| ᠴᠢᠰᠤ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠦᠶᠡ ᠳᠤ ᠭᠤᠣᠯᠳᠠᠭᠤ ᠡᠮ ᠵᠠᠰᠠᠯ ᠤᠨ ᠠᠳᠡᠭᠳᠡᠯ ᠪᠠ ᠢᠳᠡᠭᠡᠨ | ᠶᠠᠪᠤᠳᠠᠯ ᠤᠨ ᠰᠤᠪᠢᠯᠠᠯᠳᠠ ᠶᠢᠨ ᠪᠤᠷᠤᠭᠤᠳᠠᠯ ᠠᠴᠠ ᠪᠤᠯᠵᠤ᠂ ᠪᠠᠳᠭᠠᠨ ᠬᠡᠢ ᠶᠢᠨ ᠬᠦᠴᠦᠨ ᠳᠡᠶᠢᠯᠤᠩᠭᠦᠢ ᠪᠤᠯᠤᠭᠰᠠᠨ | ᠢᠶᠠᠷ ᠭᠤᠤᠯ ᠰᠢᠨᠵᠢ ᠪᠤᠯᠭᠠᠭᠰᠠᠨ ᠪᠦᠬᠦ ᠪᠡᠶᠡ ᠶᠢᠨ ᠴᠢᠨᠠᠷᠲᠠᠢ ᠨᠢᠭᠡ ᠲᠦᠷᠦᠯ ᠤᠨ ᠡᠪᠡᠳᠴᠢᠨ ᠮᠦᠨ᠃ ᠲᠤᠰ | ᠡᠪᠡᠳᠴᠢᠨ ᠳᠤᠳᠤᠭᠰᠢ ᠴᠤᠯᠤ᠂ ᠰᠠᠪᠠ᠂ ᠭᠠᠳᠠᠭᠰᠢ ᠲᠤᠯᠤᠭᠠᠢ᠂ ᠶᠠᠰᠤ ᠵᠡᠷᠭᠡ ᠳᠤ ᠪᠦᠷᠢᠯᠳᠦᠵᠦ᠂ ᠲᠤᠶᠢᠯ ᠤᠨ | ᠪᠤᠳᠤᠯᠢᠶᠠᠨ ᠲᠠᠢ ᠡᠪᠡᠳᠴᠢᠨ ᠤ ᠬᠤᠪᠢᠷᠠᠯᠳᠠ ᠶᠢ ᠢᠯᠡᠷᠡᠭᠦᠯᠳᠡᠭ᠃ ᠡᠭᠦᠨ ᠢ ᠪᠠᠰᠠ ᠬᠡᠢ ᠰᠦᠪᠡ ᠡᠪᠡᠳᠴᠢᠨ᠂ ᠬᠡᠢ | ᠬᠦᠴᠢᠷ ᠡᠪᠡᠳᠴᠢᠨ ᠭᠡᠵᠤ ᠬᠡᠯᠡᠳᠡᠭ᠃ | ᠰᠢᠯᠳᠠᠭᠠᠨ ᠪᠠ ᠡᠪᠡᠳᠴᠢᠨ ᠤ ᠵᠦᠢ᠄ | ᠲᠤᠰ ᠡᠪᠡᠳᠴᠢᠨ ᠤ ᠭᠤᠤᠯ ᠰᠢᠯᠳᠠᠭᠠᠨ ᠨᠢ ᠳᠠᠷᠤᠢ ᠪᠠᠳᠭᠠᠨ ᠬᠡᠢ ᠪᠣᠯᠤᠨᠠ᠃ ᠴᠢᠰᠤ ᠪᠥᠷᠢᠯᠳᠦᠭᠰᠡᠨ | ᠡᠪᠡᠳᠴᠢᠨ ᠤ ᠦᠶᠡ ᠳᠤ ᠡᠮᠴᠢᠯᠡᠭᠰᠡᠨ ᠦᠭᠡᠢ ᠪᠠᠷ ᠤᠳᠠᠭᠠᠰᠢᠷᠠᠭᠤᠯᠵᠤ ᠬᠠᠭᠤᠴᠢᠷᠠᠭᠠᠳ ᠪᠠᠳᠭᠠᠨ ᠬᠡᠢ ᠶᠢᠨ | ᠬᠦᠴᠦᠨ ᠳᠡᠶᠢᠯᠦᠩᠭᠦᠢ ᠪᠤᠯᠬᠤ ᠪᠠ ᠡᠰᠡᠬᠦᠯᠡ ᠴᠢᠰᠤ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ ᠳᠤ ᠡᠮ ᠲᠠᠯᠠ ᠪᠠᠷ | ᠡᠬᠡᠬᠦᠨ᠂ ᠭᠠᠰᠢᠭᠤᠨ᠂ ᠠᠮᠲᠠᠯᠢᠭ ᠠᠮᠲᠠᠲᠠᠢ ᠡᠮ ᠪᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠲᠠᠯᠠ ᠪᠠᠷ ᠰᠡᠷᠢᠭᠦᠨ ᠴᠢᠨᠠᠷᠳᠠᠢ ᠢᠮᠠᠭᠠᠨ | ᠮᠢᠬᠠ᠂ ᠢᠮᠠᠭᠠᠨ ᠤ ᠲᠠᠷᠠᠭ᠂ ᠠᠶᠢᠷᠠᠭ᠂ ᠰᠢᠨᠡ ᠲᠤᠰᠤ᠂ ᠰᠠᠭᠠᠭ ᠤᠨ ᠭᠤᠯᠢᠷ ᠵᠡᠷᠭᠡ ᠶᠢ ᠬᠡᠳᠦᠷᠡᠭᠦᠯᠬᠦ᠃ ᠵᠠᠰᠠᠯ ᠤᠨ | ᠲᠠᠯᠠ ᠪᠠᠷ ᠬᠠᠭᠤᠷᠠᠢ᠂ ᠰᠤᠳᠠᠯ ᠬᠡᠪᠡᠯᠢ ᠶᠢᠨ ᠲᠤᠭᠤᠯᠭᠠ ᠵᠡᠷᠭᠡ ᠶᠢᠨ ᠰᠡᠷᠢᠭᠦᠨ ᠶᠡᠷᠤᠨᠳᠡᠭ ᠤᠳ ᠡᠪᠡᠳᠴᠢᠨ ᠤ | ᠬᠦᠴᠦᠨ ᠠᠴᠠ ᠬᠡᠲᠦᠷᠬᠡᠢ ᠳᠠᠪᠠᠭᠰᠠᠨ ᠪᠤᠶᠥ ᠡᠪᠡᠳᠴᠢᠨ ᠨᠢ ᠨᠢᠭᠡᠨᠳᠡ ᠡᠳᠡᠭᠡᠷᠡᠭᠰᠡᠨ ᠪᠠᠶᠢᠳᠠᠯᠠ ᠰᠡᠷᠢᠭᠦᠨ ᠶᠡᠷᠦᠨᠳᠡᠭ | ᠢ ᠦᠷᠬᠦᠯᠵᠢᠯᠡᠨ ᠦᠭᠭᠦᠭᠰᠡᠨ ᠠᠴᠠ ᠴᠢᠰᠤ᠂ ᠰᠢᠷᠠ ᠶᠢᠨ ᠬᠠᠯᠠᠭᠤᠨ ᠤ ᠬᠦᠴᠦᠨ ᠪᠠᠭᠤᠷᠠᠭᠠᠳ ᠪᠠᠳᠭᠠᠨ ᠬᠡᠢ ᠶᠢᠨ | ᠬᠦᠴᠦᠨ ᠨᠢ ᠲᠡᠶᠢᠯᠥᠩᠭᠦᠢ ᠪᠤᠯᠤᠨ ᠤᠷᠪᠠᠵᠤ᠂ ᠶᠠᠰᠤ᠂ ᠲᠤᠯᠤᠭᠠᠢ᠂ ᠪᠦᠭᠡᠷᠡ ᠵᠡᠷᠭᠡ ᠤᠷᠤᠨ ᠳᠤ ᠰᠠᠷᠨᠢᠵᠤ᠂ ᠪᠡᠷᠭᠡ | ᠪᠤᠳᠦᠯᠢᠶᠠᠨᠲᠠᠢ ᠡᠪᠡᠳᠴᠢᠨ ᠤ ᠬᠤᠪᠢᠷᠠᠯᠲᠠ ᠶᠢ ᠡᠭᠦᠰᠭᠡᠳᠡᠭ᠃ | ᠵᠦᠢᠯ ᠢᠯᠭᠠᠯ᠄ | ᠶᠡᠷᠦᠩᠬᠡᠢ ᠳᠤᠨᠢ ᠡᠪᠡᠳᠴᠢᠨ ᠤ ᠪᠠᠭᠤᠭᠰᠠᠨ ᠤᠷᠤᠨ ᠢᠶᠠᠷ ᠨᠢ ᠢᠯᠭᠠᠪᠠᠯ᠂ ᠶᠠᠰᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ | ᠡᠪᠡᠳᠴᠢᠨ᠂ ᠲᠤᠯᠤᠭᠠᠢ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ᠂ ᠵᠢᠷᠦᠬᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ᠂ | ᠪᠦᠭᠡᠷᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ᠂ ᠬᠤᠳᠤᠭᠠᠳᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ᠂ ᠭᠡᠳᠡᠰᠦᠨ ᠳᠤ | ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠭᠡᠵᠦ ᠵᠢᠷᠭᠤᠭᠠᠨ ᠵᠦᠢᠯ ᠪᠤᠢ᠃ | ᠰᠢᠨᠵᠢ ᠲᠡᠮᠲᠡᠭ᠄ | ﹇ᠶᠡᠷᠦᠩᠬᠡᠢ ᠰᠢᠨᠵᠢ﹈ ᠪᠦᠬᠦ ᠪᠡᠶᠡ ᠶᠢᠨ ᠶᠠᠰᠤ ᠨᠢ ᠰᠢᠷᠭᠢᠷᠠᠵᠤ᠂ ᠤᠨᠲᠠᠷᠠᠨ ᠡᠪᠡᠳᠬᠦ᠂ ᠳᠠᠭᠠᠷᠠᠬᠤ᠂ ᠮᠢᠬᠠ | ᠠᠷᠠᠰᠤᠨ ᠤ ᠵᠠᠪᠰᠠᠷ ᠢᠶᠠᠷ ᠵᠢᠮᠵᠢᠭᠢᠨᠡᠵᠤ ᠡᠪᠡᠳᠬᠦ᠂ ᠮᠢᠬᠠ ᠨᠢ ᠰᠡᠯᠭᠦᠷᠡᠵᠦ ᠬᠦᠭᠡᠭᠡᠬᠦ᠂ ᠭᠤᠣᠯ ᠵᠢᠷᠣᠬᠡ ᠨᠢ ᠠᠮᠣᠷ | ᠦᠭᠡᠢ ᠪᠣᠯᠬᠤ᠂ ᠲᠤᠯᠤᠭᠠᠢ ᠡᠷᠭᠢᠵᠤ ᠨᠢᠳᠦ ᠨᠢ ᠪᠦᠷᠡᠯᠵᠢᠬᠦ᠂ ᠲᠣᠯᠣᠭᠠᠢ ᠶᠢᠨ ᠶᠠᠰᠤ ᠨᠢ ᠬᠦᠢᠳᠡᠨ ᠣᠷᠭᠢᠵᠤ ᠡᠪᠡᠳᠬᠦ | ᠪᠠ ᠨᠢᠷᠤᠭᠤ᠂ ᠭᠡᠳᠡᠰᠤ᠂ ᠬᠡᠤᠬᠡᠨ ᠬᠡᠪᠳᠡᠰᠢ ᠶᠢᠨ ᠤᠷᠴᠢᠮ ᠢᠶᠠᠷ ᠨᠢ ᠬᠦᠢᠳᠡᠨ ᠤᠷᠭᠢᠵᠤ᠂ ᠪᠤᠷᠤᠭᠤᠳᠠᠨ ᠡᠪᠡᠳᠬᠦ᠂ | ᠴᠠᠭᠠᠨ ᠴᠢᠬᠢᠭ ᠨᠢ ᠠᠷᠪᠢᠨ ᠪᠦᠭᠡᠳ ᠦᠡᠭᠭᠡ ᠨᠢ ᠤᠯᠠᠩᠬᠢ ᠳᠠᠭᠠᠨ ᠴᠠᠭᠠᠨ ᠪᠣᠶᠣ ᠪᠤᠯᠠᠩᠬᠢᠷ ᠰᠢᠭᠦᠰᠤ ᠮᠡᠲᠦ | ᠮᠦᠷᠲᠡᠭᠡᠨ ᠨᠠᠭᠠᠯᠳᠤᠩᠭᠤᠢ ᠪᠠᠶᠢᠳᠠᠭ᠃ ᠰᠠᠷᠠ ᠶᠢᠨ ᠭᠬᠢᠷ ᠨᠢ ᠲᠠᠰᠦᠷᠠᠯᠲᠠ ᠦᠭᠡᠢ ᠴᠤᠪᠤᠷᠠᠬᠤ ᠪᠤᠶᠤ ᠮᠦᠷᠳᠡᠭᠡᠨ | ᠨᠠᠭᠠᠯᠳᠦᠩᠭᠤᠢ ᠪᠠᠶᠢᠳᠠᠭ᠃ ᠰᠠᠷᠠ ᠶᠢᠨ ᠭᠬᠢᠷ ᠨᠢ ᠲᠠᠰᠤᠷᠠᠯᠳᠠ ᠦᠭᠡᠢ ᠴᠤᠪᠤᠷᠠᠬᠤ ᠪᠤᠶᠤ ᠬᠤᠷᠢᠭᠳᠡᠬᠤ ᠴᠤ ᠪᠤᠢ᠃ | ﹇ᠲᠤᠰᠪᠦᠷᠢ ᠶᠢᠨ ᠰᠢᠨᠵᠢ﹈ ᠲᠤᠰ ᠲᠤᠰ ᠲᠤᠨᠢ ᠢᠯᠭᠠᠪᠠᠯ ᠲᠣᠣᠷᠠᠬᠢ ᠮᠡᠳᠣ᠄ | 1᠂ ᠶᠠᠰᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠪᠦᠬᠦ ᠪᠡᠶᠡ ᠶᠢᠨ ᠶᠠᠰᠤ ᠨᠢ ᠰᠢᠷᠭᠢᠷᠡᠬᠦ ᠪᠦᠭᠡᠳ | ᠬᠦᠢᠳᠡᠨ ᠤᠷᠭᠢᠵᠤ ᠡᠪᠡᠳᠬᠦ᠂ ᠣᠭᠤᠴᠠ᠂ ᠨᠢᠷᠤᠭᠤ ᠪᠠ ᠦᠶᠡ ᠭᠡᠰᠢᠭᠦᠦ ᠨᠢ ᠮᠢᠨᠴᠦᠭᠦᠷᠡᠵᠤ᠂ ᠮᠡᠳᠡᠷᠡᠯ ᠨᠢ ᠮᠠᠭᠤᠳᠡᠬᠤ | ᠵᠡᠷᠭᠡ ᠶᠢᠨ ᠰᠢᠨᠵᠢ ᠢᠯᠡᠷᠡᠨᠡ᠃ | 2᠂ ᠲᠤᠯᠤᠭᠠᠢ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠲᠤᠯᠤᠭᠠᠢ ᠨᠢ ᠡᠷᠭᠢᠬᠦ᠂ ᠨᠢᠳᠦᠨ ᠳᠤᠨᠢ ᠴᠠᠭᠠ | ᠣᠨᠠᠬᠤ᠂ ᠴᠢᠬᠢ ᠨᠢ ᠲᠦᠯᠡᠶᠢᠷᠡᠬᠦ ᠪᠣᠶᠣ ᠴᠢᠭᠢᠨ ᠠᠴᠠ ᠨᠢ ᠦᠭᠡᠷᠢ ᠴᠣᠪᠣᠷᠠᠬᠤ᠂ ᠰᠢᠳᠦ ᠲᠦᠭᠦᠰᠢ ᠨᠢ ᠡᠪᠡᠳᠦᠨᠡ᠃ | 3᠂ ᠵᠢᠷᠦᠬᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠵᠢᠷᠦᠬᠡ ᠴᠡᠴᠡᠷᠡᠨ᠂ ᠲᠤᠳᠤᠷ ᠪᠠᠴᠢᠮᠳᠠᠬᠤ᠂ | ᠲᠤᠯᠤᠭᠠᠢ ᠡᠷᠭᠢᠵᠤ᠂ ᠴᠢᠬᠢ ᠱᠤᠤᠭᠢᠬᠤ᠂ ᠨᠤᠶᠢᠷ ᠠᠯᠳᠠᠬᠤ᠂ ᠰᠡᠳᠭᠢᠯ ᠰᠠᠨᠠᠭᠠ ᠪᠣᠳᠣᠩᠭᠤᠶᠢᠷᠠᠬᠤ ᠪᠠ ᠮᠠᠷᠲᠠᠮᠳᠠᠭᠠᠢ | ᠪᠣᠯᠬᠤ ᠮᠡᠳᠣ ᠶᠢᠨ ᠰᠢᠨᠵᠢ ᠢᠯᠡᠷᠡᠬᠦ᠂ ᠬᠦᠨᠳᠦᠷᠡᠪᠡᠯ ᠰᠣᠯᠢᠶᠠᠷᠠᠬᠤ ᠪᠠ ᠮᠠᠨᠠᠷᠠᠬᠤ ᠪᠦᠭᠡᠳ ᠰᠠᠷᠠ ᠶᠢᠨ ᠭᠬᠢᠷ ᠨᠢ | ᠲᠡᠭᠰᠢ ᠦᠭᠡᠢ ᠪᠣᠯᠬᠤ ᠵᠡᠷᠭᠡ ᠶᠢᠨ ᠰᠢᠨᠵᠢ ᠢᠯᠡᠷᠡᠨᠡ᠃ | 4᠂ ᠪᠦᠭᠡᠷᠡᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠪᠦᠭᠡᠷᠡ ᠪᠡᠯᠭᠡᠭᠦᠰᠦᠨ ᠠᠴᠠ ᠳᠤᠷᠤᠭᠰᠢ | ᠤᠨᠵᠢᠷᠠᠨ ᠰᠢᠷᠭᠢᠷᠡᠵᠣ ᠡᠪᠡᠳᠬᠦ᠂ ᠦᠶᠡ ᠭᠡᠰᠢᠭᠦᠦ ᠨᠢ ᠤᠳᠠᠭᠠᠨ ᠴᠢᠨᠠᠷᠳᠠᠢ ᠪᠠᠷ ᠰᠢᠮᠰᠢᠷᠡᠨ ᠡᠪᠡᠳᠬᠦ᠂ ᠴᠠᠭᠠᠨ | ᠴᠢᠬᠢᠭ ᠨᠢ ᠡᠯᠪᠡᠭᠰᠢᠵᠤ᠂ ᠲᠣᠯᠣᠭᠠᠢ ᠡᠷᠭᠢᠨ ᠴᠢᠬᠢ ᠱᠣᠣᠭᠢᠬᠤ ᠪᠠ ᠳᠦᠯᠡᠶᠢᠷᠡᠬᠦ ᠪᠤᠯᠤᠨᠠ᠂ ᠡᠭᠦᠨ ᠤ ᠤᠨᠴᠠᠯᠢᠭ ᠨᠢ | ᠳᠠᠭᠠᠷᠠᠵᠤ ᠵᠢᠩᠭᠢᠨᠠᠪᠠᠯ ᠡᠪᠡᠳᠬᠦ ᠨᠢ ᠢᠯᠡᠭᠦᠦ ᠪᠠᠶᠢᠳᠠᠭ᠃ | 5᠂ ᠬᠤᠳᠣᠭᠠᠳᠤᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠬᠤᠳᠣᠭᠠᠳᠣ ᠬᠦᠭᠡᠭᠡᠵᠣ ᠲᠦᠭᠦᠷᠣᠭᠡᠳ᠂ | ᠤᠷᠣᠳᠣᠰᠣᠯᠠᠨ ᠡᠪᠡᠳᠬᠦ᠂ ᠤᠯᠠᠨ ᠬᠡᠬᠡᠷᠡᠭᠦᠯᠬᠦ᠂ ᠰᠢᠩᠭᠡᠭᠡᠯᠳᠡ ᠨᠢ ᠮᠠᠭᠤᠲᠠᠵᠣ᠂ ᠵᠠᠷᠢᠮ ᠳᠠᠭᠠᠨ ᠬᠤᠭᠤᠰᠣᠨ ᠢᠶᠠᠷ | ᠤᠭᠰᠢᠭᠤᠯᠬᠤ ᠪᠦᠭᠡᠳ ᠢᠳᠡᠭᠡᠨ ᠤ ᠲᠣᠷᠠᠰᠢᠯ ᠮᠠᠭᠤᠲᠠᠵᠤ᠂ ᠰᠡᠷᠢᠭᠦᠨ ᠴᠢᠨᠠᠷᠳᠠᠢ ᠢᠳᠡᠭᠡᠨ ᠣᠮᠳᠠᠭᠠᠨ ᠮᠠᠰᠢ ᠶᠡᠭᠡ | ᠬᠤᠤᠷᠯᠠᠬᠤ ᠪᠤᠯᠤᠨᠠ᠃ ᠢᠮᠠᠭᠲᠠ ᠪᠡᠶᠡ ᠶᠢᠨ ᠢᠯᠴᠢ ᠨᠢ ᠪᠠᠭᠤᠷᠠᠭᠠᠳ᠂ ᠬᠦᠢᠳᠡᠨ ᠤᠷᠭᠢᠬᠤ ᠶᠤᠮ᠃ | 6᠂ ᠭᠡᠳᠡᠰᠦᠨ ᠳᠤ ᠬᠡᠢ ᠪᠦᠷᠢᠯᠳᠦᠭᠰᠡᠨ ᠡᠪᠡᠳᠴᠢᠨ ᠤ ᠰᠢᠨᠵᠢ᠄ ᠰᠢᠩᠭᠡᠭᠡᠯᠳᠡ ᠨᠢ ᠮᠠᠭᠤᠲᠠᠭᠠᠳ᠂ ᠦᠷᠬᠦᠯᠵᠢ | ᠰᠠᠭᠤᠯᠭᠠᠬᠤ᠂ ᠭᠡᠳᠡᠰᠤ ᠤᠷᠴᠢᠮ ᠢᠶᠠᠷ ᠨᠢ ᠪᠣᠭᠤᠭᠳᠠᠵᠤ᠂ ᠭᠡᠳᠡᠰᠣ᠂ ᠳᠠᠪᠤᠰᠠᠩ ᠨᠢ ᠬᠦᠭᠡᠭᠡᠵᠤ᠂ ᠬᠦᠢᠳᠡᠨ ᠤᠷᠭᠢᠵᠤ | ᠡᠪᠡᠳᠬᠦ᠂ ᠰᠠᠷᠠ ᠶᠢᠨ ᠭᠬᠢᠷ ᠨᠢ ᠴᠠᠭ ᠪᠤᠰᠤ ᠪᠠᠷ ᠴᠤᠪᠤᠷᠠᠬᠤ ᠵᠡᠷᠭᠡ ᠶᠢᠨ ᠰᠢᠨᠵᠢ ᠢᠯᠡᠷᠡᠨᠡ᠃ |