| ᠬᠤᠯᠪᠤᠬᠤ ᠦᠰᠦᠭ ᠤᠨ ᠲᠦᠷᠢᠮ ᠨᠢ ᠮᠤᠩᠭᠤᠯ ᠬᠡᠯᠡᠨ ᠤ ᠵᠦᠪ ᠪᠢᠴᠢᠬᠦ ᠲᠦᠷᠢᠮ ᠳᠤ ᠴᠢᠬᠤᠯᠨ | ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ᠂ ᠮᠤᠩᠭᠤᠯ ᠦᠰᠦᠭ ᠢ ᠵᠦᠪ ᠪᠢᠴᠢᠬᠦ ᠳᠤ ᠲᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠦᠢᠯᠡᠳᠦᠯ | ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ᠃ ᠠᠯᠪᠠᠨ ᠵᠢᠷᠤᠮ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠬᠢᠴᠢᠶᠡᠯ ᠤᠨ ᠪᠠᠷᠢᠮᠵᠢᠶᠠ ᠶᠢᠨ ᠰᠤᠷᠬᠤ | ᠪᠢᠴᠢᠭ ︵ᠬᠡᠯᠨ ᠪᠢᠴᠢᠭ︶ ︵1—6 ᠤᠨ︶ ᠲᠤ ᠬᠤᠯᠪᠤᠬᠤ ᠦᠰᠦᠭ ᠤᠨ ᠲᠦᠷᠢᠮ ᠢ ᠲᠤᠬᠢᠷᠠᠭᠤᠯᠤᠭᠰᠠᠨ ᠦᠭᠡᠢ | ᠪᠠᠶᠢᠭᠠ᠃ ᠭᠡᠪᠡᠴᠦ ᠰᠤᠷᠬᠤ ᠪᠢᠴᠢᠭ ᠲᠤ ᠬᠤᠯᠪᠤᠬᠤ ᠦᠰᠦᠭ ᠤᠷᠤᠭᠰᠠᠨ ᠦᠭᠡᠰ ᠠᠷᠪᠢᠨ ᠲᠤᠬᠢᠶᠠᠯᠳᠤᠵᠤ᠂ | ᠰᠤᠷᠤᠭᠴᠢᠳ ᠡᠳᠡᠭᠡᠷ ᠦᠰᠦᠭ ᠢ ᠪᠤᠷᠤᠭᠤ ᠪᠢᠴᠢᠬᠦ ᠦᠵᠡᠭᠳᠡᠯ ᠵᠦᠩᠳᠡᠭᠡᠨ ᠤᠷᠤᠰᠢᠵᠤ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠄ | ︽ᠤᠯᠪᠠ— ᠤᠯᠤᠪᠠ᠂ ᠪᠤᠯᠪᠠ — ᠪᠤᠯᠤᠪᠠ᠂ ᠰᠤᠨᠤᠰᠪᠠ— ᠰᠤᠨᠤᠰᠤᠪᠠ᠂ ᠦᠰᠪᠡ— ᠦᠰᠦᠪᠡ᠂ | ᠪᠤᠯᠵᠠᠢ— ᠪᠤᠯᠤᠵᠠᠢ᠂ ᠪᠤᠰᠴᠠᠢ— ᠪᠤᠰᠤᠵᠠᠢ ︵ᠪᠤᠰᠤᠴᠠᠢ︶︾ ᠭᠡᠬᠦ ᠮᠡᠳᠦ ᠪᠠᠷ ᠪᠤᠷᠤᠭᠤ ᠪᠢᠴᠢᠭᠡᠳ ᠯᠡ ᠭᠡᠮ | ᠦᠭᠡᠢ ᠰᠠᠭᠤᠵᠤ ᠪᠠᠶᠢᠭᠠ ᠰᠤᠷᠤᠭᠴᠢᠳ ᠤᠯᠠᠰᠢᠷᠠᠵᠤ ᠪᠠᠶᠢᠨᠠ᠃ ᠡᠨ᠋ᠨ ᠪᠠᠶᠢᠳᠠᠯ ᠳᠤ ᠬᠠᠨᠳᠤᠭᠤᠯᠤᠨ ᠲᠤᠰ ᠬᠦᠮᠦᠨ | ᠰᠤᠷᠤᠭᠴᠢᠳ ᠲᠤ ︽ᠬᠤᠯᠪᠤᠬᠤ ᠦᠰᠦᠭ ᠤᠨ ᠲᠤᠬᠠᠢ︾ ᠲᠦᠭᠦᠮ ᠰᠢᠭ ᠮᠠᠳᠡᠭᠦᠯᠬᠦ᠂ ᠲᠤᠷᠰᠢᠬᠤ᠂ ᠲᠦᠯᠦᠪᠯᠡᠭᠡ | ᠪᠡᠯᠡᠳᠬᠡᠯᠡ᠃ | ᠨᠢᠭᠡ᠄ ᠬᠤᠯᠪᠤᠬᠤ ᠦᠰᠦᠭ ᠤᠨ ᠲᠦᠷᠢᠮ ᠤᠨ ᠲᠤᠬᠠᠢ ᠤᠬᠠᠭᠳᠠᠬᠤᠨ ᠡᠭᠦᠨ ᠢ ᠲᠤᠤᠷᠠᠬᠢ ᠬᠤᠶᠠᠷ | ᠵᠢᠱᠢᠶᠡ ᠪᠠᠷ ᠠᠳᠠᠯᠢᠳᠬᠠᠯ ᠬᠢᠵᠤ᠂ ᠦᠵᠡᠭᠦᠯᠦᠨ ᠲᠠᠨᠢᠭᠤᠯᠵᠤ ᠪᠤᠯᠤᠨᠠ᠃ | ᠰᠤᠨᠤᠰ + ᠨᠠ — ᠰᠤᠨᠤᠰᠤᠨᠠ | + ᠯᠡ — ᠰᠤᠨᠤᠰᠤᠯᠠ | + ᠬᠤ — ᠰᠤᠨᠤᠰᠬᠤ | + ᠳ᠋ᠠᠭ — ᠰᠤᠨᠤᠰᠲᠠᠭ | ᠰᠤᠷ + ᠨᠠ — ᠰᠤᠷᠤᠨᠠ | + ᠯᠡ — ᠰᠤᠷᠤᠯᠠ | + ᠬᠤ — ᠰᠤᠷᠬᠤ | + ᠳ᠋ᠠᠭ — ᠰᠤᠷᠳᠠᠭ | ᠲᠤᠰ ᠬᠤᠶᠠᠷ ᠵᠢᠱᠢᠶᠡᠨ ᠠᠴᠠ ︽ᠰᠤᠨᠤᠰ᠂ ᠰᠤᠷ︾ ᠬᠡᠰᠡᠨ ᠦᠢᠯᠨ ᠦᠭᠡᠨ ︵ᠨᠢᠭᠡᠨᠲᠡ ᠰᠤᠷᠴᠠᠢ︶ ᠳᠤ ︽ᠬᠤ᠂ | ᠳ᠋ᠠᠭ︾ ᠡᠬᠢᠲᠠᠢ ᠲᠠᠭᠠᠪᠤᠷᠢ ᠶᠢ ᠰᠢᠭᠤᠳ ᠵᠠᠯᠭᠠᠬᠤ ᠳᠤ ︽ᠤ᠊︾ ᠡᠭᠡᠰᠢᠭ ᠠᠪᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ︽ᠨᠠ᠂ ᠯᠡ︾ | ᠲᠠᠭᠠᠪᠤᠷᠢ ᠶᠢ ᠰᠢᠭᠤᠳ ᠵᠠᠯᠭᠠᠬᠤ ᠳᠤ ᠬᠤᠭᠤᠷᠤᠨᠲᠤ ᠨᠢ ︽ᠤ᠊︾ ᠡᠭᠡᠰᠢᠭ ᠠᠪᠴᠠᠢ᠃ ᠡᠭᠦᠨ ᠢᠶᠠᠷ ᠲᠠᠮᠵᠢᠭᠤᠯᠵᠤ | ᠦᠢᠯᠨ ᠦᠭᠡᠨ ᠳᠤ ᠲᠠᠭᠠᠪᠤᠷᠢ ᠵᠠᠯᠭᠠᠬᠤ ᠳᠤ ᠬᠤᠭᠤᠷᠤᠨᠳᠤ ᠨᠢ ᠶᠠᠮᠠᠷ ᠪᠠᠶᠢᠳᠠᠯ ᠳᠤ ᠡᠭᠡᠰᠢᠭ ︽ᠤ᠊︾ ᠠᠪᠬᠤ᠂ ᠶᠠᠮᠠᠷ | ᠪᠠᠶᠢᠳᠠᠯ ᠳᠤ ᠡᠭᠡᠰᠢᠭ ︽ᠤ᠊︾ ᠠᠪᠬᠤ ᠦᠭᠡᠢ ᠶᠤᠰᠤ ᠶᠢ ᠲᠤᠭᠲᠠᠭᠠᠵᠤ ᠦᠭᠳᠡᠭ ᠲᠦᠷᠢᠮ ᠢ ᠬᠤᠯᠪᠤᠬᠤ ᠦᠰᠦᠭ ᠤᠨ | ᠲᠦᠷᠢᠮ ᠬᠡᠳᠡᠭ ᠢ ᠤᠶᠢᠯᠠᠭᠠᠭᠤᠯᠪᠠᠯ ᠵᠤᠬᠢᠨᠠ᠃ | ᠬᠤᠶᠠᠷ᠄ ᠬᠤᠪᠢᠯᠤᠭᠴᠢ ᠵᠢᠷᠭᠤᠭᠠᠨ ᠦᠰᠦᠭ᠂ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ ᠦᠰᠦᠭ᠂ ᠡᠰᠡ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ | ᠦᠰᠦᠭ ᠢ ᠲᠠᠨᠢᠭᠤᠯᠵᠤ᠂ ᠴᠡᠭᠡᠵᠢᠯᠡᠭᠦᠯᠦᠨ ᠡᠵᠡᠮᠰᠢᠭᠦᠯᠦᠨᠡ᠃ ᠬᠤᠪᠢᠯᠤᠭᠴᠢ ᠵᠢᠷᠭᠤᠭᠠᠨ ᠦᠰᠦᠭ᠄ ︽ᠨ᠂ ᠪ᠂ ᠤᠨ᠂ ᠷ᠂ | ᠰ᠂ ᠯ︾᠂ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ ᠦᠰᠦᠭ᠄ ︽ᠨ᠊᠂ ᠭ᠊ ︵ᠭ᠊︶᠂ ᠶ᠊᠂ ᠮ᠊᠂ ᠷ᠊᠂ ᠱ᠊᠂ ᠯ︾ ᠪᠠ ᠤᠷᠲᠤᠳᠬᠠᠯ ᠦᠶᠡ ︽ᠭᠠ᠊ ︵ᠭᠡ᠊︶᠂ ᠭᠤ᠋᠂ | ᠬᠦ︾᠂ ᠡᠰᠡ ᠬᠤᠪᠢᠯᠭᠠᠭᠴᠢ᠄ ︽ᠪ᠊᠂ ᠭ᠊ ︵ᠭ᠊︶᠂ ᠵ᠊᠂᠂ᠳ᠋᠊ ︵t︶᠂ ᠳ᠋᠊ ︵d︶᠂ ᠴ᠊᠂ ᠰ᠊︾ ᠪᠠ ᠤᠷᠲᠤᠳᠬᠠᠯ ᠪᠢᠰᠢ ᠦᠶᠡ ︽ᠭᠠ᠊ | ︵ᠭᠡ᠊︶︾᠃ | ᠭᠤᠷᠪᠠ᠄ ᠬᠤᠪᠢᠯᠤᠭᠴᠢ ᠦᠰᠦᠭ ᠢᠶᠠᠷ ᠲᠡᠭᠦᠰᠦᠭᠰᠡᠨ ᠦᠢᠯᠨ ᠦᠭᠡ ᠶᠢ ᠪᠠᠭᠰᠢ ᠰᠤᠷᠤᠭᠴᠢ ᠬᠠᠮᠲᠤ ᠪᠠᠷ | ᠡᠷᠢᠵᠦ᠂ ᠶᠠᠷᠢᠯᠴᠠᠨ᠂ ᠰᠠᠮᠪᠠᠷᠯᠠᠭᠠ ᠬᠢᠵᠦ᠂ ᠬᠤᠷᠰᠢᠨ ᠰᠤᠷᠤᠯᠴᠠᠨᠠ᠃ ᠰᠤᠷ᠂ ᠬᠦᠷ᠂ ᠭᠠᠷ᠂ ᠤᠯ᠂ ᠪᠤᠴᠠᠯ᠂ ᠪᠤᠯ᠂ ᠦᠰ᠂ | ᠨᠢᠰ᠂ ᠰᠤᠳᠤᠯ᠂ ᠰᠤᠨᠤᠰ᠂ ᠬᠦᠳᠦᠯ᠂ ᠲᠠᠳ᠂ ᠠᠪ᠂ ᠰᠤᠨ᠁ | ᠳᠦᠷᠪᠡ᠄ ᠬᠤᠪᠢᠯᠭᠠᠭᠴᠢ᠂ ᠡᠰᠡ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ ᠦᠰᠦᠭ ᠢᠶᠠᠷ ᠡᠬᠢᠯᠡᠭᠰᠡᠨ ᠲᠠᠭᠠᠪᠤᠷᠢ ᠶᠢ ᠲᠡᠭᠦᠨ᠂ | ᠤᠩᠰᠢᠯᠭᠠ ᠬᠢᠵᠤ᠂ ᠢᠯᠭᠠᠭᠠ ᠵᠦᠷᠢᠶᠡ ᠶᠢ ᠨᠢ ᠲᠤᠳᠤᠯᠠᠵᠤ᠂ ᠬᠤᠷᠠᠮᠳᠤᠭᠤᠯᠤᠯ ᠬᠢᠨᠡ᠃ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ | ᠦᠰᠦᠭ ᠢᠶᠠᠷ ᠡᠬᠢᠯᠡᠭᠰᠡᠨ ᠲᠠᠭᠠᠪᠤᠷᠢ᠄ ᠨᠠ᠂ ᠯᠡ᠂ ᠭᠰᠠᠨ︵ᠭᠰᠡᠨ︶᠂ ᠶᠡ᠂ ᠮᠠᠭᠴᠠ︵ᠮᠡᠭᠴᠡ︶᠂ ᠰᠢ᠂ ᠶᠡ᠂ ᠷᠡ᠂ ᠭᠠᠷᠠᠢ ᠭᠡᠷᠠᠢ | ︵ᠭᠠᠰᠠᠢ ᠭᠡᠰᠠᠢ︶ ᠡᠰᠡ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ ᠦᠰᠦᠭ ᠢᠶᠠᠷ ᠡᠬᠢᠯᠡᠭᠰᠡᠨ ᠲᠠᠭᠠᠪᠤᠷᠢ᠄ ᠪᠡ᠂ ᠬᠤ ︵ᠬᠦ︶ ᠳ᠋ᠠᠭ ︵ᠳ᠋ᠡᠭ︶᠂ | ᠳ᠋ᠡᠯᠡ᠂ ᠵᠤ᠂ ᠴᠤ ︵ᠴᠠᠢ︶᠂ ᠰᠤᠭᠠᠢ ︵ᠰᠦ᠋ᠭᠡᠢ︶᠂ ᠭᠠ᠃ | ᠲᠠᠪᠤ᠄ ᠬᠤᠪᠢᠯᠤᠭᠴᠢ ᠵᠢᠷᠭᠤᠭᠠᠨ ᠦᠰᠦᠭ ᠢᠶᠠᠷ ᠲᠡᠭᠦᠰᠦᠭᠰᠡᠨ ᠦᠢᠯᠨ ᠦᠭᠡᠨ ᠳᠤ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ | ᠪᠠ ᠡᠰᠡ ᠬᠤᠪᠢᠯᠭᠠᠭᠴᠢ ᠨᠠᠢᠮᠠᠨ ᠦᠰᠦᠭ ᠢᠶᠠᠷ ᠡᠬᠢᠯᠡᠭᠰᠡᠨ ᠲᠠᠭᠠᠪᠤᠷᠢ ᠶᠢ ᠵᠠᠯᠭᠠᠬᠤ ᠪᠤᠯᠪᠠᠰᠤᠷᠠᠯ ᠢ ᠰᠢᠨᠡ ᠬᠢᠴᠢᠶᠡᠯ | ᠰᠤᠷᠬᠤ ᠶᠠᠪᠤᠴᠠ ᠳᠤ ᠪᠠᠨ ᠤᠯᠠᠨᠲᠠ ᠬᠢᠵᠤ᠂ ᠬᠤᠯᠪᠤᠬᠤ ᠦᠰᠦᠭ ︽ᠤ᠊︾ ᠠᠪᠬᠤ ᠪᠠ ᠠᠪᠬᠤ ᠦᠭᠡᠢ ᠶᠤᠰᠤ ᠶᠢ | ᠦᠢᠯᠡᠳᠦᠯᠭᠡ ᠲᠤᠮᠲᠠ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠳᠤᠳᠬᠠᠯᠲᠠ ᠬᠢᠵᠤ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨᠡ᠃ ᠡᠭᠦᠨ ᠢᠶᠠᠷ ᠲᠠᠮᠵᠢᠨ | ᠬᠤᠯᠪᠤᠬᠤ ᠦᠰᠦᠭ ᠤᠨ ᠤᠬᠠᠭᠳᠠᠬᠤᠨ ᠢ ᠨᠡᠩ ᠠᠮᠢᠳᠤᠯᠢᠭ ᠤᠶᠢᠯᠠᠭᠠᠭᠤᠯᠤᠨᠠ᠃ ᠵᠢᠱᠢᠶᠡᠯᠡᠪᠡᠯ᠄ | ᠪᠤᠯ + ᠨᠠ— ᠪᠤᠯᠤᠨᠠ | + ᠯᠡ— ᠪᠤᠯᠤᠯᠠ | + ᠭᠰᠠᠨ ︵ᠭᠰᠡᠨ︶— ᠪᠤᠯᠤᠭᠰᠠᠨ | + ᠮᠠᠭᠴᠠ ︵ᠮᠡᠭᠴᠡ︶— ᠪᠤᠯᠤᠮᠠᠭᠴᠠ | + ᠶᠡ— ᠪᠤᠯᠤᠶᠠ | + ᠭᠠᠷᠠᠢ ︵ᠭᠡᠷᠠᠢ︶— ᠪᠤᠯᠤᠭᠠᠷᠠᠢ | + ᠰᠢ— ᠪᠤᠯᠤᠰᠢ | ᠦᠰ + ᠨᠠ— ᠦᠰᠦᠨᠡ | + ᠯᠡ— ᠦᠰᠦᠯᠡ | + ︵ᠭᠰᠠᠨ︶ ᠭᠰᠡᠨ— ᠦᠰᠦᠭᠰᠡᠨ | + ᠶᠡ — ᠦᠰᠦᠶᠡ | + ︵ᠮᠠᠭᠴᠠ︶ ᠮᠡᠭᠴᠡ— ᠦᠰᠦᠮᠡᠭᠴᠡ | + ︵ᠭᠠᠷᠠᠢ︶ ᠭᠡᠷᠠᠢ— ᠦᠰᠦᠭᠡᠷᠠᠢ | ᠤᠯ + ᠪᠡ— ᠤᠯᠪᠠ | + ᠬᠤ ︵ᠬᠦ︶— ᠤᠯᠬᠤ | + ᠵᠤ— ᠤᠯᠵᠤ | + ᠳ᠋ᠠᠭ ︵ᠳ᠋ᠡᠭ︶— ᠤᠯᠳᠠᠭ | + ᠳ᠋ᠠᠯᠠ— ᠤᠯᠲᠠᠯᠠ | + ᠵᠠᠢ— ᠤᠯᠵᠠᠢ | ᠨᠢᠰ + ᠪᠡ— ᠨᠢᠰᠪᠡ | + ︵ᠬᠤ︶ ᠬᠦ— ᠨᠢᠰᠬᠦ | + ︵ᠳ᠋ᠠᠭ︶ ᠳ᠋ᠡᠭ— ᠨᠢᠰᠳᠡᠭ | + ᠴᠤ— ᠨᠢᠰᠴᠤ | + ᠴᠠᠢ— ᠨᠢᠰᠴᠠᠢ | + ᠳ᠋ᠡᠯᠡ— ᠨᠢᠰᠲᠡᠯᠡ | + ︵ᠭᠠᠷᠠᠢ︶ ᠭᠡᠷᠠᠢ— ᠨᠢᠰᠦᠭᠡᠷᠠᠢ᠃ |