᠥᠵᠢᠯ ᠤᠨ ᠥᠷᠡ ᠳ᠋ᠦᠩ ᠨᠢ | ᠶᠡᠷᠥᠳᠡᠭᠡᠨ ᠡᠰᠡᠷᠭᠦ ᠥᠢᠯᠡᠳᠥᠯ ᠥᠵᠡᠭᠦᠯᠳᠡᠭ᠃ ᠡᠶᠢᠮᠥ ᠠᠴᠠ ᠡᠴᠢᠬᠡ ᠡᠬᠡ ᠪᠤᠯᠤᠭᠰᠠᠳ ᠥᠷᠡ ᠬᠡᠥᠬᠡᠳ ᠤᠨ ᠢᠶᠠᠨ | ᠪᠤᠷᠤᠭᠤ ᠪᠠᠨ ᠵᠠᠯᠠᠷᠠᠭᠤᠯᠤᠭᠰᠠᠨ ᠥᠶᠡᠰ ᠠᠭᠤᠴᠢᠯᠠᠬᠤ ᠪᠤᠶᠤ ᠵᠤᠬᠢᠰᠲᠠᠢ ᠰᠠᠶᠢᠰᠢᠶᠠᠪᠠᠯ ᠵᠤᠬᠢᠨᠠ᠃ | ᠬᠤᠶᠠᠷ᠂ ᠭᠡᠷ ᠤᠨ ᠠᠬᠠᠮᠠᠳ ︽ᠵᠢᠭᠠᠭᠰᠠᠨ︾᠃ ᠵᠠᠷᠢᠮ ᠥᠶᠡᠰ ᠭᠡᠷ ᠤᠨ ᠠᠬᠠᠮᠠᠳ ᠬᠡᠥᠬᠡᠳ ᠢᠶᠠᠨ ᠬᠡᠳᠥᠷᠬᠡᠢ | ᠬᠠᠶᠢᠷᠠᠯᠠᠭᠰᠠᠨ ᠠᠴᠠ ᠪᠤᠯᠵᠤ ᠥᠷᠭᠦᠯᠵᠢ ᠬᠡᠥᠬᠡᠳ ᠲᠡᠭᠡᠨ ᠢᠬᠢᠷ ᠰᠢᠬᠢᠷ ᠢᠳᠡᠳᠡᠭ ᠶᠠᠭᠤᠮᠠ ᠰᠡᠮᠡᠭᠡᠷ | ᠭᠠᠷᠳᠠᠭᠤᠯᠤᠨ ᠬᠡᠥᠬᠡᠳ ᠢᠶᠠᠨ ᠨᠢᠭᠤᠴᠠ ᠪᠠᠷ ᠢᠳᠡᠭᠦᠯᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠭᠡᠷ ᠤᠨ ᠬᠥᠮᠥᠰ | ᠬᠤᠭᠤᠷᠤᠨᠳᠤ ᠪᠠᠨ ᠡᠰᠡᠬᠦᠯᠡ ᠭᠡᠷ ᠤᠨ ᠬᠥᠮᠥᠰ ᠪᠤᠯᠤᠨ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠤᠨ ᠬᠥᠮᠥᠰ ᠤᠨ ᠬᠤᠭᠤᠷᠤᠨᠳᠤ | ᠤᠷᠤᠰᠢᠵᠤ ᠪᠥᠬᠦᠢ ᠬᠤᠳᠠᠯ ᠬᠠᠭᠤᠷᠮᠠᠭ ᠥᠭᠡ ᠶᠠᠷᠢᠶᠠ᠂ ᠥᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠢ ᠬᠡᠥᠬᠡᠳ ᠴᠢᠬᠢ ᠪᠠᠷ ᠢᠶᠠᠨ | ᠰᠤᠨᠤᠰᠴᠤ ᠨᠢᠳᠥ ᠪᠠᠷ ᠢᠶᠠᠨ ᠥᠵᠡᠭᠡᠳ ᠰᠡᠳᠬᠢᠯ ᠰᠠᠨᠠᠭᠠᠨ ᠳᠤ ᠨᠢ ᠨᠥᠯᠥᠭᠡ ᠥᠵᠡᠭᠦᠯᠥᠭᠰᠡᠨ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠬᠡᠥᠬᠡᠳ ᠤᠨ ᠥᠨᠡᠨ ᠬᠤᠳᠠᠯ ᠢ ᠲᠤᠳᠤᠯᠠᠬᠤ ᠴᠢᠳᠠᠪᠤᠷᠢ ᠪᠠᠭᠤᠷᠠᠢ᠂ ᠶᠡᠭᠡ ᠬᠥᠮᠥᠰ ᠡᠳᠥᠷ | ᠲᠤᠳᠤᠮ ᠤᠨ ᠬᠠᠷᠢᠯᠴᠠᠭᠠᠨ ᠤ ᠳᠤᠮᠳᠠ ᠡᠶᠢᠮᠥ ᠲᠡᠶᠢᠮᠥ ᠰᠢᠯᠲᠠᠭᠠᠨ ᠠᠴᠠ ᠪᠤᠯᠵᠤ ᠵᠠᠷᠢᠮ ᠤᠴᠢᠷ ᠢ ᠰᠢᠭᠤᠳ ᠬᠡᠯᠡᠬᠦ | ᠳᠤ ᠳᠥᠭᠦᠮ ᠥᠭᠡᠢ ᠪᠠᠶᠢᠵᠤ᠂ ᠥᠷᠭᠦᠯᠵᠢ ᠰᠢᠯᠲᠠᠭ ᠡᠷᠢᠵᠥ ᠵᠠᠶᠢᠯᠠᠰᠬᠢᠳᠠᠭ᠃ ᠬᠡᠥᠬᠡᠳ ᠴᠤ ᠡᠭᠦᠨ ᠢ ᠳᠠᠭᠤᠷᠢᠶᠠᠵᠤ᠂ | ᠥᠨᠡᠨ ᠳᠡᠭᠡᠨ ᠬᠤᠳᠠᠯ ᠬᠡᠯᠡᠬᠦ ᠶᠢ ᠰᠤᠷᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ ᠡᠶᠢᠮᠥ ᠠᠴᠠ ᠶᠡᠭᠡ ᠬᠥᠮᠥᠰ ᠠᠵᠢᠯ ᠤᠨ ᠳᠤᠮᠳᠠ | ᠪᠠᠨ ᠠᠷᠭᠠ ᠮᠠᠶ᠋ᠢᠭ ᠢᠶᠠᠨ ᠠᠩᠬᠠᠷᠴᠤ᠂ ᠶᠡᠷᠥ ᠶᠢᠨ ᠴᠠᠭ ᠲᠤ ᠬᠡᠥᠬᠡᠳ ᠢᠶᠠᠨ ᠬᠠᠪᠰᠤᠷᠤᠨ ᠥᠨᠡᠨ ᠬᠤᠳᠠᠯ ᠢ ᠵᠥᠪ | ᠢᠶᠠᠷ ᠲᠠᠨᠢᠬᠤ ᠴᠢᠳᠠᠪᠤᠷᠢ ᠶᠢ ᠨᠢ ᠳᠡᠭᠡᠭᠡᠭᠰᠢᠯᠡᠭᠦᠯᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠳᠡᠶᠢᠯᠥᠮᠡᠲᠡᠭᠡᠢ ᠵᠠᠩ᠂ | ᠨᠡᠷᠡᠯᠬᠡᠥ ᠵᠠᠩ᠂ ᠥᠰᠢᠶᠡᠷᠬᠡᠬᠦ ᠪᠤᠳᠤᠯ ᠵᠡᠷᠭᠡ ᠨᠢ ᠬᠡᠥᠭᠡᠳ ᠢ ᠬᠤᠳᠠᠯ ᠬᠡᠯᠡᠬᠦ ᠪᠤᠯᠭᠠᠳᠠᠭ ᠲᠤᠯᠠ ᠰᠤᠷᠭᠠᠨ ᠬᠥᠮᠥᠵᠢᠯ | ᠨᠢ ᠡᠷᠬᠡᠪᠰᠢ ᠴᠢᠭᠯᠡᠯᠲᠡ ᠲᠤᠳᠤᠷᠬᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠬᠡᠥᠬᠡᠳ ᠢ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠪᠤᠯ ᠨᠢᠭᠡᠨ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠤᠯᠤᠨᠠ᠃ ᠬᠡᠥᠬᠡᠳ ᠤᠨ ᠪᠤᠶᠢᠵᠢᠯᠲᠠ ᠶᠢᠨ ᠶᠠᠪᠤᠴᠠ ᠳᠤ ᠶᠡᠭᠡ ᠬᠥᠮᠥᠰ ᠤᠨ ᠵᠥᠪ | ᠤᠨᠤᠪᠴᠢᠲᠠᠢ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ᠂ ᠬᠠᠷᠠᠭᠠᠯᠵᠠᠯᠠᠯ ᠬᠥᠮᠥᠵᠢᠯ ᠲᠤᠩ ᠴᠢᠬᠤᠯᠠ ᠶᠤᠮ᠃ ᠭᠡᠷ ᠤᠨ ᠬᠥᠮᠥᠵᠢᠯ | ᠵᠥᠢ ᠵᠤᠬᠢᠰ ᠥᠭᠡᠢ ᠭᠡᠷ ᠤᠨ ᠠᠬᠠᠮᠠᠳ ᠡᠷᠬᠡᠪᠰᠢ ᠰᠤᠷᠭᠠᠨ ᠬᠥᠮᠥᠵᠢᠭᠦᠯᠬᠦ ᠠᠷᠭᠠ ᠪᠠᠷᠢᠯ ᠤᠨ ᠲᠠᠯᠠ ᠪᠠᠷ | ᠢᠯᠡᠭᠦᠬᠡᠨ ᠲᠠᠷᠢᠬᠢ ᠬᠥᠳᠡᠯᠭᠡᠨ ᠡᠷᠴᠢᠮᠲᠡᠢ ᠠᠷᠭᠠ ᠲᠤᠭᠲᠠᠭᠠᠬᠤ ᠬᠡᠷᠡᠭᠲᠡᠢ᠂ ᠥᠭᠡᠢ ᠪᠤᠯ ᠪᠤᠷᠤᠭᠤᠳᠠᠭᠰᠠᠨ ᠳᠡᠭᠡᠷᠡ | ᠨᠢ ᠪᠤᠷᠤᠭᠤᠳᠠᠵᠤ᠂ ᠬᠠᠷᠠᠮᠰᠠᠭᠰᠠᠨ ᠴᠤ ᠤᠷᠤᠶᠢᠳᠠᠬᠤ ᠪᠤᠯᠤᠨᠠ᠃ |